Mar EBY'OKUSOBORRA
EBY'OKUSOBORRA
Amakuru Amarungi nkooku gahandikirwe Mariko gatandika n'okurangirra ngu ‘Amakuru Amarungi aga Yesu Kristo Omwana wa Ruhanga’ Yesu narorwa nk'omwekambi kandi owobusobozi. Obusobozi bwe niburolerwa omukwegesa kwe omubusobozi bwe ha myoyo emibi n'omukuganyira ebibi by'abantu. Yesu nayegambaho nk'Omwana w'omuntu ayaizire kuhayo obwomeezi bwe aihe abantu omubibi.
Omukuhandiika kwe Mariko ayoleka Yesu ebi arukukora kukira ebigambo n'ebyayegesa. Hanyuma y'okwanjura Yohaana omubatiza, okubatizibwa n'okwohebwa kwa Yesu ahonaho atandika kubazaaho eby'omulimo gwa Yesu ebyokutamba endwaara n'okwegesa. Hanyuma yakasumi abegesebwa be bakeyongera kumwetegereza baitu abanyanzigwa ba Yesu bakeyongera kumuhakaniza. Ekicweeka ekirukufundikira kyoleeka eby'abaireho omu wiiki y'okumalirra ey'obwomeezi bwa Yesu, na muno muno okubambwa kwe n'okuhumbuuka kwe.
Ebigambo ebyokumalirra ebitairwe omu bugo bikira kutekerrezebwa okutaba byahandiikirwe ogu ayahandikire ekitabu kinu.
Nkooku birukuhonderana
Okutandika kw'Amakuru Amarungi 1:1-13
Omulimo gwa Yesu mu Galiraaya 1:14-9:50
Kuruga Galiraaya kugenda Yerusaalemu 10:1-52
Wiiki y'okumalirra mu Yerusaalemu nebicweeka ebigiheriire 11:1-15:47
Okuhumbuka kwa Yesu 16:1-8
Okweyoleka n'okutemba kwa Yesu Kristo 16:9-20
Currently Selected:
Mar EBY'OKUSOBORRA: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.