Lev 26
26
Emigisa enyakuleetwa obuhulizi
1 #
Lev 19:4;
Kurug 20:4; Bir 5:8; 16:21,22; 27:1. “Mutalyekorra ebisisani eby'okuramya, mutalyekorra ekisisani ekisarwirwe rundi kwemereza ibaale lyona eriri omunsi yanyu, habwokuba ninyowe MUKAMA Ruhanga wanyu. 2Musemezeege ekiro kyange ekya Sabbato, kandi ekiikaro kyange ekirukwera, mukitemuga ekitiinisa: Ninyowe MUKAMA.
3 #
Bir 11:13-15; 28:1-14. “Obu mulikwata ebiragiro byange, n'ebigambo byange, mukakora ebibirukuragira, 4nubwo ndibanagira enjura omu kasumi ak'erukwetaagirwamu, ensi eryeeza ebyokulya, emiti ey'omunsi eyane ebijuma. 5Mulihuura okuhika ha inoga ly'emizaabbibbu, kandi inoga ly'emizaabbibbu, lirihika ha mulirrira ebyokulya mwigute kandi bibahikye ha isiga, mwikale omunsi yanyu n'obusinge. 6Ndibaha okugwagwana omunsi, mulibyama mugwijagire nkooku murukwenda, tihalibaho n'omu alibatiinisa; ebisoro kaita bantu ndibicwa omunsi yanyu, kandi terihikwaho bulemu. 7Mulibinga abanyanzigwa baanyu mubaise ebitara, abazigu bagwe omumaiso ganyu. 8Abataano bonka omuli inywe, balibinga abanyanzigwa omutwaro kandi abantu kikumi omuli inywe, balibinga abanyanzigwa kikumi, abanyanzigwa baanyu mulibaitisa ebitara bagwe omumaiso ganyu. 9Ndibataho omutima mbahe oruzaaro mbakanyise, kandi ngumye endagaano ei naragaine na inywe. 10Mulirya ebyokulya ebyayahwirwe ira, ebindi, mulibinaga nukwo mubone omwanya ogw'okuhunikamu ebihyaka. 11Ndaikaraga hagati yanyu kandi tindibanaga. 12#2Kor 6:16.Ndaikaraga na inywe hoona hoona, 13ndaabaga Ruhanga wanyu ayabaihire omunsi Misiri, nukwo Abanyamisiri baleke kubafoora bairu baabu; nkabacwamu enkomo ezikaba zibabohere, nabasoboza kurubata mwesimbire.
Ebifubiro by'abatakwata ebiragiro bya Ruhanga
14 #
Bir 28:15-68. “Obu mulyanga kumpurra, mukalema kukwata ebiragiro byange byona, mulifubirwa. 15Obu mulyanga ebiragiro byange mukagaya ebigambo byange, mukanga kukwata ebiragiro byange kandi mukacwa endagaano yange, 16binu nibyo ndibakora: Ndibaleetera bwango ebintu ebirukutiinisa, nukwo akakonko n'omuswija ogutarukukira, gubagongonole. Ebi mulisiga, mulibisigira busa, habwokuba abanyanzigwa baanyu nubo balibirya. 17Ndibaitira eriiso, abanyanzigwa baanyu bababinge; abarukubanoba nubo balibalema, kandi muliiruka hataroho muntu arukubairukya. 18Obu mulyanga kumpurra kunu mmazire kubakora ebi ndibafubira kukiraho emirundi musanju, nimbatura ebibi byanyu. 19Ndibamaramu okwekuza kwanyu okunyakurumu obutahurra, iguru lyanyu ndirihindura lisisane ekyoma. Ensi yanyu ndigihindura esisane omulinga; 20mulijwahira busa; habwokuba ensi terigira eki eribeereza, n'emiti teribaanira bijuma.
21“Nabwo, obu mulirema kunyorobera, mukanga kumpurra, ndyongera kubaleetera eby'okubasaaliza ebirukukiraho binu emirundi musanju, ebirukwingana ebibi byanyu. 22Ndibataisurra enyamaiswa ez'omu kisaka zitaagataagule abaana baanyu, zihwerekereze ente zanyu, zibakeehye, emihanda yanyu efe, eburwe ow'okugirabamu.
23“Obu mulikarora ebi byona, mukanga kungarukira, baitu mukongera kukora ebi ntarukwenda, 24na nyowe ndikora ebi mutarukwenda, mbafubire okukiraho emirundi musanju habw'ebibi byanyu. 25Ndibaleetera obulemu mpoole enzigu habw'okucwa endagaano yange, mulyesorooleza omu mbuga zanyu; ndibaleetera endwara kandi mbalekere abanyanzigwa baanyu. 26Obu ndikeehya ebyokulya byanyu, abakazi ikumi baraabicumbaga omu nyungu emu, babibaleetere b'amazire kwongera kubirenga; mubirye baitu muleme kwiguta.
27“Obu mulirora ebi, nabwo mukanga kumpurra, baitu mukongera kukora ebi ntarukwenda, 28na nyowe ndikora ebi mutarukwenda, nyina ekiniga kingi, ndibafubira nyowe nyenka emirundi musanju habw'ebibi byanyu. 29Mulirya batabani baanyu na bahara baanyu. 30Ndiseesa ebiikaro byanyu eby'ekitiinisa ncwacwane amatambiro ganyu aga mucumiikirirraho obubbani, emitumbi yanyu, ndigigereekaniza ha mitumbi eyembandwa zanyu; ndibatamwa. 31Embuga zanyu ndiziseesa; ebiikaro byanyu ebirukwera, mbifoole bitongo, ebisorrokoko byanyu ebirukuboya kurungi tindibiikiriza. 32Ensi yanyu ndigifoora ihamba, abanyanzigwa baanyu abanyakugiikaramu nukwo batiine. 33Ndibararangya omu mahanga, ndibairukya nkwasire ekitara; ensi efooke ihamba, embuga zanyu zibe bitongo.
34“Akasumi koona ensi aka erimara eri ihamba, inywe mukyali omunsi ey'abanyanzigwa baanyu, eriba n'obusinge, egonze Sabbato zaayo. 35Akasumi koona aka erimara eri ihamba, eritunga ekihuumuro eki etakatungaga ha Sabbato zanyu, obu mukaba mukyagirumu. 36Kandi abo abasigaireho omuli inywe, ndibaha emitima erukucwekwa enkizi omunsi ez'abanyanzigwa baabu; obu baraahurraga ekikoora ekirukuhuuhurwa omuyaga, barairukaga nk'abarukwiruka omuntu anyakukwasire ekitara, bagwe kandi kunu busaho arukubairukya.
37“Balihuumirana nk'abarukwiruka omuntu akwasire empirima kandi kunu busaho arukubairukya; abanyanzigwa baanyu timulisobora kubeemera. 38Mulihwerekererra omu mahanga, ensi ey'abanyanzigwa baanyu ebamire. 39Kandi abo abasigaireho omuli inywe, balihwerekererra omunsi y'abanyanzigwa baanyu, habw'obubi bwabo; kandi balihwerekerra nka baisenkurubo oku baahwerekeriire habw'obubi bwabo.
40“Obu balyaatura ebibi byabo n'eby'abaisenkurubo baakozire nibangobeza, kandi ebi bakozire nibakora ebintu ebi ntarukwenda, 41ebi nibyo nasigikiireho kubakora kubi, nabaleeta omunsi ey'abanyanzigwa baabo. Kakuba omwoyo gwabo ogugumangaine gworoba, bakazira ebibi byabo, 42#Kub 28:13,14; Kub 26:3,4; Kub 17:7,8.nubwo ndiijuka endagaano yange naragaine na Yakobbo, ei naragaine na Isaaka kandi ei naragaine n'Abburahamu. Ndiijuka ensi egi, 43abantu bamazire kugirugamu, eyegondeze omu Sabbato zaayo. Obu eriba esigaire kitongo, balyeeteera habw'ebibi byabo, habwokuba bakanga ebigambo byange, baagaya ebiragiro byange. 44Baitu noobu kiraaba kiri kiti, obu baliba bakyali omunsi ey'abanyanzigwa baabo, tindibeehooga kandi tindukwija kubanobera kimu, nkabahwerekereza; habwokuba ninyowe MUKAMA Ruhanga wanyu. 45Kyonka ninyija kubaijuka habw'endagaano ei naragaine na baisenkurubo, aba naihire omunsi Misiri, abanyamahanga nibarora, nukwo mbe Ruhanga wabo, ninyowe MUKAMA.”
46Ebi nibyo bigambo Ruhanga ebi yaragiire, n'ebiragiro ebi yateeriireho abantu ba Isirairi ebiyaragiire Musa ha rusozi Sinai.
Currently Selected:
Lev 26: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
