Lev 20
20
1MUKAMA akagambira Musa ati: 2“Gambira abantu ba Isirairi oti: Omuntu omwisirairi rundi omunyaihanga anyakwikara n'Abaisirairi, alihongera embandwa Moleki omu ha baana be, ogu aitwe, abantu abasi b'ensi bamuteeze amabaale. 3Na nyowe nyenka, ndijunaana omuntu ogu, ndimwiha omu bantu b'owaabu habwokuba omu ha baana be amuhaire embandwa Moleki, yasiisa ekiikaro kyange ekirukwera kandi yajuma ibara lyange erirukwera. 4Omuntu obu alihongera embandwa Moleki omu ha baana be, abantu ab'omunsi, batakifiireho, bakalema kumwita, 5ndijunaana omuntu ogu n'eka ye, ndibaiha omu bantu ab'ihanga lyabo uwe na boona abanyakumukurata nibakora eby'orwanju okusemereza Moleki.
6“Omuntu obu aliteerana n'abantu abanyakubandwa emizimu n'abarogo, ogu ndimujunaana, ndimwiha omu bantu ab'ihanga lye.
7“Habweki, mweyeze mube barukwera; habwokuba ninyowe MUKAMA Ruhanga wanyu. 8Mukwate ebiragiro byange kandi mukole ebi birukuragira; ninyowe MUKAMA anyakubeeza. 9#Kurug 21:17; Mat 15:4; Mar 7:10.Weena anyakukondereza ise rundi nyina, aitwege, habwokuba anyakukondereza ise rundi nyina, omusango guba gumusingire.
10 #
Kurug 20:14; Lev 18:20; Bir 5:18. “Omusaija kakuba asiihana na muk'omutaahi, bombi, omusaija n'omukazi baitwe.” 11#Lev 18:8; Bir 22:30; 27:20.Omusaija anyakusiihana na muka ise ogu aba ahemwire ise, uwe na muka ise baitwe, omusango guba gubasingire. 12#Lev 18:15.Omusaija kakuba asiihana na mukamwana we bombi baitwe, habwokuba bakozire ekirukuzirwa, baba beesingisize omusango. 13#Lev 18:22.Kakuba omusaija asiihana n'omusaija mutaahi we nkooku asiihana n'omukazi, bombi baba bakozire ekintu ekitakorwa; basemeriire baitwe, baba beesingisize omusango. 14#Lev 18:17; Bir 27:23.Omusaija kakuba aswera omwisiki na nyina omwisiki, eki kintu kibi mali; ekitakorwa, abo boona, omusaija na bakazi be, babookye omu murro, nukwo muleke kugaruka kukora ekintu eki. 15#Kurug 22:19; Lev 18:23; Bir 27:21.Kakuba omusaija asiihana n'ekisoro, ogu aitwe, ekisoro eki nakyo, mukiite. 16Omukazi kakuba ateerana n'ekisoro, omukazi mumwite hamu n'ekisoro; omukazi aitwe n'ekisoro kiitwe, ebihangwa ebi, biba byesingisize omusango.
17 #
Lev 18:9; Bir 27:22. “Omusaija kakuba aswera munyanya arukuzaarwa ise rundi nyina, eki kintu ky'ensoni, baitirwe omumaiso g'abantu ab'ihanga lyabo. Omusaija habw'okusiihana na munyanya, asemeriire kwikiriza ekifubiro eky'omusango gwe. 18#Lev 18:19.Kakuba omusaija asiihana n'omukazi anyakuli omu kwezi, omusaija ogu, ayongera kwikaza omukazi omu kwezi, omukazi wenka, na uwe ayeyiikaza omu kwezi; bombi basemeriire kubingwa omu bantu ab'ihanga lyabo. 19#Lev 18:12-14.Otalisiihana na nyokwento rundi swenkati, oku nukwo kusiihana n'omuntu ow'obuzaale obwa haihi; abantu abo, basemeriire kujunaanwa. 20Omusaija anyakusiihana na muka isento, ahemura isento, abantu abo: Omusaija n'omukazi basemeriire kujunaanwa kandi baitwe. 21#Lev 18:16.Kakuba omusaija aswera muka mugenzi we, eki kintu kibi, aba ahemwire mugenzi we, omusaija n'omukazi basemeriire basendwe.
22“Habweki, mukwate ebiragiro byange byona na byona ebi nataireho, kandi mukole ebi birukuragira; 23Mutaliba n'engeso nk'ez'abantu aba ndukubinga omunsi babahigize; habwokuba ebintu ebi byona, nibyo baakozire, na nyowe nukwo kubatamwa. 24Baitu inywe, nimbagambira ngu: ‘Mulitunga ensi yabo, ndigibaha ebe nsi yanyu bweremera, ensi egi, enyakwijwire amata n'obwoki.’ Ninyowe MUKAMA Ruhanga wanyu ayabaahukaniize ha mahanga agandi.
25“Habweki, mwahuranege ebisoro ebitarukuzirwa n'ebirukuzirwa, ebinyonyi, ebitarukuzirwa n'ebirukuzirwa; mutalyesiisa mukalya ebisoro, ebinyonyi rundi ekintu ekindi kyona ekinyakuli omunsi ebi nabagambiire nti, ebintu binu by'omuziro. 26Mwikalege muli bantu bange abarukwera baitu nyowe MUKAMA ndi arukweera, nkabaahurana ha mahanga, nukwo mube bange.
27“Omusaija rundi omukazi omuraguzi rundi omurogo, aitwege ateerwege amabaale, musango gwabo.”
Currently Selected:
Lev 20: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
