Salmos 12
12
Papang kau ilp yulwi minit yulnin kidika
Coro sumalniyang kaupak, pasnin dini wahni tiaskaubās karak.
1Mailaihta yakta, Dawan, kat kasak kulyang balna kidika waralaih diski;#Mi 7:2.
muih ahal yayamni balna dis kalna.
2Biri alas kalyuyulwi;
muih yakat dutni yamnin yulni yuyulwi, kauna kulnin lani bu duduwi.
3Ista dutpamtah, Dawan, rikni kaupak,
muih kau dutni yamnin yulni babauwa kidika
dawak tunina manah di rahm kapat yuyulwa balna yakat bik;
4Aput yuyulwa balna yakat bik:
“Ma tikpas duda kat kamanh yamni ki;
ma tuki yaklauwi ma takit dakwi.
¿Wais sip yah mayang kau maipakna atnin?”
5Aput Dawan yulna:
“Muih miniknakunni dawak parasnina dis balna yakat laih di taihwi,
kaput diyayamwakat dalani wauhwi.
Kidika bahang, waralaih yang yawaki,
dawakat witingna yakat ilp diaki, dukih diawa yakat.”
6Dawan pranimis kidika rahm palni ki;
¡sihm lalah palni kapat ki,
kubus daihni tiaskaubu praisni daihni yamwi buswi yakna kapat!
7Dawan, man mainyanatalma;
¡ban kaput manakitdakma kidika satni muihni balna niningna kaupak!
8Muih dudutni balna kidika pa bitik yakat awawaihwi,
dawakat muih bitik kidika di dutni yak ayangni nuhni dulalauwi.#12.8 Di dutni yak ayangni nuhni dulalauwi: kaput wirlana kidika yamni kapat ki. Hibru kau amangladaski.
Currently Selected:
Salmos 12: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
