Lev 19
19
1MUKAMA akagambira Musa ati: 2#Lev 11:44,45; 1Pet 1:16.“Gambira ekitebe ekya Isirairi ngu: Mube bantu abarukwera, habwokuba, nyowe MUKAMA Ruhanga wanyu ninyera. 3#Kurug 20:12; Bir 5:16; Kurug 20:8; Bir 5:12.Buli omu omuli inywe, atemuga ekitiinisa ise na nyina, kandi mutemuga ekitiinisa ekiro kyange ekya Sabbato; Ninyowe MUKAMA Ruhanga wanyu. 4#Lev 26:1; Kurug 20:23; 34:17; Bir 17:2-5.Mutaliramya ebintu ebitaina mugaso noobwakwakuba kwagya ebyoma mukekorramu baaruhanga. Ninyowe MUKAMA Ruhanga wanyu.
5“Obu muraabaga nimuha MUKAMA ekyonzira habw'okusaba Obusinge mukihege nukwo musiimwe. 6Kiriibwege ha kiro kyonyini eki muraabaga mukiheeriireyo rundi nyenkya bukiire; ekintu kyona ekiraabaga kisigaireho okuhika ha kiro ekya kasatu, bakyokyeege kisiiriire. 7Kakuba kiriibwa ha kiro ekya kasatu, kiba ky'omuziro kandi tikirisiimwa, 8Omuntu wena anyakukiryaho, ayeretera omusango, habwokuba asiisire ekintu ekirukwera ekya MUKAMA; omuntu ogu araihwaga omu bantu b'owaabu.
9 #
Lev 27:15; Bir 24:19-22. “Obu oraabaga noogesa oleke kuhikira kimu ha nsaaro y'omusiri rundi kugesa okamarraamu kimu. 10Emiti yawe ey'orugonjo orw'emizabbibbu, otaliginogaho ebijuma okabimaraho, noobu kwakuba kusorooza ebigwire hansi, ebi byona obirekere abanaku n'abanyamahanga; ninyowe MUKAMA Ruhanga wanyu.
11 #
Kurug 20:15; Bir 5:19;
Kurug 20:16; Bir 5:20. “Mutaliiba, mutaligobezangana nookwakuba kubiihangana ebisuba. 12#Kurug 20:7; Bir 5:11; Mat 5:33.Mutalirahirra busa ibara lyange, mukajumisa ibara lya Ruhanga wanyu: Ninyowe MUKAMA.
13 #
Bir 24:14,15. “Otalibonesa omutaahi rundi kumunyaga. Otalikeerereza omusaara gw'omuntu ou oragaine na uwe kukukorra omulimo okakiisa obwire. 14#Bir 27:18.Otalikondereza omufu w'amatu rundi kuta ekintu omu muhanda omufu w'amaiso eki arukwija kuhuumira, kyonka otiinege Ruhanga wawe; Ninyowe MUKAMA.
15 #
Kurug 23:6-8; Bir 16:19. “Otalicwa omusango ogw'okuhendeerra; otaligogeereza omunaku rundi kutiina omuntu ow'ekitiinisa, baitu omutaahi omucwere nookuraatira obulyo. 16Tosemeriire kugendagenda noogeya abantu rundi kunaga omuntu mutaahi wawe omu kabi: Ninyowe MUKAMA.
17 #
Mat 18:15. “Mugenzi wawe otalimwitira ha mutima, ohanuulege n'omutaahi, taikara kukunaga omu kibi. 18#Mat 5:43; 19:19; 22:39; Mar 12:31; Luk 10:27; Bar 13:9; Bag 5:14; Yak 2:8.Otalyehorra enzigu rundi kugirra itima abaana b'abantu b'owanyu, baitu ogonzeege mutaahi wawe nkooku oyegonza wenka Ninyowe MUKAMA.
19 #
Bir 22:9-11. “Okwatege ebiragiro byange. Ente zawe zitalyemebwa ez'oruganda orundi; omusiri gwawe otaligubyaramu embibo z'enganda ibiri kandi otalikisura okajwara ekikozirwe omu huuzo ezinyakurangirwe omu bintu eby'emiringo ebiri.
20“Kakuba omusaija abyama n'omukazi omuzaana anyakujumbiirwe omusaija ondi, kyonka omuzaana ogu atakacungwirwe rundi atakalekiirwe, ebigambo byabo biraayetegerezibwaga. Tibaitwege, habwokuba omuzaana abaire atakalekiirwe; 21kyonka omusaija aleeterege MUKAMA ekihongwa eky'okumuganyiza omusango, akireete ha mulyango ogw'Eheema ey'okutangatanganiramu, ekihongwa eki, ebege mpaya y'entaama. 22Nyakatagara amutonganirrege hali MUKAMA naahonga ekihongwa eki, habw'ekibi eki yakozire; Nukwo MUKAMA amuganyire eki yakozire.
23“Obu mulihika omunsi, mubyaire emiti ey'emiringo yoona ey'erukuliibwa ebijuma, ebijuma byayo mutalibirya okumara emyaka esatu, omu kasumi ako muliba nimubitangwa. 24Omu mwaka ogwa kana, biraabaga biri ebirukwera, kihongwa eky'okusiima MUKAMA. 25Baitu omu mwaka ogwa kataano, mulye ebijuma byayo, nukwo emiti eyongere kubaanira ebingi: Ninyowe MUKAMA Ruhanga wanyu.
26 #
Kub 9:4; Lev 7:26,27; 17:10-14; Bir 12:16,23; 15:23;
Bir 18:10. “Mutalirya enyama yoona ekyarumu esagama. Mutaliraguza kandi mutalibandwa. 27#Lev 21:5; Bir 14:1.Mutalyemwa mukasiga ekisunsu kandi mutalimwa ebitarra eby'emireju yanyu. 28Mutalyesara ensaro ha mibiri yanyu habw'abantu abaafiire kandi mutalyesara engondo habw'emigenzo. Ninyowe MUKAMA.
29 #
Bir 23:17. “Otaliikiriza muhara wawe kufooka malaaya, ensi etaliikara kwijura obwamalaaya, ekasiisikara. 30#Lev 26:2.Otemuga ekitiinisa ekiro kyange ekya Sabbato n'ekiikaro kyange ekirukwera: Ninyowe MUKAMA.
31 #
Bir 18:11; 1 Sam 28:3; 2 Bakam 23:4; Is 8:19. “Otaliteerana n'abafumu n'abarogo; otalibeeha bakakusiisa: Ninyowe MUKAMA Ruhanga wanyu.
32“Oimukirege abakuru omu myaka, otemuga ekitiinisa abagurusi n'abakaikuru kandi otiinege Ruhanga wawe: Ninyowe MUKAMA.
33 #
Kurug 22:21; Bir 24:17,18; 27:19. “Omunyaihanga kakuba akwebinga omunsi y'owanyu, otalimukora kubi. 34Omunyaihanga wena arukwikara na inywe mumusisanizeege nk'enzaarwa aboikara nabo, omugonzeege nkooku oyegonza wenka; habwokuba na inywe omunsi Misiri, mukaba muli banyamahanga: Ninyowe MUKAMA Ruhanga wanyu.
35 #
Bir 25:13-16; Nfu 20:10; Ezek 45:10. “Mube beesigwa omu bintu binu: Omu kulenga obura bw'ebintu, omu kulemeera kwabyo rundi obwingi bwabyo. 36Mube na minzaani ezinyakuhikire, amabaale aganyakuhikire, endengo enyakuhikire: Ninyowe MUKAMA Ruhanga wanyu ayabaihire omunsi Misiri. 37Mukwate ebiragiro byange byona, n'ebigambo byange kandi mukole eki birukuragira: Ninyowe MUKAMA.”
Currently Selected:
Lev 19: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
