OMOBARO 1
1
1Ase rituko rie ritang’ani ri’omotienyi o kabere bw’omwaka o kabere nyuma Abaisraeli kobarure ase ense ya Misiri, Omonene agakwana na Musa ime y’Eema y’Omosangererekano, agwo ase erooro ya Sinai, akamotebia, 2“Kora omobaro bw’omoganda bwonsi bw’Abaisraeli, eamate ase eamate, na enyomba ase enyomba. Orike amarieta ’abanto bonsi abasacha, omonto ase omonto. 3Aye amo na Haroni mobare abanto abakoorire emiaka emerongo ebere na goetania, baria baranyare korwana esegi, mobaroberie ase esegi, ekeombe ase ekeombe. 4Naende mochore korwa ase kera egesaku omonto oyomo ore omoteneneri obo. Barabwo babe amo nainwe ase okobakonya. 5Amarieta ’abanto abwo naro aya:
Korwa ase egesaku kia Reuben, Elisuri, mosinto o Sedeuri.
6Korwa ase egesaku gia Simeoni, Selumieli, mosinto o Surisadai.
7Korwa ase egesaku kia Yuda, Nahasoni, mosinto bw’Aminadabu.
8Korwa ase egesaku gia Isakaru, Netaneli, mosinto o Suari.
9Korwa ase egesaku gia Sabuloni, Eliabu, mosinto o Heloni.
10Korwa ase basinto ba Yusufu: ase egesaku gi’Efraimu, Elisama, mosinto bw’Amihudi, na ase egesaku kia Manase, Gamalieli, mosinto o Pedasuri.
11Korwa ase egesaku kia Benjamin, Abidani, mosinto o Gidioni.
12Korwa ase egesaku kia Dani, Ahieseri, mosinto bw’Amisadai.
13Korwa ase egesaku gi’Aseri, Pagieli, mosinto bw’Okirani.
14Korwa ase egesaku kia Gadi, Eliasafu, mosinto o Deueli.
15Korwa ase egesaku kia Nafutali, Ahira, mosinto bw’Enani.”
16Abanto aba nabwo barenge abateneneri ase ebisaku ebio biabo, naende abatang’ani be chiamate chi’Abaisraeli, bachoretwe korwa ase omoganda bwonsi.
17Musa na Haroni bakaira abanto abwo baatoretwe ase amarieta abo, 18na ase rituko rie ritang’ani ri’omotienyi o kabere bagasangereria omoganda bwonsi bw’abanto amo. Bakarika amarieta ’abanto abwo konya bakoorire emiaka emerongo ebere na goetania, eamate ase eamate, na enyomba ase enyomba, na omonto ase omonto. 19Musa akabara abanto abwo na kobarika, agwo ase erooro ya Sinai, buna Omonene konya amochikire.
20Abanto b’ororeria rwa Reuben, omotangi o Israeli, bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 21nigo barenge chilifu emerongo ene na isano nemo, na amagana atano (46,500).
22Abanto b’ororeria rwa Simeoni bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 23nigo barenge chilifu emerongo etano na kianda, na amagana atato (59,300).
24Abanto b’ororeria rwa Gadi bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 25nigo barenge chilifu emerongo ene na isano, na amagana atano na rimo, na emerongo etano (45,650).
26Abanto b’ororeria rwa Yuda bakarikwa, omonto ase omonto, ase chiamate chiabo ne chinyomba chiabo Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 27nigo barenge chilifu emerongo etano na ebere na inye, na amagana atano na rimo (74,600).
28Abanto b’ororeria rwa Isakaru bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 29nigo barenge chilifu emerongo etano na inye, na amagana ane (54,400).
30Abanto b’ororeria rwa Sabuloni bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 31nigo barenge chilifu emerongo etano na isano na ibere, na amagana ane (57,400).
32Abanto b’ororeria rwa Yusufu, narwo orw’Efraimu, bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 33nigo barenge chilifu emerongo ene, na amagana atano (40,500).
34Abanto b’ororeria rwa Manase bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 35nigo barenge chilifu emerongo etato na ibere, na amagana abere (32,200).
36Abanto b’ororeria rwa Benjamin bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 37nigo barenge chilifu emerongo etato na isano, na amagana ane (35,400).
38Abanto b’ororeria rwa Dani bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 39nigo barenge chilifu emerongo etano nomo na ibere, na amagana atano na abere (62,700).
40Abanto b’ororeria rw’Aseri bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 41nigo barenge chilifu emerongo ene na eyemo, na amagana atano (41,500).
42Abanto b’ororeria rwa Nafutali bakarikwa, omonto ase omonto, ase chiamate chiabo ne chinyomba chiabo. Abanto bonsi abasacha, aba konya bakoorire emiaka emerongo ebere na goetania, abwo baare konyara korwana esegi, 43nigo barenge chilifu emerongo etano na isato, na amagana ane (53,400).
44Aba nabwo barigetwe na Musa, na Haroni, na abatang’ani b’Abaisraeli ikomi na babere, abatenenerete kera oyomo egesaku kiaye. 45Abaisraeli bonsi abarigetwe, enyomba ase enyomba, baria konya bakoorire emiaka emerongo ebere na goetania, naende baare konyara korwana esegi, 46nigo barenge chilifu amagana atano na rimo na isato, na amagana atano, na emerongo etano (603,550).
47Korende abanto b’ororeria rwa Lawi, barabwo tibabaretwe amo nabanto abwo bande, 48ekiagera Omonene nigo atebetie Musa, 49“Abanto b’egesaku kia Lawi tobabara amo n’Abaisraeli bande. 50Obeke Abalawi babe bakorenda Obomenyo Obochenu obwo bore noborori, naende babe bakorenda ebinto bire ase Obomenyo boria ime, na ebikorero biaye. Nababe bakobobogoria amo nebinto biaye bionsi, na gokora emeremo imeo. Barabwo nigo baratenenie chiema chiabo chi’okomenya chietanane Obomenyo obwo. 51Ekero Obomenyo obwo borabe bokong’anyigwa, Abalawi nabwo barabosimore, na ekero borabe bogotenenigwa naende, nabwo barabotenenie aase agwo. Omonto onde bwensi otachikiri aise goika ang’e n’Obomenyo obwo goika aitwe akwe. 52Abaisraeli bande nabatenenie chiema chiabo, kera egesaku ase egetwori kiaye, na kera omonto abeere inse y’ebendera yaye, ase ekeombe kiaye. 53Korende Abalawi nigo baratenenie chiema chiabo chietanane Obomenyo obwo bore noborori, na komenyao, erinde endamwamu yane etangwe tebaisa kogwera omoganda bwonsi bw’Abaisraeli. Abalawi barende Obomenyo obwo bore noborori.” 54Abaisraeli bagakora onsi buna Omonene abachigete goetera ase Musa.
Currently Selected:
OMOBARO 1: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
