1 Sámìɔ̀ 30
30
Grù wô gɔ̃ Ámálɛ̀mɛ̀nù káɛ
1Lɛ̀ Dèɓé wãã̀ yaa gɔ̃ɔ̃̀nù wà nu Zíklà à yi yààkazǝ̀ káɛ, kǝ Ámálɛ̀mɛ̀nù wà wã́ã́dɔ Zúdà sɛ̀gɥ́ goúzɛ̃̀ã ĩ́ĩ́ Zíklà pɵ̀ gɥ́, wàà gɥ́ɵ́. 2Wà lonnù wãã̀ mɛ sáálɵ wó kǝ̀ à gɥ́ɛ, mɛ teeo à vaò wà wo kṹ gã́ã́, kǝǝ waá mɛgbɛ zǝ, wó lo woá sáálɵ. 3Lɛ̀ Dèɓé wãã̀ yaa gɔ̃ɔ̃̀nù wà gbɛ̀ì pɵ và ɓɛ gɥ́ɛ kǝ mɛnù wàà gɥ́ɵ ĩ́ĩ́ kǝ mɛnù wà wo bɔúnù, wo gbɵnù, wãã̀ wo lúnù kṹ gã́ã́. 4Lɛ̀kɔ̀ɔɛ Dèɓé wãã̀ mɛ sáálɵ wó kǝ̀à píéɛ wóo wò sɥlúú gbéè gbɵbɔù ká, é toápɵ́ wo fã̀ã è nyiɛ gbɵbɔlɛ̀à. 5Wò lò pɵ́ Dèɓé bɔúnù pèètɛ, Àhínòàn gó Zɛ́zrìɛ̀, wãã̀ Ábígéè é Nébàa gɛ̃̀ã̀lè ká é go Kámàɛ̀ wo ká.
6É Dèɓé zòɔ è dàzrɥɵ dèèdè, ɓií àɓà mɛnù ɓɛ wò kǝ̀ wo bɛ̃̀kǝlɛ̀à à zùò gùǝ̀ ká wɔ̃̀ ká, wo sáálɵɛ wo zòɔgɥ́ kǝ̀ giìsɥ̀ɛ̀ mɔ́ɔ̀wɔ̃̀ɓà. Mɛ do do sáálɵɛ éye zòtà e gbɵnù wãã̀ e lúnù wɔ̃̀ gɥ́. Kǝǝ Yàwɛ, Dèɓéa Aaɓi ɓɛɛ yà gadààgɥ́. 7Dèɓéà pɵ sraɓomɛ̀ Ábìátà, Àhímɛ́lɛ̀ gbɵ lǝ̀, “Ƃò nu ífɔ̀ ɓɛ ká n lɛ̀ zɵ.” É Ábìátà è nu ífɔ̀ ɓɛ ká Dèɓé lɛ̀. 8Lɛ̀ yà kɔɔ́ɛ Dèɓé è Yàwɛ lɛ̀ɛ̀kpɔ́ kǝ̀, “Á tó wã́ã́dɔmɛ̀nù ɓɛ píéa? A lò ye wo ɓàà?”
Yàwɛa zǝnu à lǝ̀, “Tó wo píé, ɓií ɥ lò ye wo ɓà gbɔ̀gbɔ̀lɵ ɥ́n mɛnù ɓɛɛ ɓo gã́gɥ́.”
9Lɛ̀kɔ̀ɔɛ Dèɓé è ye tásɥ̀à wãã̀ yaa gɔ̃ɔ̃̀nù kǝ̃̀ǝ̃ srɔ́ádo ɓɛɛ ká, wó nu wó wò yí wô lɛ̀ Bésɔ̀ɛ̀ là, lɛ̀ ɓɛ gɔ̃ɔ̃̀nù àyé wó to zrɥɵɛ wó to à ɓà. 10Kǝǝ Dèɓé è lò e líé teelɵ wãã̀ gɔ̃ɔ̃̀nù kǝ̃̀ǝ̃ yììsiɛ ká. À kǝ̃̀ǝ̃ pèètɛ é fɵ̀ɵ̀ è wo zǝ yaaká waá mɔ̀à wɔ̃̀ɔ̃̀ Bésɔ̀ Yì kã́ɛ̃ wó to zrɥɵ. 11Dèɓéa gɔ̃ɔ̃̀nù ɓɛɛ wò Ízèmi do yè píílàà, wô kũ wó nuá Dèɓé píé. Wó blɛɛ̀ nu à lǝ̀ ê ɓɵ̀, wó yí nu à lǝ̀ nyàà mɥ, 12wó féè kpo kpɛ́á pɛ̃́ wãã̀ gréèɓɛ kpɛ́á bè pèètɛ nu à lǝ̀. Lɛ̀ yà pǝɓɵ̀ɛ̀ à nii è nu à gɥ́ gbɔɔ, ɓií yaá pǝɓɵ̀, yaá yímɥ lɛ̀kpààyì yààka wãã̀ bímǝ́n yààka ɓà. 13Lɛ̀kɔ̀ɔɛ Dèɓéà pɵà lǝ̀, “Dɵa mɛ mɥ̀ ɥ káɛ? Ĩ́ĩ́ ɥ gò mǝ́ɛ?”
Ê pɵ, “Ízè nǝ́gɔ̃ɔ̃̀zǝ̀ mɥ̀ n ká, á yuɔkǝ̀ Ámálɛ̀mi ɓà. N dɛn è n tòsɛa ɓií yɔ́á è n kǝ lɛ̀kpààyì yààka yàzieɛ ká. 14Yi lò yí wã́ã́dɔ Zúdà sɛ̀gɥ́ goúzɛ̃̀ã Kɛ́rɛ̀mɛ̀nù wãã̀ Kélɛ̀ sɛ̀ ɓà, é yí Zíklàlɛ̀ gɥ̀ɵ̀.”
15Dèɓéà pɵà lǝ̀, “Ч mɔ̀àɓà ɥ́n ló n ká goú wã́ã́dɔ mɛ̀nù ɓɛ píéa?”
Ízèmi ɓɛ ê pɵ, “Ƃò ɥ sɵ̀ɓɵ̀ n lǝ̀ Aaɓi tɔ́ ká, nɛ̀ɛ̀ ɥ ká ló n zǝ ĩ́ĩ́ ɥ ká ló n dɔ n dɛn kwɛ. Yàkɔɔ́ɛ a lò lo ɥ ká goú wã́ã́dɔmɛ̀ wó nɛ̀ɛ̀ píé.”
16Lɛ̀ yà Dèɓé sɥ́ wà ló goúɛ, kǝ wã́ã́dɔ mɛ̀ wó ɓɛɛ wà pɛ̃̀ sɛ́ɓɛgɥ́ pǝɓɵ̀ɥ̀, pǝ mɥɥ̀, wãã̀ tã́kǝɥ̀ ká, ɓií pǝnù wô sɥ Félésã́ã̀sɛ̀ wãã̀ Zúdà sɛ̀gɥ́ɛ, wò kǝ̀ và dèèdè. 17Lɛ̀ lɛ̀pòɛ̀ Dèɓé è wo zǝ gó lɛ̀àlíé lɛ̀tii gɥ́ ɥ́ ló yínɛ̀a ɓà, waa gɔ̃ɔ̃̀ do wɛ́ázǝ̀ yaá dùà, è kã́ nǝ́gɔ̃ɔ̃̀nù kǝ̃̀ǝ̃ yììsiɛ wó yà klaakposò tàà wó dùàɛ̀ ɓà. 18Pǝ sáálɵ é Ámálɛ̀mɛ̀nù wô sɥɛ Dèɓé yà plɛ́ín kũ̀, éye bɔúnù gɔ̀la pɵ́. 19Waa pǝ gbɛ yaá lɔ̀n, è kǝ̀ pǝ téé káo, pǝ và káo, wo gbɵnù wãã̀ wo lúnùò, wã́ã́gɥ́ pǝ̀ wãã̀ pǝ sáálɵ wô sɥɛ, Dèɓéè nù wo sáálɵɛ ká. 20È bààmɥ́ é ɓlánù wãã̀ dùnù ɓǝ sáálɵɛ kũ é àɓà mɛnù wó loá à líé, wô pɵ, “Dèɓéa wã́ã́gɥ́ pǝ̀nù wo nɛ̀.”
21Lɛ̀kɔ̀ɔɛ Dèɓéè nu gɔ̃ɔ̃̀nù kǝ̃̀ǝ̃ pèètɛ wo fã̀ã è nyiɛ waá mɔ̀à wɔ̃̀ɔ̃̀ tó Dèɓé píé, wó to Bésɔ̀ Yì lààɛ̀ wo píé, é wó wrùù wó nu Dèɓé wãã̀ mɛ wó kǝ̀à píéɛ wo gɔ̀ zɛ̃ã. Lɛ̀ é Dèɓé yà gã́ã́ wo ká kɵ̀ɵɛ é wo ɓoyie. 22Lɛ̀kɔ̀ɔɛ zòɔyaa mɛ̀nù grúyaazǝ̀ wó kǝ̀ Dèɓéa gɔ̃ɔ̃̀nù wó go kópíéɛ wo sonɛ wô pɵ, “Lɛ̀ waá tó kwapíé kwã́ã̀ lóɛ kwaá ló wo gba pǝnù kwá nuáɛ à gbɛ ká, è kã́ wo bɔúnù wãã̀ waa nɔ́ɔ̀sɛ̃́ɛ̃̀ wó lo lo wokáɛ ɓàɛ̀ ká.”
23Kǝǝ Dèɓé yà pɵ̀, “N legrúzǝ̀, kaá lóà kǝ pɵ́ pǝnù Yàwɛ yàà nu kwalǝ̀ɛ̀ ká. Ye é kwala é kɔ̀ziesɥ̀ nu kwa lǝ̀, é wã́ã́dɔ mɛ̀nù wo pǝkǝ̀ kwaáɛ dɔ kwa kwɛ. 24Dɵ é lo e tó to ka gɔ̀ wɔ̃́ nɛ̀ gɥ́i? Ƃií zɛ̃ã do mɛ wó lo kópíéɛ wó lo pǝyeáɛ, zɛ̃ãdo ɓɛ mɛ wó to zrɥɵ wóo zòkǝ̀ kwaa kwɛ̀ɛ̀lúùnù píéɛ wó lo pǝyeá.” 25Gó yi ɓɛ ɓà ɥ nuáɛ Dèɓé yà kǝ̀ tɔn ká Ézrɛ̀ sɛ̀gɥ́ é wòa gbɛ̃́ã̀ ɓà.
26Lɛ̀ é Dèɓé è nu Zíklàɛ̀, è wã́ã́gɥ́ pǝ̀nù ê yeɛ gbú bɔ̀ e ɓánù wó kǝ̀ nyɔàzǝ̀ ká Zúdàɛ̀ píé, wòa nɛ̀ɛ̀, “Kaɓà gbàapǝ̀ é nɛ̀, yi à kũ̀ wã́ã́gɥ́ pǝ̀ ká Yàwɛ dǝgbɵnù gɔ̀.” 27Yà bɔ̀ Bɛ́tɔ̀ pɵ̀ gɥ́, ê bɔ Wrémɔ̀ pɵɵ Zúdà sɛ̀ gɥ́ goúzɛ̃̀ã, ĩ́ĩ́ Zátǝ̀ pɵ̀ gɥ́, 28ê bɔ Àróǝ̀ pɵ̀, Sífímɔ̀ pɵ̀, wãã̀ Ɛ́sétémɔ̀à pɵ̀nù gɥ́, 29ê bɔ Wrékà pɵ̀, Zɛ́rámĩ́ĩ̀mɛ̀nùa pɵ vàvànù, ĩ́ĩ́ Kénɛ̀mɛ̀nùa pɵ vàvànù gɥ́, 30ê bɔ Hɔ́mà pɵ̀, Bɔ́sàn pɵ̀, wãã̀ Átà pɵ̀nù gɥ́, 31ê bɔ Hɛ́brɔ̀n pɵ̀ gɥ́, ĩ́ĩ́ lɛ̀ sáálɵ é Dèɓé wãã̀ yaa gɔ̃ɔ̃̀nù wó bɔàɛ̀ é gbàapǝ̀nù ɓɛɛ bɔ wo lǝ̀.
Currently Selected:
1 Sámìɔ̀ 30: DHB
Highlight
Share
Copy
Want to have your highlights saved across all your devices? Sign up or sign in
