AEMAWIRISAS 6

Ow, kerja akac bwem ow tujuh ajiwar aereremtawfes

1Barewen. E jofay ara, Yesus mamkawi ow kayimin akakayiemfesen. E Yunani atakam Yahudi samat owam, e Ibrani atakam Yahudi samat owam, atakam aamtawfesen. E Yunani atakam ow, atakam atawfesen. “Car e join join aseyetamamokom amos, e dafwisma cepes, kanim inim atatamamokom. Wunam e Ibrani fwisma cepes, awut inim atatamamokom.” Inim aefesen. 2E atakam botaw batewosom ow dua belas ajiwar masirin, e Yesus mamkawi ow takas ajatefesen. Aram atakam aotawfesen. “Dar e Allah atakam manimtiw, wunam e amos sey baseyetam cowok, bare pwicak ara. 3Dojowow akatonokom. Car, e carow aman, ow tarowat mamereremtawey. E ow Roh Kudus aomomkurumamar owa. Aram cescuw owa. Dar masirin, e amos sey baseyetam kerja e ow atetamcomom. 4Dar ara masirin, janim Allah manimam, bacacapiomam, e cowok aemcomom.” Inim aefesen. 5E ow takas masirin, inim atakam akat aporfesen. Ar Stefanus aeremtewfesen. Stefanus, Allah basicim fak ipic arawen. Roh Kudusam, e ipic aomomkurumef arawen. Ar Filipusam, Prokorusam, Nikanoram, Timonam, Parmenasam, Nikolausam, inim ow aereremtawfesen. E Nikolaus, Antiokia samat ipic arawen. Ametnak ara, ar agama Yahudi arma afiwefen. 6E ow aereremtawfes ow, e ow tujuh ajiwar, e atakam botaw batewosom ow bipu atowocenfes. E atakam botaw batewosom ow masirin, janim Allah aanimfesen. Aram aban, e ow dam ton atatiwfesen.

7Bare, ow Allah atakam apacamomatawirisen. E Yerusalem Yesus mamkawi ow masirin, kayimin akakayiemawirisen. Allah atakam mamtaw tugas ow arkeam e Atakam Akat ji aeawirisen. 8Bare, Stefanus e Allah atetamamar asan atakam, fakasam, atewetkurumefen. Aramat ipic masirin, junum bweas awutnakut e ow bipu aemefen. 9Wun sembahyang cem juwas Libertini e anggota ow nat, e Stefanus, atakam aamtawfesen. Er kota Kirene owam, kota Aleksandria owam, Kilikia capinmi owam, Asia capinmi owam, arawen. 10E Roh Kudus nat, bi binip umutonnakut e Stefanus atetamefen. Inimas e ow atep e Stefanus bwemjit asan opoken. 11E ow masirin, uang wun ow atetamfesen. Inimas ara, e ow suw atemen aetamfesen. “E ipic, Allaham, Musaam, cemew aatef. Daram e atakam jen ajifom.” Inim aefesen. 12E mami owam, e ownucur owam, e Allah jirmec mamememtam owam, inim atakam jen ajifes, wunam jak amop aememfesen. Ar e Stefanus aapenfes, wunam ban akimomfesen. Ar masirin, aramat ipic e atakam mamsakam ow bipu atowomiwfesen. 13Aram, suw atemen bwetam ow, atowomiwfesen. E ow masirin, suw atemen aetamfesen. “Awamec ipic a sembahyang cem akatam, e Musa atatiwef Jirmecam, cemew atakam atawawarma. 14Daram e ipic atakam jen ajifom. Aratakam, ‘E Nasaret ipic juwas Yesus, a cem ajumtiwcema. Aram e Musa ji aeremtiwefas, juw auwumtitamcemaren.’ Inim aeef.” E suw atemen bwetam ow inim aefesen. 15E atakam mamsakam ow masirin, e Stefanus manmok fak acimakamomfesen. Abi malaikat bi awcawor aporfesen.

Currently Selected:

AEMAWIRISAS 6: LAICNS

Highlight

Copy