Genesisi 48

Jakobe e katekisa Josefa ni vanana vakwe

1Msana ka toneto, ku mahekile tito, ve gela Josefa va txi kha vona: Tate wako wa lwala. Sekoko a to teka vanana vakwe va vambidi, Manasi ni Efrayime e tsula navo. 2Se va to ya bikela Jakobe, va txi kha vona:

Mwanako Josefa a bwakile a lava ku ku wona.

Israyeli a to wuseta mitamo yakwe e wuka a txi khalahatsha ha m'bhedhuni kwakwe. 3Se Jakobe a wombile ka Josefa, a txi khene:

Txizimu txa Mtamo-Wotshe, txi ti wonekisile kwangu ni di niya Luza, ditikoni ka Kanana, txi ni katekisa, 4#Wona ni ka: Gen. 28:13-14. txi txi ni gela tiya: Ani ni na maha ti to u txi anda, ngu ngawe ani ni na tumbulukisa tihunzu ta tingi ta vathu, ditiko diya ni na di ningela ka liveleko lako, di txi va thomba ya lona kala kupinduka.

5Akuwa, vanana vako vavambidi, avava u nga veleka ditikoni muwa ka Egipta, ani ni sanzi kuta ahawa kwako, ditikoni ka muwa Egipta, va na va i di vanana vangu; Efrayime ni Manasi va na va vangu, kufana ni Rubheni ni Simiyoni i ku vanana vangu. 6#Wona ni ka: Gen. 35:16-19. Se liveleko lako, ali u no veleka msana ka vava, evo va na va i di vako; va na amukela ni vona txyavelo ka thomba yi yi lumbako vanawe. 7Mbimo yi ni nga txi wuya ngu Padhani-Aramu, mame wako Rakeli a to fa hi di ngadi hagari ka nzila, ditikoni ka Kanana, hafuhi ni Efrata; se ani ni to m'kelela koneyo, nzilani ka kuya Efrata, i ku Bhetlehema.

8Se Israyeli a to wona vanana va vambidi va Josefa, a txi khene:

Mbamani vava kani?

9Josefa a xamute, a txi khene: Mbanana vangu, ava Txizimu txi nga ta ni ninga ditikoni muwa.

Jakobe a to engeta, a txi khene:

Na ku kombela, va tise hafuhi kwangu, kasiku ni txi va katekisa.

10Kunene, maso a Israyeli ma ti si woni ta tinene ngu mhaka ya kukumba; ene a ti si woni kwati, se Josefa a to va tshuketisa hafuhi kwakwe, se ene a to va pswopswa, ni ku va khutarela. 11Israyeli a wombile ka Josefa a txi khene:

Txizimu txi mahile ti to ni za ni wona ni liveleko lako!

12Sekoko Josefa a to va thavisa ha mathumbini ka tate wakwe, a txi khizama masoni kwakwe ni kutinamisa hahatshi. 13Josefa a to va teka ngu wumbidi wawe, a txi ñola Efrayime ngu dianza dakwe da txibhabha, a txi mkonamisa txineneni ka Israyeli, a txi va tshuketisa hafuhi kwakwe. 14Aniko Israyeli a to hambanisa manza akwe, e nawuluta dianza dakwe da txinene e di sanzeka txitimwi ka msungo wa Efrayime, awu i ku mnanda, se e sanzeka dianza dakwe da txibhabha txitimwi ka msungo wa Manasi, awu i ku mwanana wa matiwula. 15Se Israyeli a to katekisa Josefa, a txi khene:

Txizimu txi va nga tsimbila masoni ka txona

vatate vangu Abrahamu ni Isaake

Txizimu txi i ku m'dyisi wangu

kukhukhela ni txi velekwa kala ditshiku da nyamsi,

16Ngelozi yi yi nga ni#48:16 Mwendo: tirula. hulukisa ka to biha,

yi na katekisa vafana vava,

ngu konaho kwakwe ditina dangu di na simame di txi ya masoni,

kumweko ni ditina da Abrahamu ni Isaake, i ku vatate vangu;

vafana vava va na kule

va txi anda ha mafuni.

17Se ngako Josefa a di woni ti to tate wakwe a vekile dianza dakwe da txinene ha msungo ka Efrayime, eto kha ta mtsakisa, ene a to ñola dianza da tate wakwe kasiku e di thavisa ha msungo ka Efrayime, a txi di veka ha msungoni ka Manasi, 18se Josefa a to womba ka tate wakwe, a txi khene:

Hi nga tona, tata wangu, nguko awuwa ngene i ku matiwula: Veka dianza dako da txinene ha msungo kwakwe.

19Aniko tate wakwe a to lamba, a txi khene:

Ani na tiziva mwanangu, na tiziva; nene a na anda, kambe a na maha wa hombe; hambi keto, mnanda wakwe a na va i di wa hombe kupinda ene, ni liveleko lakwe li na maha#48:19 Txihebheru kuhetiseka. mifumo yo tala.

20 # Wona ni ka: Vaheb. 11:21. Ka ditshiku donedo, Jakobe a to va katekisa, a txi khene:

Vaisrayeli va na thumisa matina anu, ngako va txi katekisa m'thu, va na kha vona: Txizimu txi na ku katekise kufana ni Efrayime ni Manasi!

Ti di ngeto, Jakobe a to thangetisa Efrayime masoni ka Manasi. 21Msana keto, Israyeli a wombile ka Josefa, a txi khene:

Ani ni hafuhi ni kufa, kambe Txizimu txi na va ni nanu, txona txi na mi tshumeta mi tsula ditikoni ka vakokwani vanu. 22Se ani ni ku ningile ditiko di di ku masoni ka vananu, adi ni ngadi honyola ka Vaamori, ngu ditxhari dangu ni wulaho wangu.

Currently Selected:

Genesisi 48: BEC2016

Highlight

Copy