Mat 17

Yesu naahindurwa ali ha rusozi

(Mar 9:2-13; Luk 9:28-36)

1Obu haahingwireho ebiro mukaaga, Yesu yatwara Petero, Yakobbo na Yohaana mugenzi we, yabatembya ha rusozi oruraihire bali bonka. 2Yahinduka omumaiso gaabo, amaiso ge gaayangasana nk'izooba, n'ebijwaro bye byayera tiitiiti. 3Nubwo Musa na Eriya baazooka nibabaza nawe. 4Petero yagambire Yesu ati; “MUKAMA wange, kibaire kirungi itwe kusangwa hanu; obu oraaba nogonza, kanyombeke hanu obusiisira busatu: akamu kaawe, akandi ka Musa, n'akandi ka Eriya.” 5#Kub 22:2; Zab 2:7; Is 42:1; Mat 3:17; 12:18; Mar 1:11; Luk 3:22; Bir 18:15.#2Pet 1:17,18.Obu akaba naakyabaza, haija ekicu ekirukwangasana, kyabasiikiriza; kandi iraka lyaruga omu kicu, nirigamba liti: “Onu nuwe Mwana wange omugonzibwa ou nsiima; mumuhurre.” 6Abeegesebwa obu baahuliire eki, baagwa bajuumaire, bakwasirwe obutiini bwingi. 7Yesu yaija yabakwataho naagamba ati: “Mwimuke, muleke kutiina,” 8Obu bainunwire amaiso gaabo, batarole muntu, kwihaho Yesu wenka.

Ekikaguzo ha kugaruka kwa Eriya

9Obu bakaba nibasirimuka orusozi, Yesu yabateererra ati: “Eki mwolekerwe, mutakigambiraho muntu weena, okuhikya Omwana w'omuntu obu alikamara kuhumbuuka omu bafu.” 10#Mara 4:5.Abeegesebwa be nukwo kumukaguza bati: “Habwaki abeegesa b'ebiragiro bagamba ngu: Eriya nuwe alibanza kwija?” 11#Sir 48:10.Yabagarukamu ati: “Mazimakwo Eriya nuwe alibanza kwija, nukwo atereekereze byona. 12#Mat 11:14.Nyowe nimbagambira nti: Eriya akaija ira, abantu batamumanye, baitu bakamukora kyona eki baagondeze. Omwana w'omuntu nawe nukwo balimubonabonesa bati.” 13Aho nuho abeegesebwa be baayetegereriize nkooku arukubagambira ebyo Yohaana Omubatiza.

Yesu naakiza omwojo omugu w'ensimbo

(Mar 9:14-29; Luk 9:37-43)

14Obu baahikire ha kitebe ky'abantu, omusaija akaija yamutereza amaju, naagamba ati: 15“MUKAMA wange, girra mutabani wange embabazi, habwokuba agwa ensimbo kandi zimubonabonesa muno; emirundi nyingi zimunaga omu murro n'omu maizi. 16Nkamuleetera abeegesebwa baawe, baitu batasobole kumukiza.” 17Yesu yamugarukamu ati: “Haa! Inywe ab'akasumi kanu ak'obutaikiriza kandi abahabire, ndihikya nkaha okwikara na inywe nti? Ndibagumiisiriza kuhikya di? Mumundeetere hanu.” 18Yesu yacoomera omwoyo omubi, gwamurugamu, omwojo yakira ahonaaho.

19Ebi obu byahoire nubwo abeegesebwa baizire hali Yesu baamukaguza omu nsita bati: “Habwaki itwe tukalemwa kugubinga?” 20#Mat 21:21; Mar 11:23; 1Kor 13:2.Uwe yabagarukamu ati: Habw'okwikiriza kwanyu okuke. Mazimakwo nimbagambira nti: Obu muraaba mwina okwikiriza okurukwingana nk'akasigo ka karadaali, muligambira orusozi oru muti: “Sinduka hanu, ogende hali kandi rulirugaho; busaho kintu kyona ekiribalema.” [ 21Omwoyo omubi ogwa mulingo gunu tigubingwa kindi, kwihaho okusaba n'okusiiba.]

Yesu naabazaaho okubonabonesibwa kwe omurundi gwa kabiri

(Mar 9:30-32; Luk 9:43-45)

22Yesu n'abeegesebwa be obu bakaba bakyali Galiraaya, nubwo yabagambiire ati: “Omwana w'omuntu naija kuheebwayo omu mikono y'abantu, 23balimwita, kandi obu halihinguraho ebiro bisatu alihumbuurwa.” Aho bbo baatuntura muno.

Yesu naasasura omusoro gw'Enju ya Ruhanga

24 # Kurug 30:13; 38:26. Obu baahikire Kafaranaumu, abasorooza b'omusoro gw'Enju ya Ruhanga baizira Petero baamukaguza bati: “Omwegesa wanyu taha musoro?” 25Yabagarukamu ati: “Aguha.” Petero obu yataahire omu ka, Yesu yabanza kumukaguza ati: “Simooni nooteekereza ki? Abakama ab'omunsi, omusoro n'obusuuru babiihaho bantu ki? Babiihaho abaana baabo rundi abantu abandi?” 26Petero obu yamugarukiremu ati: “Abantu abandi”, nubwo Yesu yamugambira ati: “Nahabweki abaana baabu, ebi tibirukubakwataho. 27Baitu habw'okutabeesiitaza, genda ha nyanja, onagemu irobo, encu ei orabanza kukwasa, ogiihemu; obu orayesamya akanwa kaayo, orasangamu sente;#17:27 Sente niyo shekel. Shekel kikaba kiri kicweka ky'efeeza ekirukwingana siringi nka ina ogibasasule, gube musoro gwange n'ogwawe.”

Currently Selected:

Mat 17: BRR2008

Highlight

Copy