MATAYO 3
3
Yohana Omobatisi na amang’ana aye
(Mar 1:1–8; Luk 3:1–17)
1Ase amatuko aria Yohana Omobatisi akaoroka. Nkorandia arenge ase erooro ya Boyahudi, ogoteba, 2“Onchoka, ekiagera oboruoti bwa igoro bwaikire ang’e!” 3Naki oyio nere otebetwe nomobani Isaya, ekero atebete,
“Eriogi ri’oyogoaka egeturi ase erooro:
Roisia enchera y’Omonene,
rongeyia oboeto bwaye.”
4Ere Yohana nigo arenge kobeka chianga chi’amarionya ’engamia na kweboeria orokini rwe riiyo kenema kiaye, na endagera yaye nigo yarenge chingige na obooke bw’orosana. 5Engaki eyio abanto ba Yerusalemu, na Boyahudi yonsi, ne chinsemo chionsi chia Yorodan bakamochiera. 6Barabwo bakabatiswa nere ase orooche rwa Yorodan, bakoorokia ebibe biabo.
7Agachia korora abanto abange ase Abafarisai na Abasadukai bakomochiera ase ebatiso, akabatebia, “Inwe oroiboro rwe ching’iti, ning’o obakureire ng’a motame korwa ase endamwamu egochi‐gocha? 8Gaki, ama okwama kogwenerete okoonchoka; 9gose timona goteba ase emioyo yaino ime: Ntore na sokoro yaito Ibrahimu, ekiagera nabatebirie, ng’a Nyasae nare nokobua ase amagena aya gokorera Ibrahimu abana. 10Nonya mbono egesire kiabekirwe ase emeri y’emete; nabo kera omote otameti okwama okuya nonachwe, otugutwe ase omorero.
11“Inche nase amache nkobabatisera ase okoonchoka, korende ere, oyorache nyuma yane, nare ne chinguru kombua. Tinyisaini koimokia ebikoroto biaye. Nere orababatise ase Omoika Omochenu na ase omorero. 12Oroteru rwaye nigo rore koboko kwaye, ere naabuse ekeooreri kiaye, nasangererie engano ase ekiage kiaye, korende omoiriro nayosambe ase omorero otakorimeka.”
Okobatiswa kwa Yeso
(Mar 1:9–11; Luk 3:21–22)
13Ekero ekio Yeso akarua Galili, akagenda ase Yohana ase orooche rwa Yorodan abatiswe nere. 14Korende Yohana akarigia kwanga, agateba, “Inche ndigetie kobatiswa naye, na aye kogocha asende?” 15Korende Yeso akamoiraneria, “Ancha iga bono, ekiagera naboigo etogwenerete goikerania oboronge bwonsi.” Erio agwo akamwanchera. 16Na Yeso, ekero abatisirwe, erio kegima agatiira korwa ase amache; na rora, igoro akamaanoka, na ere akarora Omoika o Nyasae ogoika buna riruma, ogocha igoro asare. 17Na rora, eriogi rikorwa igoro rigateba, “Oyo nere Omwana one omwanchwa, ngokirie nere.”
Currently Selected:
MATAYO 3: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
