Popular Bible Verses from Salmos 142

Share

Gurö́dxiʼa loʼ Liʼ, Xan, gunníaʼ: Run chiʼi cazuʼ nedaʼ Liʼ, en naca cazuʼ Nu rácalen nedaʼ ladaj nupa nabángaca.

Guléaj böʼ naca cazaʼ lu yuʼu lidxi guíë, para gaca guíaʼ Liʼ: “Xclenuʼ” tuʼ rulidzaʼ Loʼ. Nupa nácagaca tsahuiʼ uluʼdubi idú gásibiʼilö ga zoaʼ, tuʼ gunnuʼ sizxöni quiaʼ le riquindaʼ.

Cateʼ budú ládxaʼa, gunözi quézinuʼ Liʼ le guca quiaʼ. Laʼ nöza ga ridáʼ nedaʼ buluʼcachiʼ le sön nedaʼ.

Rulidzaʼ-nëʼ Xanruʼ, ruʼa zidzaj didzaʼ. Rátaʼyuaʼ lahuëʼ Xanruʼ uzáʼ ládxëʼë quiaʼ.

Ruzë́ naguʼ le rulidzaʼ Liʼ, tuʼ nagáʼanaʼ cáʼasö. Busölá nedaʼ lu náʼagaca nupa taʼzóa reguʼ nedaʼ, tuʼ nácatërögaca nál-la ca nedaʼ.