1 Sámìɔ̀ 4
4
Félésã́ã̀mɛ̀nù wò Wòdɔwò Gblɔ̀n ɓɛ kũ̀
1Yi do káɛ Ézrɛ̀ è lò kó ká Félésã́ã̀mɛ̀nù gɔ̀, wóo yàlɛ̀ sɥ Ɛ́bɛ̀nízǝ̀ pɵɵ, é Félésã́ã̀mɛ̀nù wóo yàlɛ̀ sɥ Áfɛ̀ pɵɵ. 2Lɛ̀kɔ̀ɔɛ Félésã́ã̀mɛ̀nù wò dɔ kǝ́ngɥ́ wɔ̃̀ɔ̃̀ kózǝ. Lɛ̀ kóɓɛɛ yà kǝ gbéè dùòɛ̀ Félésã́ã̀mɛ̀nù kɔ̀zìè Ézrɛ̀ gɔ̀, é wó krúánù wó lo kǝ nɛ̀ɛ̀ mɛ vù yììsiɛ (4,000) lɵ́ɛ zǝ Ézrɛ̀ píé. 3Lɛ̀ Ézrɛ̀a kózǝmɛ̀nù wó laɛ, wà nu wo yàlɛ̀ɓàɛ̀, Ézrɛ̀ nyɔàzǝ̀ wó pɵ, “Mǝ̀kǝ̀ Yàwɛ è go é Félésã́ã̀mɛ̀nù kɔ̀zìè yigɔ̀ gbɛ̃́ã̀ nǝ̀ǝɛ? Kwà Yàwɛa Wòdɔwò Gblɔ̀n ɓɛ sɥ́ Sílɔ̀ɔ̀ pɵɵ kwá nuá zɵ kǝ Yàwɛ nyɛ̀ɛ̀ kǝ kwa píé nyɛ̀ɛ̀ kwa ɓo kwa dǝgbɵnùa gɥ́gbéèlɛ̀ kwɛ.” 4Àmɔ́ɔ̀wɔ̃̀gɥ́ɛ wó mɛ bɔ Sílɔ̀ɔ̀ pɵɵ wó nu Yàwɛ é naàlúmɛ̀ sáálɵɛ gɔ̀lààɛ̀ ê yàɥ̀ lɵ́ mɥ̀ kɛ́lɛ̀nù#4.4 Kɛ́lɛ̀nù Naàlú bɔmɛ̀nù àyé wó Aaɓi kǝ̀lɛ̀àsɥ̀ wãã̀ àɓà kǝ̀kpàozǝ̀sɥ̀ zɔ̃̀ɛ̃̀. bĩ́ son gblɔ̀n ɓɛɛ làɛ̀ àɓà Wòdɔwò Gblɔ̀n ɓɛɛ ká, é Íláà gbɵnù pèètɛ, Hɔ́fínì wãã̀ Fíníhà wó kǝ̀ Aaɓia Wòdɔwò Gblɔ̀n ɓɛ píé.
5Lɛ̀ Yàwɛa Wòdɔwò Gblɔ̀n è nu kózǝmɛ̀nù yàlɛ̀ɓàɛ̀, Ézrɛ̀ sáálɵɛ wò gblà gbéè grúli ká é sɛ́ è gakǝ̀. 6Lɵɛ lɛ̀ Félésã́ã̀mɛ̀nù wó gbláwò gbéè ɓɛ maɛ, wó pɵ, “Mǝ̀ gbláwò gbéè é ɓǝ Híbrúùmɛ̀nùa kózǝmɛ̀nù yàlɛ̀ ɓàɛ̀?” Lɛ̀ wàà gɥ́dɔ nɛ̀ɛ̀ Yàwɛa Wòdɔwò Gblɔ̀n yà nu máɛ, 7Félésã́ã̀mɛ̀nù ɓɛ súó è nu wolà dèèdè, ɓií wà pɵ̀, “Aaɓi do yànu waa yàlɛ̀ ɓà.” Lɛ̀kɔ̀ɔɛ wó pɵ, “Wɔ̃́ yénzǝ̀ yà kǝ kwa gɔ̀! Ƃií wɔ̃́ sùu nǝ̀ǝɛ̃ yaá kǝ do. 8Wɔ̃́ yénzǝ̀ kǝɥ̀ mɥ̀ kwa gɔ̀! Dɵ lo kwa la aaɓinù píígbéèzǝ̀ nɛ̀ wo gɔ̀ɛ̀? Aaɓinù do wó nu wɔ̃́gbéè plǝǝ̀zǝ̀ ká Ízèmɛ̀nù là yɛ̀ilàɛ̀ wóɓǝ. 9Óó Félésã́ã̀, kwàa gɥ́dɔ gbéè kwáa gɔ̃ɔ̃̀lɛ̀ zòɔ sɥ́, kɵ́kǝ̀ kwá nu kǝ nɔ̀à ká Híbrúùmɛ̀nù gɔ̀ nɛ̀zɛ̃ã wó kǝ̀a nɔ̀à ká kwa gɔ̀ɛ̀ lɵ́. Kwàa gɔ̃ɔ̃̀lɛ̀ zòɔ sɥ́ kwá kózǝ.”
10Lɛ̀kɔ̀ɔɛ Félésã́ã̀mɛ̀nù wò kó ɓɛ zǝ̀ é wo kɔ̀zìè Ézrɛ̀mɛ̀nù gɔ̀, gɔ̃ɔ̃̀ dodo sáálɵɛ é dùà é lo e dè plɵ̀ɵ̀, é mɛzǝsɥ̀ è kǝ̀ và gblɥ́nzǝ̀, ɓií Ézrɛ̀a blàsɥ́ kòzǝmɛ̀nù wó gaɛ wó tɔɔ mɛ vù gɔ́ɔ̀yààka (30,000). 11Wó gomɥ́ wó Aaɓia Wòdɔwò Gblɔ̀n ɓɛ kũ, ĩ́ĩ́ Íláà gbɵnù pèètɛ, Hɔ́fínì wãã̀ Fíníhà ɓɛ wóo zǝ̀.
Íláà gasɥ́
12Gɔ̃ɔ̃̀ do é go Bɛ́nzémɛ̀ sɛ̀ gɥ́ɛ, è nù blàká é goá grùpíé é nu Sílɔ̀ɔ̀ pɵɵ lɛ̀kpààyì do dè ɓɛ ká, kǝ yà yaa sɔ pɛ̀, yà muù wrò e tuo. 13Lɛ̀ é gbɛ̀ìɛ̀ Íláà è kǝ̀ yàɥ̀ ká yaa táná gɥ́ zɛ̃ãlíé yâ e tótò, ɓií à zòɔ súósɥ̀mɥ̀ Aaɓia Gblɔ̀n ɓɛ mɔ́ɔ̀wɔ̃̀ká. Lɛ̀ gɔ̃ɔ̃̀ ɓɛ yà dà pɵɵ wɔ̃́ é kǝ̀ grùpíéɛ yàà biɛ̀ pɵɵ mɛ̀nù lǝ̀ɛ̀, pɵ kpɔ̀n é ɓɛ è gbɵbɔ̀ gbéèká. 14Lɛ̀ Íláà è gbɵzùò ɓɛ maɛ, é pɵ, “Mǝ̀ zùò sùu é nǝ̀ǝ nɛ̀?” Lɛ̀kɔ̀ɔɛ gɔ̃ɔ̃̀ ɓɛ é nu síèsíè é wɔ̃́ ɓɛ bìɛ̀ Íláà lǝ̀. 15À yi ɓɛ káɛ kǝ Íláà kwɛ̀ yàkǝ gɔ́ɔ̀srɛ́ìsiɛ ga srɛ́àka, ĩ́ĩ́ à nyá yáá lɛ̀ye gbɔ. 16Gɔ̃ɔ̃̀ ɓɛɛ ê pɵ Íláà lǝ̀, “Ma á nɛ̀ a dùà gbɛ̃́ã á go grùpíé á nu.”
Íláà yà pɵ à lǝ̀, “Yà kǝlɛ̀ máɛ, n gbɵ?”
17Mɛ é nu wɔ̃́tààkáɛ ê pɵ, “Ézrɛ̀ yà dùà Félésã́ã̀mɛ̀nù lǝ̀, ĩ́ĩ́ mɛzǝsɥ̀ và yaa è kǝ̀ kwaa kózǝmɛ̀nù píé, zɥ́ɛ ɥ gbɵnù pèètɛ Hɔ́fínì wãã̀ Fíníhà wò gà pɵ́, é Aaɓia Wòdɔwò Gblɔ̀n ɓɛ wô kũ wã́ã́gɥ́ pǝ̀ ká.”
18Lɛ̀ gɔ̃ɔ̃̀ ɓɛ é Wòdɔwò Gblɔ̀n kṹ wɔ̃̀ bìɛ̀ɛ̀, Íláà è gò yaa gbòò là é lo e tàà é gbã̀ e gɔ̀ là é à ɓɔyìɛ̀ é ga, ɓií è kǝ̀ gɔ̃ɔ̃̀klɵ̀ ɓɛ̀ɛ̀sɥ̀ ká. Yà líésɥ́ Ézrɛ̀mɛ̀ ká kwɛ̀ gɔ́ɔ̀ yììsiɛ ɓà.
Fíníhàa gɛ̃̀ã̀lè gasɥ̀
19Íláà gbɵ Fíníhà bɔú è kǝ̀ gúà kǝ yà tó téé nyɛ̀ɛ̀ bǝɓo, kǝǝ lɛ̀ ê ma nɛ̀ɛ̀ wà Aaɓia Wòdɔwò Gblɔ̀n ɓɛ kṹ wã́ã́gɥ́ pǝ̀ ká ĩ́ĩ́ à gɔ̃̀ dǝ wãã̀ à gɔ̃̀ wà gaɛ, gúkǝ yà kũ zálɵ é la nǝ́ ɓɛ ká. 20Lɛ̀ é lóà gaɛ le bǝ̀ɓo lòn wó kǝ̀ mɥ́ɛ wô pɵ à lǝ̀, “Kɵ́kǝ̀ ɥ́ sùò, ɓá nǝ́ gɔ̃ɔ̃̀zǝ̀ kpɔ́ sáálɵ.” Kǝǝ yaá dàà ĩ́ĩ́ yaá kpàà gɛàɓo. 21Nǝ́ ɓɛɛ ê tɔ́lɛ̀ Íkábɔ̀, ɓií yà pɵ̀, “Aaɓia kǝ̀kpàozǝ̀sɥ̀ yà gblòò Ézrɛ̀ sɛ̀ gɥ́.” É tɔɔ wà Aaɓia Wòdɔwò Gblɔ̀n ɓɛ kṹ wã́ã́gɥ́ pǝ̀ ká, ĩ́ĩ́ à gɔ̃̀ dǝ wãã̀ à gɔ̃̀ waá lɵ̀ gbɔɔ. 22Lɛ̀kɔ̀ɔɛ ê pɵ, “Aaɓia kǝ̀kpàozǝ̀sɥ̀ yà gblòò Ézrɛ̀ sɛ̀ gɥ́, ɓií Aaɓia Wòdɔwò Gblɔ̀n kṹũ̀ mɥ̀ wã́ã́gɥ́ pǝ̀ ká.”
Currently Selected:
1 Sámìɔ̀ 4: DHB
Highlight
Share
Copy
Want to have your highlights saved across all your devices? Sign up or sign in
