Lukasi Laluita to mopakanótó óntóꞌna sura
Laluita to mopakanótó óntóꞌna sura
Lukasi ia miꞌi hadua sando to mamporángá Paulu i polumaona moánti Ngkóráꞌ Marasa (básá Kolose 4:14; 2 Timotiu 4:11; Pilemo 24). Rungu-runguna Lukasi mopáresáꞌ tuntukáná Iesu hangko i tauna to ara hingkakani hai Ia (1:1-2). Kaupuna mopáresáꞌ upu-upu, hangko naukiꞌ riꞌi Ngkóráꞌ Marasa deꞌe.
I lalu sura deꞌe, Lukasi mopakanótó tunggáiána Iesu mai i duniáꞌ, ia miꞌi “bona mampeliꞌ tauna to karaoꞌ hangko i Pueꞌ Ala, hai mohómpókiheꞌ hangko i huku dósáraꞌ” (Lukasi 19:10). Iesu mai i duniáꞌ bona moánti katehómpóꞌ i upu-upu tauna, tiꞌara peá i toIahudiꞌ. (Básá 2:10; 2:30-32; 3:6; 24:47.) Ane tabásá Ngkóráꞌ Marasa deꞌe, ina tongawaꞌ ahiꞌna Pueꞌ Iesu i tauna to meahiahiꞌ tueꞌraꞌ (básá 6:20; 7:22; 14:12-13; 21:1-4), i tauna to madósá (básá 5:30; 7:37-50; 15:1-2), i towawine (básá 7:11-17; 8:2-3; 10:38-42; 13:10-13; 21:1-4; 23:27-31) hai i ánángkóiꞌ (básá 8:41-42,54-55; 9:38-42; 9:46-48; 18:15-17).
Óntóꞌna
1. Pantepuꞌuána (1:1-4)
2. Karapoánákana Iohane Toperiu hai karapoánákana Pueꞌ Iesu (1:5–2:52)
3. Pobágóꞌna hai pepaturoꞌna Iohane Toperiu (3:1-20)
4. Pantepuꞌuána pobágóꞌna Iesu (3:21–4:13)
5. Pobágóꞌna Iesu hai pepaturoꞌna i tampoꞌ Galilea (4:14–9:50)
6. Pobágóꞌna Iesu hai pepaturoꞌna i polumaoáNa lao i Ierusale (9:51–19:27)
7. Minggu kahópóꞌána i kótá Ierusale (19:28–23:56)
8. Iesu tueꞌ huleꞌ hai mopatongawaꞌ wátáNa i topeguruNa (24:1-49)
9. Iesu mengkaoreꞌ lao i surugáꞌ (24:50-53)
Currently Selected:
Lukasi Laluita to mopakanótó óntóꞌna sura: NTBEP
Highlight
Share
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.