1 Sámìɔ̀ 29
29
Félésã́ã̀mɛ̀nù wò kɔ̀ Dèɓé ká
1Yi nɛ̀ káɛ Félésã́ã̀mɛ̀nù wò waa krúázǝ̀ pàkóà Áfɛ̀ pɵɵ. Ézrɛ̀mɛ̀nù wóo yàlɛ̀sɥ yíɓɔù é Zɛ́zrìɛ̀ goopíéɛ sɔ́. 2Lɛ̀ Félésã́ã̀ kíŋnù wó pò wo ɓɥ̀ǝ̀ gɥ́ wãã̀ waa krúázǝ̀ àyé wo ɓɥ̀ǝ̀ lɵ́ gɔ̃ɔ̃̀nù kǝ̃̀ǝ̃ do káɛ wãã̀ àyé wo ɓɥ̀ǝ̀ lɵ́ gɔ̃ɔ̃̀nù vù do káɛ káɛ, Dèɓé wãã̀ yaa mɛnù wò kǝ̀ pɵ́ wo tàà wãã̀ kíŋ Ákè nù ká. 3Félésã́ã̀ krúázǝ̀ và và wó pɵ Ákè lǝ̀, “Mǝ̀ é Híbrúùmɛ̀nù nɛ̀ wô kǝlà zɵè?”
Lɛ̀kɔ̀ɔɛ kíŋ Ákèà pɵ krúázǝ̀ và và nù ɓɛɛ lǝ̀, “Dèɓé é kǝ̀ kíŋ Sɔ́ɔ̀a krúá do káɛ kṹnàà, é yà grɔ̀ɔ̀ n píé kwɛ̀ wãã̀ sú plǝǝ̀zǝ̀ ká, ĩ́ĩ́ lɛ̀ é kɔ̀ yaa sɛ́ wɔ̃̀ã é nu n píéɛ, n ká wɔ̃́ zǝ̀asɥ̀ gbɛɛ ye àɓà é wòa gbɛ̃́ã̀ ɓà.”
4Kǝǝ wɔ̃́ è nà Félésã́ã̀ krúázǝ̀ vàvà zòà Ákè píé. Wô pɵàlǝ̀, “Ƃò gɔ̃ɔ̃̀ ɓɛ bɔ è ló e tàà e yàlɛ̀ ɥ́ nuà lǝ̀ɛ̀ ɓà. Yaá ló to kwa píé kwã́ã̀ ló grùpíé, kɵ́kǝ̀ é nu liɛ̀ kwagɔ̀. Ƃií zɛ̃ã mlǝ̀ǝ̀zǝ̀ é lo e dɛn zòɔsǝ̀ bɔá e dè káɛ? Yaá lò kwaa gɔ̃ɔ̃̀nù gbú zǝ zɵà? 5Dèɓé é lonnù wó tã́ kpòle zùò wo kó píé tã́kǝ lɛ̀ɓà wòa nɛ̀ɛ̀, ‘Sɔ́ɔ̀ yà mɛ vù plǝǝ̀zǝ̀ zǝ, kǝǝ Dèɓé yà mɛ vù gɔ́ɔ̀ plǝǝ̀zǝ̀ zǝɛ,’ kṹnàà?”
6Lɛ̀kɔ̀ɔɛ Ákè yà pɵ Dèɓé lǝ̀, “Lɛ̀ Yàwɛ ɓɛɛ lɵ́ ɓéìɛ̀ ɥ ɓlɛ̀kpɔ́lezǝ̀ ĩ́ĩ́ è lì n lǝ̀ kǝ ɥ́n dà yi píé grù nɛ̀ gɥ́, ɓií n ká wɔ̃́ yaa gbɛ ye ɥ gɥ́ gó yi ɥ́ nuá n píéɛ ɓà ɥ́ wòa gbɛ̃́ã̀ yì ɓà. Kǝǝ kɵ́dèekɔ̀ɔɛ krúázǝ̀ vàvà wó toɛ waá wé ɥ wɔ̃̀ ɓà. 7Àmɔ́ɔ̀wɔ̃̀gɥ́ɛ ɓò ló ɥ tàà gbɛ̃́ã̀, ɥ́ ló zòɔyàgrú ká, kɵ́kǝ̀ ɥ́ nu Félésã́ã̀ krúánù ɓɛ zòɔdàzrɥɵ.”
8É Dèɓéà pɵ Ákè lǝ̀, “Kǝǝ mǝ̀ mâ kǝɛ̀? Mǝ̀ yaa é ɓâ ye n gɥ́ gó yi á ye yuɔkǝɥ̀ ɓà ɥ píé ɥ́ wòa gbɛ̃́ã̀ ɓàɛ̀ káɛ, é maá mɔ̀à ã́ã̀ kózǝ n dɛn ma kíŋ, ɥ dǝgbɵnù káɛ?”
9É kíŋ Ákèà pɵ Dèɓé lǝ̀, “Aà gɥ́dɔ̀ nɛ̀ɛ̀ wɔ̃́zǝ̀asɥ̀ gbɛɛ yaâ ɥ ɓà n pɛá nɛ̀ɛ̀ Aaɓia bɔmɛ̀ lɵ́. Kǝǝ Félésã́ã̀ krúánù wà pɵ̀ ɥ ká ló to yi píé kwã́ã̀ ló grùpíé. 10Lɛ̀ é pɵ́ mɔnɛ, ɓò wruù lɛ̀àlíé lɛ̀tiigɥ́ kãã̀ ɥ dɛna yuɔkǝmɛ̀nù wó to ɥ píéɛ ká, ká ye táà ká ló.”
11Lɛ̀kɔ̀ɔɛ Dèɓé wãã̀ yaa mɛnù wó ye zɛ̃ã lɛ̀àlíé lɛ̀tiigɥ́ wó yìɛ̀ wo zɥ́ wó lo Félésã́ã̀ sɛ̀ gɥ́. Kǝǝ Félésã́ã̀mɛ̀nù ɓɛɛ wò lò Zɛ́zrìɛ̀.
Currently Selected:
1 Sámìɔ̀ 29: DHB
Highlight
Share
Copy
Want to have your highlights saved across all your devices? Sign up or sign in
