Mat. 7

Atubonokin ŋuluce

(Luk. 6:37-38, 41-42)

1“Nyitubonokis ŋuluce, ikotere nyikitubokin iyes; 2anerae ikitubonokinio iyes ikwaŋinapei itubonokiniata iyes ŋuluce ka etyae ŋolo iinakinete iyes, iŋes ikiinakinio iyes. 3Kaanukiro iteo iyoŋ imilot anakoŋu a lokaato kon, nai nyite akitoe ŋina eyai nakoŋu kon a ilope? 4Nabo ikokini iyoŋ ilimokini lokaato kon atemar, ‘Kimyek olema imilot anakoŋu kon,’ toyai bo akitoe nakoŋu kon ai? 5Iyoŋ ekaŋisoswae! Tolema mono akitoe anakoŋu kon, topedo nai akiŋolikin ejok epite ŋolo lemaret imilot anakoŋu a lokaato kon.

6“Nyiinakis ŋiŋokwo ibore ŋini einakinitae Akuj ka nyimasakis ŋamoru ŋuna elal egyelit lopegei, anerae ipudaarete ikes a ŋakejen, tosodo kibelekinos akitiji iyes.

Kiŋita, kiwara, kikoŋikoŋo

(Luk. 11:9-13)

7“Kiŋita, ikiinakinio; kiwara, iryamunete; kikoŋikoŋo, ikiŋaaryo; 8anerae ŋinituŋanan iŋita, einakinio; ŋini iwarit, eryamuni ka ŋini ikoŋikoŋi, eŋaaryo. 9Ŋae alokidiŋ kus ŋini ani kiŋit ikoku keŋ iŋes amugati, tosodi inak amoru? 10Kori ani iŋita ikoku ekolya inak emun? 11Ani kipedorete nai iyes ŋulu iroko ainakin ŋidwe kus ŋiboro ŋulu ajokak, nyepedori nai Papa kus ŋolo anakuj ŋolo ejok ainakin ŋiboro ŋulu ajokak neni a ŋulu iŋitasi a? 12Kitiyata neni a ŋuluce ŋuna icamito iyes ikes kitiyata neni kus; ŋun ikes erae apolou a Ŋikisila a Moses ka ŋakitatameta ŋuna a ŋikadwarak.

Ekek ŋolo adidiŋan

(Luk. 13:24)

13“Tolomasi alokek a ŋolo adidiŋan, anerae elolom ekek ka epatana erot ŋolo elosi natwanare, elalak ŋulu itorete nen. 14Nai edidiŋ ekek ŋolo elosi nakiyar ka etyono erot ka ekudyoko ŋituŋa eryamunete.

Ŋikadwarak ŋulu alyokonok

(Luk. 6:43-44)

15“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei. 16Iyenunete iyes ikes anaraito kec. Egyeryo mono epiini alotiira, kori ŋaboboryo alokodwokodwo a? 17Aŋun, ekitoe ŋolo ajokan eraii ŋaraito ŋuna ajokak, nai ekitoe ŋolo aronon eraii ŋaraito ŋuna aronok. 18Nyepedori ekitoe ŋolo ajokan akira ŋaraito ŋuna aronok ka nyepedori ekitoe ŋolo aronon akira ŋaraito ŋuna ajokak. 19Ŋolokitoe nyeraii ŋaraito ŋuna ajokak eyeparyo tocakakinae nakim. 20Aŋun, iyenunete iyes ŋikadwarak ŋulu alyokonok aloticisyo kec.

Pa akayeni ayoŋ iyes

(Luk. 13:25-27)

21“Meere ŋinituŋanan ebala ayoŋ ‘Ekapolon, Ekapolon,’ elomari Napukan ŋina anakuj, nai ŋini itiyae ŋuna ecamit Papa kaŋ ŋolo anakuj iŋes kitiya. 22Akoloŋit ŋin, etemarete ŋikalalak neni kaŋ, ‘Ekapolon, Ekapolon! Pa aponi isua todwarae alokiro kon ka eritanasi ŋipyan alokiro kon; nabo etiyata ŋakujuwuanisya alokiro kon a?’ 23Alimokini nai ayoŋ ikes otema, ‘Pa akayeni ayoŋ iyes. Toloto aneni kaŋ iyes ŋulu itiyaete aronis!’

Ŋikadukok akai ŋuluarei

(Luk. 6:47-49)

24“Aŋun, ituŋanan daadaŋ ŋini iirari ŋakaakiro kitiya, ikwaanikin ka ituŋanan ŋini aoson ŋini adukokini akai keŋ nataaba. 25Kilim akiru, bu akalele ka tokut ekuwuam kai ŋin, nai abu nyeukor, anerae adukokinitae nataaba. 26Ituŋanan daadaŋ ŋini iirari ŋakaakiro nu nyitiya, ikwaanikin ka ituŋanan ŋini abaŋaanan ŋini adukokini akai keŋ nasinyon. 27Kilim akiru, bu akalele ka tokut ekuwuam kai ŋin, toukor eukore ŋolo aronon.”

Kitatam Yesu ka apedor

28Ani edauni Yesu erwor ŋakiro ŋun, toumokis ŋasepico a ŋituŋa aŋuna ka akitatam keŋ, 29anerae etatami iŋes ka apedor, meere ikwa ŋiketatamak a Ŋikisila.

Currently Selected:

Mat. 7: NIB2008

Highlight

Copy