Salmos 142
142
1Rulidzaʼ-nëʼ Xanruʼ, ruʼa zidzaj didzaʼ.
Rátaʼyuaʼ lahuëʼ Xanruʼ uzáʼ ládxëʼë quiaʼ.
2Rudödaʼ lahuëʼ yöl-laʼ rinaba yudxi quiaʼ,
en rusiyöndaʼ Lëʼ le rácagaca quiaʼ.
3Cateʼ budú ládxaʼa,
gunözi quézinuʼ Liʼ le guca quiaʼ.
Laʼ nöza ga ridáʼ nedaʼ
buluʼcachiʼ le sön nedaʼ.
4Buyú cuitaʼ ibëla
tuʼ cuntu nu zoa nu ruíʼi ladxiʼ nedaʼ.
Bitiʼ bi zoa le gácalen nedaʼ.
Cuntu nu run chiʼi böʼ naca cazaʼ.
5Gurö́dxiʼa loʼ Liʼ, Xan, gunníaʼ:
Run chiʼi cazuʼ nedaʼ Liʼ,
en naca cazuʼ Nu rácalen nedaʼ ladaj nupa nabángaca.
6Ruzë́ naguʼ le rulidzaʼ Liʼ,
tuʼ nagáʼanaʼ cáʼasö.
Busölá nedaʼ lu náʼagaca nupa taʼzóa reguʼ nedaʼ,
tuʼ nácatërögaca nál-la ca nedaʼ.
7Guléaj böʼ naca cazaʼ lu yuʼu lidxi guíë,
para gaca guíaʼ Liʼ: “Xclenuʼ” tuʼ rulidzaʼ Loʼ.
Nupa nácagaca tsahuiʼ uluʼdubi idú gásibiʼilö ga zoaʼ,
tuʼ gunnuʼ sizxöni quiaʼ le riquindaʼ.
Currently Selected:
Salmos 142: zar
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
