1 Sámìɔ̀ 3
3
Yàwɛ è gbɛ̀ì Sámìɔ̀ là
1À yi ɓɛ ká kǝ Sámìɔ̀ è yuɔkǝlà Yàwɛ lǝ̀ Íláà xlɵ̀ɵ̀ɛ, Yàwɛ wò yaá nu mɛ píé síèsíè, ĩ́ĩ́ waá nyápíé pǝ̀ ye síèsíè. 2Kǝǝ gben do káɛ, Íláà é à nyá kǝ̀ gbɔɔ míàmìà, yaákǝ lɛ̀yelɛ̀à sǝ̀káɛ, è kǝ̀ wɔùká sɛa e dè wɔ̀lɛ̀ ɓà. 3Kǝ Aaɓia síe wôdɔɛ yaá lúkũ̀, é Sámìɔ̀ è kǝ̀ wɔùká Yàwɛa kɔ̀ gɥ́ lɛ̀ Aaɓia Wòdɔwò Gblɔ̀n lɵ́ɓàɛ ɓà. 4Lɛ̀kɔ̀ɔɛ Yàwɛà lɔ̀ɔ̀kǝ̀, “Sámìɔ̀! Sámìɔ̀!”
Ê pɵ, “Ma gà á nɛ̀!” 5É lo blàa Íláà píé, ê pɵ, “Ma gà á nɛ̀, ɓií ɥ n lɔ̀ɔ̀kǝ̀.”
Kǝǝ Íláà yà pɵ̀, “N ká ɥ lɔ̀ɔ̀kǝ, lo ɥ wɔsɛa.” Lɵɛ é lo é wɔ̀sɛa.
6É Yàwɛà lɔ̀ɔ̀kǝ̀ zɥ́, “Sámìɔ̀!”
É Sámìɔ̀ è wrùù é lo Íláà píé, ê pɵ, “Ma gà á nɛ̀, ɓií ɥ n lɔ̀ɔ̀kǝ̀.”
Kǝǝ yà pɵ̀, “N ká ɥ lɔ̀ɔ̀kǝ, manǝ, ló ɥ́ wɔsɛa zɥ́.” 7À yi ɓɛ káɛ kǝ Sámìɔ̀ yaá Yàwɛ dɔkũ̀ sǝ̀ká, ɓií Yàwɛ ká lɛ́ɓokũ̀ wɔ̃́gbɛɛ là à lǝ̀.
8É Yàwɛ è Sámìɔ̀ lɔ̀ɔ̀kǝ̀ zɥ́ à yààkazǝ̀ ká. É wrùù é lo Íláà píé é pɵ, “Ma gà á nɛ̀, ɓií ɥ n lɔ̀ɔ̀kǝ̀.”
Lɛ̀kɔ̀ɔɛ Íláà yà gɥ́dɔ gbɔɔ nɛ̀ɛ̀ Yàwɛ é nǝ́ ɓɛ lɔ̀ɔ̀kǝà ɓǝ. 9Àmɔ́ɔ̀wɔ̃̀ɓɛ ê pɵ Sámìɔ̀ lǝ̀, “Ló, wɔsɛa. Àyé yà ɥ lɔ̀ɔ̀kǝ gbɔɔɛ, à pɵ, ‘Yàwɛ, ɓò wé, ɓií ɓa yuɔkǝmɛ̀ yè ɥ wò mà.’ ” Sámìɔ̀ è lo é wɔ̀sɛa e wɔ̀lɛ̀ ɓà. 10Lɛ̀kɔ̀ɔ̀ɛ Yàwɛ è nu é dɔ à sɔ́ yâ lɔ̀ɔ̀kǝ̀ nɛ̀zɛ̃ã ê kǝ̀a líéɛ lɵ́, “Sámìɔ̀! Sámìɔ̀!”
É Sámìɔ̀ yà pɵ, “Yàwɛ, ɓò wé, ɓií ɓa yuɔkǝmɛ̀ yè ɥ wò mà.”
11Lɛ̀kɔ̀ɔɛ Yáwɛ ɓɛ ê pɵ Sámìɔ̀ lǝ̀, “Lɛ̀gà, a lóà pǝdo kǝ Ézrɛ̀ sɛ̀ gɥ́, é tó sáálɵ é loà maɛ gblɥn sàà lo wrò à là. 12À yi ɓɛ káɛ wɔ̃́ sáálɵ á bìɛ̀ Íláà píékeelɛ̀ káɛ a lòà plɛ́n kǝ wɔ̃́dèká, go à gɛ̃̀gbã̀ lɛ̀ɓà ɥ́ wòa à líétólɛ̀ ɓà. 13A bìɛ̀ à lǝ̀ nɛ̀ɛ̀ a lólà à píékee-mɛ̀nù króɓo tòapɵ́ká, kǝpǝ̀yaa và ê gɥ́dɔɛ mɔ́ɔ̀wɔ̃̀ɓà. Ƃií à gbɵnù wò kǝ̀ ma Aaɓi, n vɛ̀ìzǝlɛ̀à, é yaá wo dɔsɛa. 14Wɛ́ákũɛ̃ a sɵ̀mà Íláà píékee-mɛ̀nù ká nɛ̀ɛ̀ kǝpǝ̀yaa và é Íláà píékeeɛ yaáló gblòò sraɓosɥ̀ wãã̀ gbàapǝ̀ nusɥ̀ gɥ́ tòapɵ́ká.”
15Sámìɔ̀ tò wɔàká sɛa é toápɵ́ lɛ̀àlíé lɛ̀dɔ. Lɛ̀kɔ̀ɔɛ é wrùù é Yàwɛa kɔ́ línù ɓɛ pò. Sámìɔ̀ è sùò nyɛ̀ɛ̀ nyápíé pǝ̀ é yeɛ biɛ̀ Íláà lǝ̀. 16Kǝǝ Íláà è Sámìɔ̀ lɔ̀ɔ̀kǝ̀ ê pɵ, “Sámìɔ̀, manǝ.”
Ê pɵ, “Ma gàá nɛ̀.”
17Íláà yà pɵ à lǝ̀, “Mǝ̀ wɔ̃̀ ê Yàwɛà bìɛ̀ ɥ lǝ̀ɛ̀? Kɵ́kǝ̀ ɥ́ bĩ̀ n ɓà. Gó Aaɓi è nu króɓole gbéè ká ɥ lá àyé ɓaá biɛ̀ n lǝ̀ɛ̀ ká.” 18Lɛ̀ kǝ̀ pɵ́ɛ Sámìɔ̀ è wɔ̃́ sáálɵɛ bìɛ̀ à lǝ̀, yaá wɔ̃́gbɛ bĩ̀ àɓà. Íláà yà pɵ, “Ye é tɔɔ Yàwɛ, gó wɔ̃́ é lì à lǝ̀ɛ̀ yà kǝ.”
19Lɛ̀ Sámìɔ̀ è kpɛ̀àɛ̀, Yàwɛ è kǝ̀à píé, é yaá wéà kǝ à wò do nyɛ̀ɛ̀ pɥ̀ɵ̀ sɛa. 20Lɵɛ Ézrɛ̀mɛ̀ sáálɵ gó Dã́ã̀ pɵɵ ɥ́ ló Bìɛ̀síbà pɵɵɛ, wò Sámìɔ̀ dɔ̀ fɛ́fɛ́lɵ gbɔɔ nɛ̀ɛ̀ Yàwɛa dɔ̀àlílàmɛ̀ dè mɥ̀a. 21Góɓomɥ́ɛ̃ Yàwɛ è gbɛ̀ì zɥ́ Sílɔ̀ɔ̀, ɓií Yàwɛ è lɛ́ɓò e dè là Sámìɔ̀ lǝ̀ é pǝ é loà pɵɛ bìɛ̀ à lǝ̀. Sámìɔ̀ kǝ wɔ̃́ biɛ̀lɛ̀à Ézrɛ̀ sɛ̀gɔ̀ kpɔ̀n ɓɛ lǝ̀ kplàɓo.
Currently Selected:
1 Sámìɔ̀ 3: DHB
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in