Surona Pueꞌ Iesu 3

Peturuꞌ hai Iohane mopakauriꞌ hadua topaluꞌ

1Hangkani tempó, tintiꞌ tálu miꞌi kalumbaꞌ, Peturuꞌ hai Iohane laoheꞌ i tangabaa Támbina Pueꞌ Ala i tempóna pekakaeáraꞌ toIahudiꞌ. 2I babaꞌá to rahangaꞌ Babaꞌá Meawaꞌ,#3:2 Babaꞌá Meawaꞌ: Mouláꞌ handaꞌ tauna to mapánde ntepuꞌu motasere Ngkóráꞌna Pueꞌ, Babaꞌá Meawaꞌ iti rauliꞌ woꞌo Babaꞌá Nikano, to i hiliꞌna tangabaa tauna to tiꞌara toIahudiꞌ hai tangabaa towawine. ara hadua tobaleilo to paluꞌ mantepuꞌu i karapoánákaꞌána. Alo-alona tauna iti raꞌánti woia lao mehoda i babaꞌá iti bona membiáꞌ ahiꞌ i tauna to mesuaꞌ i Támbina Pueꞌ Ala. 3Kanaitána Peturuꞌ hai Iohane ina mesuaꞌ, liu-liu membiáꞌ ahiꞌ i hira. 4Ratótói topaluꞌ iti, haneꞌi nauliꞌ Peturuꞌ i hia, “Tótóiangkaiꞌ mai!” 5Topaluꞌ iti motótói mpuꞌuheꞌ, láwiꞌ nahárungá ba ina molámbiꞌ dóiꞌ. 6Agáiáná nauliꞌ Peturuꞌ, “Buláwá ba peráꞌ tiꞌara ara i kódóꞌ, agáiáná apa to ara i kódóꞌ, iti to ina kuweꞌikoꞌ: i lalu hangaꞌna Iesu Kerisitu toNasare, molumaomokoꞌ!” 7Haneꞌi natibaaꞌ tae kuánána topaluꞌ iti hai napopeángkáꞌ. Kásáliu maróhó bitina hai kátipáhuna. 8Ia mesendeꞌ meángkáꞌ, haneꞌi molumao ngkálu soꞌu ngkálu mai. Hangko ionoꞌ, meuláꞌ miꞌi i Peturuꞌ hai Iohane mesuaꞌ hingkakani i lalu tangabaa Támbina Pueꞌ Ala, ia molumao hai mentimboꞌ-ntimboꞌ motóiá Pueꞌ Ala. 9Handaꞌ tauna to moita topaluꞌ iti molumao hai motóiá Pueꞌ Ala. 10Tingkáráꞌ ntepuꞌuheꞌ hai mokamaleáheꞌ apa to pewaliꞌ iti, láwiꞌ raisá ia topaluꞌ to alo-alona membiáꞌ-mbiáꞌ peá i Babaꞌá Meawaꞌ to ara i Támbina Pueꞌ Ala.

Tuntuna Peturuꞌ i Támbina Pueꞌ Ala

11Mewaliꞌ, topaluꞌ to hangko rapakauriꞌ iti meuláꞌ oaꞌ i Peturuꞌ hai Iohane. Kahaweꞌraꞌ i tambaleꞌ Támbina Pueꞌ Ala to rahangaꞌ Tambaleꞌ Salomo, handaꞌ tauna to lao mogagu, láwiꞌ tingkáráꞌheꞌ. 12Kanaitána Peturuꞌ tauna to handaꞌ iti, nahángáꞌáheꞌ, “Halalungkuꞌ toSáráeliꞌ! Moapa riꞌi haneꞌi nipotingkáráꞌ apa to niꞌita deꞌe? Moapa riꞌi haneꞌi nitótóiangkaiꞌ oaꞌ? Ba niuliꞌ ripaꞌi, tauna deꞌe molumao ánti kuasaꞌkiꞌ, ba hangko i kamagasaꞌna lalungkiꞌ? Tiꞌara! 13Pueꞌ Ala to rapenómbái toioruntaꞌ, to rapenómbái Burahima, Isakiꞌ hai Iako, Pueꞌ Ala iti, Ia to mampomahile HuoꞌáNa,#3:13 HuoꞌáNa: Deꞌe miꞌi woꞌo laluita to biásá rapakeꞌ mokábelái Datu Topehómpóꞌ (Kerisitu). Básá Iesaia 42:1; 49:6; 52:13-15; 53:11. Ia miꞌi Iesu.#3:13 mampomahile Huoꞌána: Mouláꞌ handaꞌ tauna to mapánde ntepuꞌu motasere Ngkóráꞌna Pueꞌ, Pueꞌ Ala mampomahile Iesu tempóNa Napatueꞌ huleꞌ hangko i kapate hai Naoreꞌ lao i surugáꞌ. Ara woꞌo to mampekiri Iesu rapomahile ánti popakauriꞌna topaluꞌ deꞌe. Halalu-halalu, Iesu iti to nihuhuꞌ i topopárentá Roma, hai to nisápuáka miꞌi i lindoꞌna Mágáuꞌ Pilatu i tempóna ina nakábáhá. 14Ia to Magasaꞌ hai Manótó LaluNa,#3:14 to Magasaꞌ hai Manótó LaluNa: Básá Iesaia 53:11. agáiáná nisápuáka riꞌi, hai nipembiáꞌ i Pilatu bona nakábáháꞌákou hadua topepapate.#3:14 hadua topepapate: ia miꞌi Baraba. Básá Lukasi 23:18-25. 15Iesu iti pentóáꞌána katueꞌ to tiꞌara mokahópóꞌá. Kehapiꞌ noꞌonoꞌ, nipapate miꞌi, agáiáná Pueꞌ Ala mopatueꞌ huleꞌ. Kaiꞌ miꞌi deꞌe mewaliꞌangkaiꞌ sabiꞌNa to moita katueꞌna huleꞌ Iesu.

16Kuasaꞌna Iesu to mopakaróhó bitina topaluꞌ deꞌe. Mewaliꞌ apa to niꞌita hai nisabiki deꞌe, iti mewaliꞌ ánti pepoináláingkiꞌ i Iesu. Onoꞌ miꞌi haneꞌi tauna deꞌe Napakauriꞌ.

17Halalu-halalu, kómu miꞌi hai tadulakomi to mopapate Iesu. Agáiáná kuisá, apa to nibábehi iti, nibábehi ánti katiꞌárána niꞌisá kaꞌIesuna miꞌi to mewaliꞌ Datu Topehómpóꞌ. 18Agáiáná kehapiꞌ noꞌonoꞌ, apa to nibábehi iti, mobukeki apa to napahaweꞌ miꞌi Pueꞌ Ala hangkoia moliu upu-upu nábiꞌNa to manguliꞌ: Datu Topehómpóꞌ hangaa-ngaa molámbiꞌ kapári.#3:18 Datu Topehómpóꞌ hangaa-ngaa molámbiꞌ kapári: Básá Iesaia 53:7-8; Sura Petóiá 2:1-2; 22:2, Sakaria 13:7. Básá woꞌo Suro 8:32-35; 4:25-26; Matiu 36:31; 27:46; Marakusi 14:27; 1 Peturuꞌ 1:11. 19Halalu-halalu, onoꞌ miꞌi haneꞌi hangaa-ngaa menosoꞌmokou hangko i dósámi hai mengkoruꞌkou i Pueꞌ Ala, bona Naꞌámpungi dósámi. 20Ane noꞌonoꞌ nibábehi, Pueꞌ Ala ina mopakaróhó lalumi, hai ina mohuoꞌ Iesu mai i kómu, láwiꞌ Ia miꞌi to napakanótó Pueꞌ Ala mewaliꞌ Datu Topehómpóꞌ. 21Deꞌe-deꞌe, Iesu toroꞌ i surugáꞌ, hai bateꞌna ina ara oaꞌ ionoꞌ duuꞌna haweꞌ tempóna Pueꞌ Ala mopawoꞌu upu-upuna,#3:21 mopawoꞌu upu-upuna: Básá woꞌo Matiu 19:28. nodo to rapahaweꞌ hangkoia moliu nábiꞌ-nábiꞌNa to magasaꞌ. 22Rápáꞌna, ara laluitana nabiꞌ Musa hangkoia mokana i Pueꞌ Iesu to manguliꞌ node:

‘Pueꞌ Ala ina mopileꞌi hadua hangko i halalumi

bona mewaliꞌ nabiꞌ nodo kódóꞌ deꞌe.#3:22 nabiꞌ nodo kódóꞌ deꞌe: Mouláꞌ toIahudiꞌ, Musa ia miꞌi nabiꞌ to mahile ntepuꞌu tueꞌna, láwiꞌ ia to moita mata Pueꞌ Ala. (Básá Poimbaꞌ 12:8.) Ia woꞌo nabiꞌ to rungu-runguna.

Hangaa-ngaa nipeuláꞌi apa to nahángáꞌákou nabiꞌ iti.

23Heáná peá to tiꞌara mampeuláꞌi apa to nauliꞌ nabiꞌ iti,

ia ina raꞌala hangko i oloꞌna taunána Pueꞌ Ala,

hai bateꞌna ina rahuku haweꞌ i rue-ruena.’ ” (Pohuleki 18:15,18,19)

24Napaliliu Peturuꞌ laluitana nauliꞌ, “Nabiꞌ-nabiꞌ to mopahaweꞌ laluitana Pueꞌ Ala, mantepuꞌu hangko i nabiꞌ Semueli hai nabiꞌ-nabiꞌ ntániꞌna to peusungi i Semueli, upu-upuheꞌ mampolaluita kana i apa to mewaliꞌ i tempó deꞌe.#3:24 i tempó deꞌe: Babilaꞌ to ratunggái ia miꞌi upu-upu to mewaliꞌ roo karapoánákana Iesu, hai upu-upu to ina mewaliꞌ. 25Kómu miꞌi halalu-halalu, to molámbiꞌ apa to nadándi Pueꞌ Ala hangkoia to rapahaweꞌ nabiꞌ-nabiꞌ iti. Kómu miꞌi woꞌo to molámbiꞌ pewátiꞌ hangko i dándina Pueꞌ Ala i toioruntaꞌ hangkoia, láwiꞌ hangkoia Pueꞌ Ala mongkóráꞌ i Burahima node:

‘Hangko i pemuleꞌámu,

upu-upu tauna i duniáꞌ ina molámbiꞌheꞌ pewátiꞌ.’ ”#3:25 pewátiꞌ: Pewátiꞌ to mahile ntepuꞌu ia miꞌi katehómpóꞌ to peisá talámbiꞌ moliu Kerisitu, hadua pemuleꞌána Burahima. (Pewaliꞌána 22:18; 26:4)

26Peturuꞌ mopahópóꞌ laluitana nauliꞌ, “I tempóna Pueꞌ Ala mohuoꞌ Iesu mai i duniáꞌ, rungu-runguna Ia mohuoꞌ Iesu mai i kitaꞌ toIahudiꞌ, bona Nawátiꞌkeꞌ hai Nateteꞌkeꞌ mampenosoꞌi upu-upu bábehiántaꞌ to kadake.”

Currently Selected:

Surona Pueꞌ Iesu 3: NTBEP

Highlight

Copy