Lev 24
24
Etaara ey'Omukiikaro Ekirukwera
1MUKAMA akagambira Musa ati: 2“Ragira abantu ba Isirairi bakuleetere amagita amarungi agahonzirwe omu muti oliva, ag'okuta omu taara, nukwo etaara egi ikale neeyaka hatali kuraara. 3Omu Heema egi ey'okutangatanganiramu, aheeru y'enyigamo ey'Esanduuko ey'Endagaano, Arooni nuho araagirolererraga kurungi omumaiso ga MUKAMA, okuruga omu kairirizi okuhika omu rukyakya; eki kiragiro kyanyu n'abaijukuru baanyu ebiro byona. 4Etaara ezi obutoosa baraazirolerraaga kurungi ziri ba kikondo ekya zaabbu enungi ekinyakuli omumaiso ga MUKAMA.
Omugaati ogw'okuhongera Ruhanga
5 #
Kurug 25:30. “Okwate kiloguraamu ikumi na ibiri ez'ensaano enyakuniinuukire kurungi, ogicumbemu keeki ikumi na ibiri. 6Ozite omu nkarra ibiri, buli rukarra habemu mukaaga, ozite ha meeza eya zaabbu enungi. 7Buli rukarra orumamirreho eseeta enungi, egende hamu n'omugaati, gube mugabo ogw'okwijukya abantu ebyokulya ebyokiibwe byahongerwa MUKAMA. 8Buli kiro kya Sabbato, Arooni aguteekanizeege kurungi omumaiso ga MUKAMA habw'Abaisirairi, gwijukyeege endagaano ey'ebiro byona. 9#Mat 12:4; Mar 2:26; Luk 6:4.Omugaati ogu, gubege gwa Arooni n'abatabani, nubo baraagulyaaga, baguliirege Omukiikaro Ekirukwera, habwokuba omugaati ogu hali Arooni nugwo mugabo ogurukukirra kimu kwera, ogunyakwihwa ha bihongwa eby'okwokya, guraabaga mugabo gwe ogumusemeriire ogw'ebiro byona.”
Ekifubiro ky'abajuma MUKAMA
10Hakabaho mutabani w'omukazi Omwisirairi, ou yazairweho omusaija Omunyamisiri, akaruga omunju ye, omu rukande, yakungana n'Omunyamisiri nyakabara; 11mutabani w'omukazi Omwisirairi yagamba kubi kandi yakondereza ibara lya MUKAMA. Baamuleetera Musa. Ibara lya nyina mwojo ogu, nuwe Seeromisi muhara wa Dibiri ow'oruganda rwa Daani. 12Baamuta omu nkomo aikalemu okuhika MUKAMA obu alikabamanyisa eki arukwenda bamukole.
13MUKAMA yagambira Musa ati: 14“Iha omu rukande ayagambire kubi ibara lya MUKAMA; boona abaamuhuliire naaligamba kubi bamute emikono ha mutwe, ekitebe kyona eky'abantu bamuteere amabaale. 15Kandi gambira abantu ba Isirairi oti: Weena aligamba kubi ibara lya Ruhanga we, ajunaanwe habw'ekibi kye eki. 16Ogu aligamba kubi ibara lya MUKAMA, kimuhikiriire kwitwa. Ekitebe kyona eky'abantu kimuteere amabaale; noobu araaba ali munyaihanga rundi nzaarwa, obu alikagamba kubi ibara lya MUKAMA, aitwe. 17#Kurug 21:12.Omuntu wena anyakwita omuntu ondi, asemeriire afe. 18Wena anyakutema rundi anyakuteera ekisoro ky'omuntu ondi akakiita, amuleheremu ekindi, obwomeezi bulehwe obundi. 19Wena anyakugoora mutaahi we, na uwe agoorwe. 20#Kurug 21:23-25; Bir 19:21; Mat 5:38.Obu araaba amucwire igufa, n'erye licwibwe, anyakwisire ondi eriiso n'erye liitwe, anyakwihire ondi eriino, n'erye liihwe nkooku agoire ondi na uwe nukwo agoorwe. 21Wena anyakutema rundi anyakuteera ekisoro akakiita, agarremu kindi; ogu anyakwita omuntu, na uwe aitwe. 22#Kubar 15:16.Mube n'ekiragiro kimu ekirukulema omunyaihanga n'enzaarwa; habwokuba ninyowe MUKAMA Ruhanga wanyu.” 23Nubwo Musa yagambira abantu ba Isirairi; baaturukya omu rukande omuntu ayakonderiize ibara lya MUKAMA, baamuteera amabaale. Abantu ba Isirairi nukwo baakozire bati MUKAMA eki yaragiire Musa.
Currently Selected:
Lev 24: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
