Lev 18
18
Ebiragiro ebirukutanga engeso mbi
1MUKAMA akagambira Musa ati: 2“Gambira abantu ba Isirairi ngu: Ninyowe MUKAMA Ruhanga wanyu. 3Mutalikora ebintu nk'Abanyamisiri nambere mwaikaraga ebi bakora, kandi ebi bakora mutalikora nk'eby'Abanyakanaani handukubatwara. Mutalikuraatira ebiragiro byabo. 4Mukolege ebi ndukubaragira, mukwate ebiragiro byange kandi nibyo muhondere. Ninyowe MUKAMA Ruhanga wanyu. 5#Neh 9:29; Ezek 18:9; 20:11-13; Luk 10:28; Bar 10:5; Bag 3:12.Nikyo muraakwatiraga ebiragiro byange n'ebigambo byange, omuntu arukukora ati, alyomeera. Ninyowe MUKAMA.
6“Hatalibaho n'omu omuli inywe arukugendera omukazi ow'obuzaale bwe obwa haihi. Ninyowe MUKAMA. 7Otaligendera sso, rundi nyoko, kukora eki nooba oheemwire. 8#Lev 20:11; Bir 22:30; 27:20.Otaligendera muka sso, kukora eki nooba oheemwire sso 9#Lev 20:17; Bir 27:22.Otalijurra munyanyoko, owa sso rundi owa nyoko, obu araaba ali w'omu ka rundi w'aheeru. 10Otaligendera omwijukuru, kukora eki nooba oyehemwire. 11Otaligendera muhara wa muka sso anyakuzairwe sso, habwokuba munyanyoko. 12#Lev 20:19,20.Otaligendera swenkati, habwokuba w'obuzaale bwa sso obwa haihi. 13Otaligendera nyokwento, habwokuba nuwe mukazi ow'obuzaale bwa nyoko obwa haihi. 14Otaligendera muka swento habwokuba naaba ali nka nyoko. 15#Lev 20:12.Otaligendera muka mwana wawe, 16#Lev 20:21.n'obwakubaire muramu wawe. 17#Lev 20:14; Bir 27:23.Otaligendera n'omukazi okataho muhara we, noobwakuba kubyama na muhara w'omutabani rundi muhara wa muhara we, habwokuba bakazi b'obuzaale bwa haihi; kukora oti, kibi mali. 18Otaligendera omwisiki muramu wawe, rundi kumuswera okamwongera hali mugenzi we, kunu mugenzi we akyayomiire. 19#Lev 20:18.Otaligendera n'omukazi anyakuli omu kwezi. 20#Lev 20:10.Otaliteerana n'omukazi w'omusaija ondi, akakusiisa. 21#Lev 20:1-5.Otaliikiriza omwana wena ou ozaire kumuhongera embandwa, Moleki, habwokuba eki nikifurungura nyowe MUKAMA Ruhanga wawe, Ninyowe MUKAMA. 22#Lev 20:13.Otaligendera omusaija nk'arukugendera omukazi, habwokuba eki kinugwa. 23#Kurug 22:19; Lev 20:15,16; Bir 27:21.Otaligendera ekisoro kikakusiisa, noobwakuba omukazi kugendera ekisoro: eki tikiri kintu ky'obuhangwa.
24“Muleke kwesiisa omu kintu kyona hali ebi, habwokuba, amahanga goona aga ndukubinga, inywe mutakahikireyo, ebi nibyo byabasiisire; 25ensi yasisikara, nanyowe nukwo kugifubira habw'obubi bwayo, enzaarwa zaamwo zaarugamu. 26Baitu inywe mukwatege ebiragiro byange n'ebigambo byange mutalikora na kimu ha binugwa ebi, obu araaba ali muntu nzaarwa rundi munyaihanga ou murukwikara na uwe, 27(habwokuba ebinugwa ebi byona, abantu b'ensi enu, abakaba bagirumu inywe mutakaizire, nibyo baakozire, ensi nukwo kusiisikara). 28Na inywe ensi kakuba mugisiisa, nimwija kugirugamu nka bali abaagisiisire oku baagirugiremu. 29Habwokuba wena alikora ekimu ha binugwa ebi, aliihwa omu bantu b'owaabu. 30Nahabweki, mukwate ebi ndukubateererra, mutaliikara kuhondera engeso zinu embi eza abantu abakaba bali omunsi enu, inywe mutakagiiziremu, kandi muleke kwesiisa omu ngeso ezi. Ninyowe MUKAMA Ruhanga wanyu.”
Currently Selected:
Lev 18: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
