Marakusi 11

Iesu mesuaꞌ i Ierusale, hai ratóiá tauna to handaꞌ

(Mat. 21:1-9; Luk. 19:28-38; Ioh. 12:12-15)

1Iesu hai topeguruNa hungkuꞌmoheꞌ i kótá Ierusale, haweꞌmoheꞌ i wánuá Betania hai Betepage#11:1 Betania hai Betepage: Betania rekeꞌ-rekeꞌna tálu kilómete hangko i Ierusale hai Betepage rekeꞌ-rekeꞌna hakiló hantangaꞌ hangko i Ierusale i Buluꞌ Saitu. i Buluꞌ Saitu.#11:1 Buluꞌ Saitu: Buluꞌ to tiꞌara karaoꞌ hangko i Ierusale, tándáꞌ i mata alo i hambalina lokeꞌ Kidero. Buluꞌ iti rapohinoe kau saitu. Ionoꞌ, Iesu mohuoꞌ miꞌi rodua topeguruNa#11:1 rodua topeguruNa: Biásá Iesu mohuoꞌheꞌ topeguruNa lao rodua-rodua, rápáꞌna, 6:7; 14:13. Básá woꞌo 1 Korintu 12:12-27; Iohane 17:20-23. moioru, 2Nahángáꞌáheꞌ, “Mesuaꞌmokou i wánuá to ina taduuꞌ.#11:2 wánuá to ina taduuꞌ: Ia miꞌi wánuá Betepage. Básá Matiu 21:1-2. Ane haweꞌmokou ionoꞌ, ina niꞌita hambaꞌa kalide to maleheꞌ mani ratakaꞌ, to tiꞌara mani haweꞌ hangkani rapesaweꞌi. Nikekehi haneꞌi niántiáꞌAꞌ mai. 3Ane ara tauna to mekuneꞌ i kómu moapa riꞌi haneꞌi nikekehi, nihániki node: ‘Pueꞌ moparaluu, hai ina Napopesuleꞌá pekou deiná.’ ”

4Kalaoraꞌ miꞌi topeguruNa to rodua iti, ralámbiꞌ mpuꞌu miꞌi hambaꞌa kalide to maleheꞌ mani ratakaꞌ i wiwi rárá i lindoꞌ támbi. Tangaꞌraꞌ mokekehi kalide iti hangko i potakaꞌána, 5tauna to meángkáꞌheꞌ ionoꞌ mekuneꞌ i hira, “Moapa riꞌi haneꞌi nikekehi kalide iti?”

6Rahániki nodo to nahángáꞌáheꞌ Iesu ininá. Karahádina laluitaraꞌ topeguruna Iesu iti, rapatodáhiheꞌ moala kalide iti. 7Hangko ionoꞌ, topeguruna Iesu moánti mpuꞌu miꞌi kalide iti lao i Hia, haneꞌi ralámpiꞌi kumbáraꞌ. Upu ralámpiꞌi, mesaweꞌ miꞌi Iesu,#11:7 Tiꞌara biásá datu mesaweꞌ i kalide. Biásá datu mosaweꞌi dárá, tandaꞌ ina lao mombeala. Agáiáná Iesu motunggái mesuaꞌ i Ierusale mosaweꞌi kalide, tandaꞌna Ia moánti podame hai pohintuwuꞌ. Básá Sakaria 9:9. 8-9haneꞌi laoheꞌ i Ierusale. Handaꞌ tauna meuláꞌ i Hia. Araheꞌ to moioru, araheꞌ woꞌo to i bókóꞌ. Handaꞌheꞌ to mowálá kumbáraꞌ i tangaꞌ rárá to napoliui Iesu, hai araheꞌ woꞌo to lao moala taweꞌ to potarangke hangko i hinoe haneꞌi ratale i tangaꞌ rárá, tandaꞌ pampomahileraꞌ i Iesu. Tauna to handaꞌ iti mohoraꞌ-horaꞌheꞌ oaꞌ, rauliꞌ:

“Hosana! Tatóiá miꞌi Pueꞌ Ala!

Pueꞌ Ala mowátiꞌ Tauna to haweꞌ

to mewaliꞌ HuoꞌáNa!

10Pueꞌ mowátiꞌ popárentáNa.

Ia ina mepárentá nodo Datu Daudiꞌ, toioruntaꞌ hangkoia.#11:10 nodo Datu Daudiꞌ, toioruntaꞌ hangkoia: Hangkoia Pueꞌ Ala modándi i Datu Daudiꞌ, hadua hangko i pemuleꞌána ina mewaliꞌ Datu to ina mopárentái taunáNa haweꞌ i rue-ruena (básá 2 Semueli 7:11b-14a), Mewaliꞌ toIahudiꞌ mampegiá kahaweꞌna Datu iti. Iesu miꞌi Datu iti. Básá woꞌo Pewaliꞌána 49:10.

Tatóiá miꞌi Pueꞌ Ala to i surugáꞌ!”#11:9-10 Sura Petóiá 118 rananika i Posusa Paska. (Sura Petóiá 118:25-26)

11Kahaweꞌraꞌ i kótá Ierusale, Iesu liliu mesuaꞌ i lalu tangabaa Támbina Pueꞌ Ala. Ionoꞌ Napáresáꞌ mantoleli. Roo onoꞌ, láwiꞌ ina káindi miꞌi, mesuleꞌmoheꞌ hingkakani hai topeguruNa to hampuloꞌ hai rodua laoheꞌ i wánuá Betania.

Iesu mokambo kau ara

(Mat. 21:18-19)

12Kahalona, pohuꞌ wopaheꞌ Iesu hai topeguruNa hangko i Betania lao i Ierusale. I tangaꞌ rárá, marimi miꞌi Iesu. 13Karaoꞌ mani, Ia moita hampóꞌá kau ara to marumbu taweꞌna. Lao miꞌi i tóáꞌna mampeita ba arai wuaꞌna,#11:13 Ane kau ara motaweꞌ miꞌi, lempóna ara miꞌi wuaꞌna to kókóiꞌ mani, agáiáná hangkani-hangkani, binataꞌ to kókóiꞌ (serangga) mandeꞌ wuaꞌna álána manawoꞌ. agáiáná tiꞌara ara haweꞌ hambuaꞌ, láwiꞌ tiꞌara mani tempóna mowuaꞌ. 14Onoꞌ miꞌi haneꞌi Iesu mokambo kau iti, Nauliꞌ, “Mantepuꞌu deꞌe-deꞌe, tiꞌara piꞌi ara to ina mandeꞌ wuaꞌmu.” Hai topeguruNa mohádi laluitaNa iti.

Iesu mowura tauna to mobaluꞌ-baluꞌ i Támbina Pueꞌ Ala

(Mat. 21:12-13; Luk. 19:45-48; Ioh. 2:13-16)

15Iesu hai topeguruNa haweꞌ wopaheꞌ i Ierusale, haneꞌiheꞌ mesuaꞌ i tangabaa Támbina Pueꞌ Ala. Ionoꞌ, Iesu mowuraheꞌ tauna to mobaluꞌ-baluꞌ. Ia modungká mejáraꞌ toposuláꞌ dóiꞌ,#11:15 toposuláꞌ dóiꞌ: Dóiꞌ to biásá rapakeꞌ tempó onoꞌ ara lenggeꞌna datu toRoma (básá Marakusi 12:16), hai mouláꞌ toIahudiꞌ, tiꞌara hintotoꞌ rapopenómbá i Pueꞌ Ala. Onoꞌ miꞌi haneꞌi dóiꞌ iti hangaa-ngaa rasuláki hai dóiꞌ to peisá rapakeꞌ i Támbina Pueꞌ Ala. Biásá topobaluꞌ-baluꞌ membiáꞌheꞌ melumbuꞌ hangko i dóiꞌ to rasuláki. hai pehodaꞌáraꞌ topobaluꞌ-baluꞌ tádáhi manggebodoꞌ. 16Tiꞌara woꞌo mopaliu tauna moánti párewáraꞌ moliu i tangabaa Támbina Pueꞌ Ala. 17Roo onoꞌ, Nahángáꞌáheꞌ, “Tiꞌara paꞌi niꞌisá apa to teukiꞌ i lalu Sura Magasaꞌ? Pueꞌ Ala manguliꞌ node: ‘TámbiNgkuꞌ hangaa-ngaa mewaliꞌ támbi pekakaeá to rapakeꞌ tauna hangko i humalele duniáꞌ.’ Agáiáná kómu, ‘nipopewaliꞌ riꞌi támbi kahirámpuá topanako!’ ”#11:17 Básá Iesaia 56:7; Ieremia 7:11.

18Karahádina kapalaꞌ-kapalaꞌ tadulako menómbá hai guru-guru agama apa to nabábehi Iesu, mampeliꞌmoheꞌ rárá ina rapapate. Agáiáná malááꞌheꞌ i Hia, láwiꞌ raisá upu-upu tauna moundeꞌ mampehádingi paturoꞌNa.

19Ina káindi miꞌi, Iesu hai topeguruNa pohuꞌmoheꞌ hangko i kótá Ierusale.#11:19 Iesu lao hambengi i wánuá Betania. Básá Matiu 21:17.

Mepoináláimokou i Pueꞌ Ala

(Mat. 21:20-22)

20Kahalona mepulo-pulo, Iesu hai topeguruNa tangaꞌraꞌ mesuleꞌ lao i kótá Ierusale. Moitaheꞌ kau ara to nakambo Iesu iamáindi mate miꞌi, bangi haweꞌ i kálándána. 21Nabuhinao miꞌi Peturuꞌ laluitana Iesu, onoꞌ miꞌi haneꞌi nahángáꞌá, “Guru! Peita kau ara to Nukambo iti, bangi miꞌi!”#11:21 Kanakámbóna Iesu kau ara hai kamatena kau iti, mewaliꞌ pándiriꞌ mokana i tadulakoraꞌ toIahudiꞌ hai tauna ntániꞌna to tiꞌara mowuaꞌ i lalu katueꞌraꞌ. Heáná peá to tiꞌara mowuaꞌ ina rahuku. Básá Iesaia 5:1-7; Ieremia 8:4-13.

22Nahániki Iesu, “Mepoináláimokou i Pueꞌ Ala. 23Toꞌu ntepuꞌu to Kuꞌuliꞌ hai Kuhángáꞌákou: rápáꞌna ane nipohawaꞌá buluꞌ iti, ‘Teángkáꞌmokoꞌ hai manawoꞌkoꞌ i tahiꞌ!’#11:23 Molimbá buluꞌ mewaliꞌ pándiriꞌ apa to rarekeꞌ tauna tiꞌara peisá mewaliꞌ. Básá woꞌo to teukiꞌ i wóiꞌ Marakusi 9:23. bateꞌna ina mewaliꞌ, asalaꞌ tiꞌara bata-bata lalumi hai nipoinálái ntepuꞌu, apa to niuliꞌ iti ina mewaliꞌ. 24Nipehádingi laluitaNgkuꞌ deꞌe. Ane mekakaekou membiáꞌ ba apa-apa, hangaa-ngaa nipoinálái kaꞌina naweꞌimi Pueꞌ Ala, hai bateꞌna ina nitarima apa to nipembiáꞌ iti.

25Ane mekakaekou hai ara mani rángámi to nipokóiꞌ inao, hangaa-ngaa niámpungi sieruꞌ, bona Umámi to ara i surugáꞌ ina moámpungi woꞌo salaꞌmi. [ 26Agáiáná ane tiꞌara niámpungi rángámi, Umámi to i surugáꞌ tiꞌara woꞌo ina moámpungi salaꞌmi.]”#11:26 I surana Marakusi básá Iunani to sae ntepuꞌu, wátiꞌ iti tiꞌara teukiꞌ, agáiáná teukiꞌ i handaꞌ sura to raukiꞌ huleꞌ i bókóꞌ.

Tadulako agama Iahudiꞌ mekuneꞌ i Iesu hangko iumbá kuasaꞌNa

(Mat. 21:23-27; Luk. 20:1-8)

27Haweꞌ wopaheꞌ Iesu hai topeguruNa i kótá Ierusale. I tempóraꞌ molulumao i tangabaa Támbina Pueꞌ Ala, haweꞌmoheꞌ kapalaꞌ-kapalaꞌ tadulako menómbá, guru-guru agama hai totosaeraꞌ toIahudiꞌ to ntániꞌna. 28Mekuneꞌheꞌ i Iesu, rauliꞌ, “Nuhángáꞌáꞌangkaiꞌ, heáná to moweꞌiKoꞌ kuasaꞌ {mowura topobaluꞌ-baluꞌ hangko i Támbina Pueꞌ Ala iamáindi hai mopaturoꞌ tauna to handaꞌ}?”#11:28 Tadulakoraꞌ toIahudiꞌ to mourusi apa to mewaliꞌ i Támbina Pueꞌ Ala, mewaliꞌ rapekiri kanawurana Iesu topobaluꞌ-baluꞌ iti moliungi kuasaꞌraꞌ.

29Nahániki Iesu, “Ara woꞌo hampákáꞌ pekuneꞌKuꞌ i kómu. Ane nihánikiAꞌ, hangko Kuhángáꞌárakou kaheánána to mampoweꞌiAꞌ kuasaꞌ mobábehi upu-upuna iti. 30Heáná to moweꞌi kuasaꞌ i Iohane Toperiu moriu tauna? Pueꞌ Ala,#11:30 Pueꞌ Ala - Básá Iunani: hangko i surugáꞌ. ToIahudiꞌ paka mopakeꞌ laluita “surugáꞌ” molelingi laluita “Pueꞌ Ala”. ba tauna?”

31Molaluitamoheꞌ tadulakoraꞌ toIahudiꞌ iti hadua hai hadua, rauliꞌ, “Noumbá miꞌi katahánikiNa? Ane tauliꞌi Pueꞌ Ala to moweꞌi kuasaꞌna, ina nahángáꞌákeꞌ Iesu, ‘Ane noꞌonoꞌi, moapa riꞌi haneꞌi tiꞌarakou mampoinálái apa to nauliꞌ Iohane?’ 32Agáiáná mapári woꞌo ane tauliꞌi tauna peá to moweꞌi kuasaꞌna.” Tadulakoraꞌ toIahudiꞌ iti malááꞌheꞌ mopakóiꞌ Iohane Toperiu i lindoꞌraꞌ tauna to handaꞌ, láwiꞌ handaꞌ tauna mampoinálái Iohane iti hadua nabiꞌ. 33Mewaliꞌ rahániki, “Tiꞌara kiꞌisá.”

Onoꞌ miꞌi haneꞌi nahángáꞌáheꞌ Iesu, “Ane noꞌonoꞌi, tiꞌarakou woꞌo ina Kuhángáꞌá heáná to moweꞌiAꞌ kuasaꞌKuꞌ iti.”

Currently Selected:

Marakusi 11: NTBEP

Highlight

Copy