Secunnu Matteu 10
10
1E cunvucati li dudici discipuli soi, cci detti la potestĂ di scacciari li spiriti immundi, e di curari ogni malatia, ed ogni infirmitĂ .
2Ora li nomi di li dudici Apostuli sĂą chisti. Lu primu, Simuni, dittu Petru, ed Andria so frati,
3Japicu di Zebedeu, e Giuvanni so frati, Filippu, e Bartolomeu, Tumasi, e Matteu pubblicanu, Japicu d’ Alfeu, e Taddeu,
4Simuni Cananeu, e Giuda Iscarioti, chi lu tradiu.
5Chisti dudici li mannau Gesù; e cumannannuli, cci dissi: Nun jirriti unni li gentili, nè trasirriti ntra li cità di li Samaritani:
6Ma cchiuttostu iti unni li pecuri pirduti di la casa d’ Isdraeli.
7E jennu pridicannu, diciti: Ca s’ avvicina lu regnu di li celi.
8Curati l’ infirmi, risuscitati li morti, munnati li libbrusi, cacciati li dimonj: comu aviti ricivutu gratis, dati gratis.
9Nun vugghiati possediri nè oru, nè argentu, nè dinaru ntra li vostri cinturi:
10Nun abbiati vertula pri lu viaggiu, nè dui vesti, nè dui para di scarpi, nè vastuni: giacchì l’ operariu è dignu di lu so nutrimentu.
11Ed in qualunqui cità , o casteddu trasirriti, dumannati, cui è omu dignu: e stativi ddà , finchì vi nni iti.
12E trasennu ntra la casa, salutati, dicennu: Paci ntra sta casa.
13E si dda casa sarrà digna, la vostra paci vinirrà supra d’ idda: si però nun sarrà digna, la vostra paci riturnirrà supra di vui.
14E qualunqui nun vi ricivirrà , nè sintirrà li vostri palori: niscennu fora di la casa, o di la cità , scutulativi lu purvulazzu di li vostri pedi.
15Vi dicu in viritĂ , ca sarrannu megghiu trattati chiddi di la terra di Sodoma, e di Gomorra lu jornu di lu giudiziu, ca chidda citĂ .
16Eccu ca iu vi mannu comu li pecuri mmenzu di li lupi. Siati dunca prudenti comu li sirpenti, e simplici comu li palummi.
17Guardativi addunca da l’ omini. Giacchì vi darrannu mmanu a li cuncilj, e vi flagellirrannu ntra li soi sinagoghi:
18E sarriti purtati avanti a li guvernaturi, ed a li re pri causa mia pri testimonianza d’ iddi, e di li nazioni.
19Quannu però vi purtirrannu, nun aviti bisognu di pinsari comu, o zoccu dirriti: mentri sapriti ntra chidda ura, zoccu aviti a diri.
20Giacchì nun siti vui, ca parrati, ma lu Spiritu di vostru Patri, chi parra in vui.
21Ora lu frati purtirrĂ a so frati a la morti; lu patri a lu figghiu: e li figghi si rivutirrannu contra li soi parenti, e li purtirrannu a la morti:
22E sarriti odiati da tutti pri lu me nomu: cui però avrà perseveratu sinu a la fini, chistu sarrà salvu.
23Quannu poi sarriti persequitati ntra na cità , fuitivinni ntra nautra. Vi dicu in virità , nun avriti firriatu li citati d’ Isdraeli, ca lu Figghiu di l’ omu sarrà vinutu.
24Nun cc’ è discipulu cchiù di lu mastru, nè servu cchiù di lu so patruni.
25Cci basta a lu discipulu d’ essiri comu lu so mastru: e a lu servu comu lu so patruni. Si avrannu chiamatu lu patruni di la casa Belzebù: quantu cchiù li soi domestici?
26Perciò nun li timiti. Giacchì nudda cosa è cummigghiata, chi nun sarrà rivelata: o occulta, chi nun si vinirrà a sapiri.
27Chiddu, chi vi dicu ntra li tenebri, dicitilu a la luci: e chiddu, chi sintiti a l’ oricchiu, pridicatilu supra li tetti.
28E nun abbiati paura di chiddi, chi ammazzanu lu corpu, giacchì l’ anima nun la ponnu ammazzari: ma cchiuttostu scantativi di chiddu, chi pò fari perdiri l’ anima, e lu corpu ntra l’ infernu.
29Dui passari nun si vinninu pri un dinaru: ed unu d’ iddi nun cadi supra la terra senza la volontà di vostru Patri?
30Ancu li capiddi di la vostra testa sĂą tutti cuntati.
31Nun aviti perciò paura: vuautri siti megghiu di tanti passari.
32Addunca cui m’ avrà ricanusciutu avanti a l’ omini, anch’ iu lu ricanuscirrò avanti a me Patri, ca è ntra li celi:
33Accussì cui mi avrà rinigatu avanti a l’ omini, iu anchi lu rinighirrò avanti a me Patri, ca è ntra li celi.
34Nun vugghiati cridiri, ca iu fussi vinutu a mettiri la paci ’n terra: nun sugnu vinutu a mettiri la paci, ma la spata.
35Giacchì sugnu vinutu pri separari lu patri di lu figghiu, la figghia di la matri, e la nora di la soggira:
36E li nnimici di l’ omu, li soi stissi familiari.
37Cui ama lu patri o la matri cchiù di mia, nun è dignu di mia: e cui ama lu figghiu o la figghia cchiù di mia, nun è dignu di mia.
38E cui nun pigghia la so cruci e mi sequita, nun è dignu di mia.
39Cu’ cerca di sarvari la so vita, la pirdirrà : e cui pirdirrà la so vita pri causa mia, la truvirrà .
40Cui ricivi a vui, ricivi a mia: e cui ricivi a mia, ricivi a chiddu, chi m’ ha mannatu.
41Cui ricivi un profeta comu profeta, ricivirrĂ lu premiu di profeta: e cui ricivi un giustu comu giustu, ricivirrĂ lu premiu di giustu.
42E cui avrà datu sulamenti a biviri ad unu di chisti minimi un biccheri d’ acqua frisca comu a discipulu: in virità vi dicu, nun pirdirrà lu so premiu.
Currently Selected:
Secunnu Matteu 10: SCN
Highlight
Share
Copy
Want to have your highlights saved across all your devices? Sign up or sign in
First published in 1860 and 1861.
