Mat 16

Abafalisaayo nibasaba ekihuniriza

(Mar 8:11-13; Luk 12:54-56)

1 # Mat 12:38; Luk 11:16. Abafalisaayo n'Abasadukaayo bakaija hali Yesu kumulenga nibamusaba abooleke akokurorraho akarukuruga omwiguru. 2Yabagarukamu ati: “Omu bwire bwa rwebagyo mugamba muti: ‘Obwire buraaba burungi; habwokuba iguru niritukura.’ 3Nyenkya kara mugamba muti: ‘Harabaho enjura y'ekiyaga, habwokuba iguru niritukura kandi libiihire.’ Mumanyire kukenga iguru nkooku lirukusisana, baitu timusobora kukenga ebihuniriza eby'obusumi bunu obunyakuroho. 4#Mat 12:39; Luk 11:29.Abantu ab'obusinge obubi kandi obuhabire, nubo barukuserra ekihuniriza; baitu tibaliheebwa kihuniriza kwihaho kya Yona.” Nubwo yabarugireho, yagenda.

Okwerinda enyegesa y'Abafalisaayo n'Abasadukaayo

(Mar 8:14-21)

5Abeegesebwa be obu baahikire nseeri y'enyanja, baarora nkooku beeberwe kutwara emigaati. 6#Luk 12:1.Yesu yabagambira ati: “Mwerinde kandi mwegendereze ekitumbisa ky'Abafalisaayo n'Abasadukaayo.” 7Baatandika kukaguzangana bati: “Ekirukumugambisa kiti, habwokuba titwina migaati.” 8Yesu obu yayetegeriize eki, nubwo yabagambiire ati: “Inywe ab'okwikiriza okuke! Eby'okutaba n'emigaati nimukibalizaho ki? 9#Mat 14:17-21.Timukeetegeriize? Timurukwijuka nkooku naliisize abantu enkumi itaano emigaati etaano yonka? Mukasorooza ebigega bingaha eby'oburagalika? 10#Mat 15:34-38.Rundi obu naaliisize abantu enkumi ina n'emigaati musanju, mukasorooza ebigega bingaha? 11Habwaki mulemerwe kwetegereza nkooku ntabagambire ha by'emigaati? Mwerinde nu ekitumbisa ky'Abafalisaayo n'Abasadukaayo.” 12Nubwo baayetegeriize nkooku atabagambire okwerinda ekitumbisa ky'Emigaati, baitu okwerinda enyegesa y'Abafalisaayo n'Abasadukaayo.

Petero naayatura Yesu nkooku ali Kristo

(Mar 8:27-30; Luk 9:18-21)

13Yesu yahika omu kicweka kya Kaisaariya orwa Filipi, yakaguza abeegesebwa be ati: “Omwana w'omuntu abantu bamweta bata?” 14#Mat 14:1,2; Mar 6:14,15; Luk 9:7,8.Baamugarukamu bati: “Abamu bagamba ngu: Nuwe Yohaana Omubatiza; abandi ngu: Nuwe Eriya; abandi ngu: Nuwe Yeremiya rundi omu hali abarangi.” 15Nandiki Yesu ati: “Baitu inywe munyeta muta?” 16#Yoh 6:68,69.Simooni Petero yamugarukamu ati: “Niiwe Kristo, Omwana wa Ruhanga Atafa.” 17Yesu yamugarukamu ati: “Oli w'omugisa Simooni, mutabani wa Yona, habwokuba amazima ganu togamanyisiibwe muntu kwonka, baitu ogasuukuliirwe Isenyowe anyakuli omu iguru. 18Kandi ninkugambira nti: Niiwe Petero#16:18 Omu Rugiriiki, Petero amakuru gaakyo ngu: ibaale rundi omwandara., kandi ha mwandara gunu nuho ndyombeka ekitebe ky'abeeserwe bange#16:18 Ekitebe ky'abeeserwe bange nikyo twayetaga Ekelezia rundi Ekanisa., n'amaani g'okuzima tigalikisingura. 19#Mat 18:18; Yoh 20:23.Ndikuha ebisumuruzo by'obukama bw'omu iguru. Kyona kyona eki oliboha omu nsi, kiribohwa n'omu iguru; kandi kyona eki olisumurra omu nsi, kirisumururwa n'omu iguru.” 20Nubwo yateererra muno abeegesebwa be kutagambiraho muntu n'omu nkooku ali Kristo.

Yesu naabazaaho okubonabonesibwa kwe omurundi gw'okubanza

(Mar 8:31—9:1; Luk 9:22-27)

21Okuruga obu Yesu yatandika kumanyisa abeegesebwa be nkooku ali w'okugenda Yerusaalemu kubonabonesibwa muno bakuru b'abantu, abanyakatagara abakuru, n'abeegesa b'ebiragiro; n'okwitwa kandi ahumbuurwe haahingwireho ebiro bisatu. 22Petero yamugarra ha rubaju, yatandika kumuhana ati: “MUKAMA wange, eki nikikafuuhe! Tikirukwija kukubaho.” 23Baitu Yesu yahinduka, yagambira Petero ati: “Ngaruka enyuma iwe Sitaani! Onfookiire muhingo, habwokuba ebi orukuteekereza tibiri bya Ruhanga, baitu by'abantu.”

Omulingo gw'okuhondera Kristo

24 # Mat 10:38; Luk 14:27. Nubwo Yesu yagambiire abeegesebwa be ati: “Weena anyakugonza kumpondera, ayehwemu wenka, ahimbe omusaraba gwe, ampondere. 25#Mat 10:39; Luk 17:33; Yoh 12:25.Weena anyakutaatira obwomeezi bwe, alibufeerwa; kandi weena anyakuhayo obwomeezi bwe habwange, alibutunga. 26Omuntu kirimugasira ki okulya ensi yoona, baitu akafeerwa obwomeezi bwe? Rundi kintu ki omuntu eki alihayo kucungura obwomeezi bwe? 27#Mat 25:31; Zab 62:12; Bar 2:6.Omwana w'omuntu aliija n'abamalaika be omu kitiinisa kya Ise, nubwo alisasura buli muntu naasigikira ha bikorwa bye. 28Mali mali nimbagambira nti: Haroho abeemeriire hanu abatalihikwaho rufu batakarozire Omwana w'omuntu naizira omu bukama bwe.”

Currently Selected:

Mat 16: BRR2008

Highlight

Copy