Salmos 11
11
Papang yakat rahm kalkulnin makulnik bitik
Coro sumalniyang kaupak, Devid kaupak.
1Yang maldinik pāni kidika walta yang, Dawan yakat.
Wat yayulwarang bik:
“Asang balna yakat irah, sihm di awaih duduwa kapat.
2Dutni yamyang balna yakat talah:
sibang kidika las wahni yakat ahawi dawak las kidika mahka iswi pa as malni kaupak,
muih yayamni balna niningna yakat ruruhmwi.
3Dawakat sihm rahni balna kidika, sau yakat aiwi bubukwi,
¿dawak muih al yamni kidika ais yamwarang yah?”
4Kaunah Dawan laih, witing uni maisihni dutni dis yakat sakki.#Hab 2:20; Sof 1:7; Zac 2:13.
Dawan witing trunni kidika makau kisang yakat duwi,
dawakat witing minikpa balna yamni sahmuhwi,
muih bitik yakat di talwa sakki.#Is 66:1; Mt 5:34.
5Dawan kidika, muih barangni dawi muih dutni yakat bik di talwa sakki,
dawak kulnin bitik kau dutni di talwi,
kalbaunin lani yakat dukih diawa balna yakat.
6Dawan yaklauwi, muih dudutni balna minitna yakat dawak uhna karang kuhusmak dahlna,
kuhpau dawi sulhpa karak,
dawakat wing as wauhwarang mani bitik kau di buswarang.
¡Dawan yaklauwi dutnina minit diawarang!
7Dawan laih barangni ki,
dawakat di barangni yakat dalani talwi;
¡kidika bahang, muih yayamni balna karak biri muhnina kaltatalna karang!
Currently Selected:
Salmos 11: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
