Lev 15
15
Ekiragiro ha maizi agaruga omu mubiri
1MUKAMA akagambira Musa na Arooni ati: 2“Mugambire abantu ba Isirairi ngu: Omusaija weena anyakurugwa amasira omu busaija, amasira ago gaba kintu ekirukuzirwa. 3Kinu nikyo kiragiro ekirukubaza ha kuzirwa kw'omusaija anyakurugirwe amaizi omu busaija; amasira noobu garaaba nigakyaruga omu mubiri gwe rundi tigakyarugamu, omusaija ogu, aba naazirwa. 4Ekitabu kyona omusaija arukurugwamu amasira abyamaho, kisiisikara; buli kintu eki aikarraaho, nakyo kisiisikara. 5Wena anyakukwata ha kitabu ky'omuntu ogu, azirwa okuhika rwebagyo, ayogye ebyokujwara bye, na uwe wenka ayoge. 6Wena araikarraga ha kintu ekinyakwikaliirweho omuntu ogu arukurugwamu amasira, araabaga murofu okuhika akairirizi, ayogye ebyokujwara bye na uwe wenka ayoge. 7Kandi wena anyakukwata ha mubiri gw'ogu arukurugwamu amasira araabaga murofu okuhika akairirizi, asemeriire ayogye ebyokujwara bye, na uwe wenka ayoge. 8Omusaija ogu arukurugwamu amasira, kakuba acwera amacwanta omuntu ondi atanyina burofu ogu kicwerwa macwanta araikaraga ali murofu okuhika akairirizi, asemeriire ayogye ebyokujwara bye, na uwe wenka ayoge. 9Entebe yoona ey'ekiiruka enyakwikalirweho omusaija ogu arukurugwamu amasira, buli egi esiisikaire. 10Omuntu wena anyakukwata ha kintu ekinyakuli hansi y'ogu arukurugwamu amasira, araabaga murofu okuhika akairirizi; kandi anyakwetweka ekintu eki, na uwe araabaga murofu okuhika akairirizi, asemeriire ayogye engoye ze, na uwe wenka ayoge. 11Omuntu wena anyakukwataho ogu arukurugwamu amasira atakanaabire engaro, ogu buli asiisikaire, araikaraga ali murofu okuhika akairirizi; asemeriire ayogye ebyokujwara bye, na uwe wenka ayoge. 12Ekintu ekibumbirwe ekirikwatwaho ogu arukurugwamu amasira kyatwege, ekintu obu kiraabaga kibaizirwe kyogebwege n'amaizi kandi kijuburwege.
13“Omuntu ogu obu alireka okurugwamu amasira, abale ebiro musanju, ayogye ebyokujwara bye; na uwe wenka ayoge omubiri gwona omu maizi agarukugera, nubwo aleke kuzirwa. 14Ha kiro ekya munaana, atwale enduka ibiri rundi amaiba abiri, aije omumaiso ga MUKAMA, ha mulyango ogw'Eheema ey'okutangatanganiramu, enduka rundi amaiba ago agahe nyakatagara; 15nyakatagara agahonge, erimu libe kihongwa eky'okuganyiza ebibi, erindi libe kihongwa eky'okwokya; asabire omuntu hali MUKAMA nukwo atambirwe okurugwamu amasira.
16“Kandi omusaija kakuba arooterra araaikaraga naazirwa okuhika akairirizi, asemeriire ayoge omubiri gwona, 17kandi buli kyokujwara rundi orususu orunyakutoonywaho amaizi ago, biraikaraga biri birofu okuhika akairirizi, bisemeriire kwogebwa n'amaizi. 18Kakuba omusaija ateerana n'omukazi, akamutamu amaizi ago aganyakuzaara, bombi baraikaraga nibazirwa okuhika akairirizi, basemeriire kwoga.
19“Omukazi obu araabaga ali omu kwezi araikaraga ali murofu okumara ebiro musanju, kandi wena araamukwatahoga araikaraga ali murofu okuhika akairirizi. 20Kandi kyona omukazi ogu n'eki araabyamahoga n'eki araikarrahoga omu kasumi ako, kiraabaga kirofu. 21Wena araakwataga ha kitabu kye, araikaraga ali murofu okuhika akairirizi, asemeriire kwogya ebyokujwara bye, na uwe wenka ayoge omubiri gwona. 22Wena araakwataga ha kintu omukazi ogu eki aikarraaho, araikaraga ali murofu okuhika akairirizi, asemeriire ayogye ebyokujwara bye, na uwe wenka ayoge omubiri gwona; 23kakuba omusaija akwata ha kitabu omukazi ogu eki abyamaho, rundi ha ntebe ei aikarraaho, araabaga murofu okuhika akairirizi. 24Kakuba omusaija abyama n'omukazi ogu, oburofu bwe bukamuhikaho, omusaija ogu araabaga murofu okumara ebiro musanju; kandi buli kitabu eki araabyamahoga, araakirofuhazaaga.
25“Omukazi anyakumara ebiro bingi ali omu kwezi okukira, akasumi ke aka buli kwezi, rundi kakuba aba ati okumara ebiro bingi muno akahinguza ha biro bye ebya butoosa, araabaga naazirwa akasumi koona akaaraamaraga; araabaga naazirwa nkooku aba omu kasumi ke akaabuli kwezi. 26Ekitabu kyona eki abyamaho, akasumi koona aka amara naazira, kirisisana nk'eki abyamaho omu kasumi ke akaabuli kwezi. Entebe eikarrwaaho, nayo eriba neezirwa nk'eyaikarraaho omu kasumi akaabuli kwezi. 27Wena araakwataga ha bintu ebi, araikaraga ali murofu okuhika akairirizi, asemeriire ayogye ebyokujwara bye na uwe wenka ayoge omubiri gwona. 28Omukazi ogu kakuba akira abale ebiro musanju, obu biraahwahoga, araaba atakyazirwa, oburwaire bumuhoireho. 29Ha kiro ekya munaana, akwate enduka ibiri rundi amaiba amato abiri, agatwarre nyakatagara ha mulyango ogw'Eheema ey'okutangatanganiramu. 30Nyakatagara ahonge eriiba erimu, libe kihongwa eky'okuganyiza ebibi, erindi libe kihongwa eky'okwokya; asabire omukazi ogu hali MUKAMA, habw'akasumi akaamazire naazirwa.
31“Nukwo olindege oti abaana ba Isirairi, beecweho obubi bwabo, tibaikara kubufeeramu, habw'okuhagaza enju yange enyakubaikara hagati.”
32Eki nikyo kiragiro ekyateerirweho omusaija anyakurugwamu amasira n'ogu anyakurugwamu amaizi aga nyakuzaara; gakamuleetera kuzirwa, 33kandi ekiragiro eki, kikwata n'omukazi anyakuli mu kwezi rundi omusaija anyakuteerana na uwe.
Currently Selected:
Lev 15: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
