Secunnu Matteu 11
11
1E doppu di ciò, avennu Gesù finutu di ammuniri a li soi dudici discipuli, partiu di ddà pri nsignari, e pridicari ntra li cità d’ iddi.
2Ma Giuvanni avennu ntisu di li carzari l’ operi di Cristu, mannannu dui di li soi discipuli,
3Cci dissi: Sì tu chiddu, chi avi a veniri, o nn’ aspittamu nautru?
4E Gesù rispunnennu cci dissi: Jitivinni, ed annunziati a Giuvanni zoccu aviti ntisu, ed aviti vistu.
5L’ orvi vidinu, li ciunchi caminanu, li libbrusi sunnu munnati, li surdi sentinu, li morti risurginu, li poviri sunnu evancelizzati:
6E beatu è chiddu, chi nun sarrà scannaliatu di mia.
7E chiddi jennusinni, Gesù accuminzau a parrari a li turbi di Giuvanni: Chi jistivu a vidiri ntra lu disertu? na canna sbattuta da lu ventu?
8Ma chi jistivu a vidiri? un omu vistutu sfrazzusamenti? Eccu ca chiddi, chi sù vistuti cu sfrazzu sunnu ntra li casi di li re.
9Ma chi jistivu a vidiri? un profeta? Sì vi dicu, e cchiù chi profeta?
10Giacchì chistu è chiddu, di cui è scrittu: Eccu iu mannu lu mi ancilu avanti la to facci, lu quali preparirrà la to via avanti di tia.
11Vi dicu in virità, fra chiddi, chi sù nati da fimmina nun accumpariu mai unu cchiù granni di Giuvanni Battista: ma lu cchiù minimu ntra lu regnu di li celi, è maggiuri d’ iddu.
12Ma da lu tempu di Giuvanni Battista sinu ad ora, lu regnu di li celi è sfurzatu, e li viulenti si lu rapiscinu.
13Giacchì tutti li profeti, e la liggi ficiru profezia sinu a Giuvanni.
14E si vuliti cumprenniri, iddu è Elia, chi duvia veniri.
15Cui avi oricchi pri sentiri, senta.
16A cui pozzu però assimigghiari chista generazioni? È simili a li picciriddi, chi sidennu ntra la chiazza, gridannu a li soi cumpagni
17Dicinu: Nui vi sunammu, e nun abballastivu: nni lamintammu, e nun chiancistivu.
18Giacchì vinni Giuvanni nè manciannu, nè vivennu, e dicinu: Avi lu dimoniu.
19Vinni lu Figghiu di l’ omu manciannu, e vivennu, e dicinu: Eccu un omu manciuni, e vivituri di vinu, amicu di li pubblicani, e di li piccaturi. E la sapienza è stata giustificata da li soi figghi.
20Allura accuminzau a rimproverari li cità, unni si sunnu operati multi di li soi virtù, ca nun avianu fattu pinitenza.
21Guai a tia, Corozain, guai a tia, Betsaida: giacchì, si in Tiru, e Siduni fussiru stati operati li virtù, chi sunnu stati operati unni vui, da gran tempu avirrianu fattu pinitenza cu ciliziu e cu cinniri.
22Puru iu vi dicu, ca Tiru, e Siduni sarrannu trattati lu jornu di lu giudiziu cu cchiù misiricordia di vuautri.
23E tu, Cafarnau, cridi forsi, ca sarrai esaltata sinu a lu celu? scinnirrai sinu a l’ infernu: giacchì, si ntra Sodoma si fussiru operati li virtù, chi sunnu stati operati unni tia, forsi chi durirrianu sinu a lu presenti jornu.
24Puru iu ti dicu, ca Sodoma sarrà trattata cu cchiù misiricordia lu jornu di lu giudiziu, ca tu.
25Ntra ddu tempu rispunnennu Gesù dissi: Sia gloria a tia Patri, Signuri di lu celu, e di la terra, ca nascunnisti sti cosi a li sapienti ed a li prudenti, e li rivelasti a li picciriddi.
26Accussì è, o Patri: giacchì accussì t’ è piaciutu.
27Ogni cosa m’ è stata data da mi Patri. E nuddu canusciu a lu Figghiu, se non chi lu Patri: nè nuddu canusciu lu Patri, se non chi lu Figghiu, e chiddu, a cu’ lu Figghiu lu vosi rivelari.
28Viniti unni mia, o vui tutti, chi siti travagghiati, ed aggravati, ed iu vi sullivirrò.
29Pigghiativi supra li spaddi lu me jugu, e mparati di mia, ca sugnu mansuetu ed umili di cori: e truvirriti la paci ntra l’ animi vostri.
30Giacchì lu me jugu è suavi, e lu me pisu è leggiu.
Currently Selected:
Secunnu Matteu 11: SCN
Highlight
Share
Copy
Want to have your highlights saved across all your devices? Sign up or sign in
First published in 1860 and 1861.
