Secunnu Matteu 9
9
1E acchianannu ntra la varca, passau a l’ autra ripa, ed arrivau ntra la so citati.
2Ed eccu ca cci presentaru un paraliticu curcatu ntra lu lettu. E vidennu Gesù la fidi d’ iddi, dissi a lu paraliticu: Figghiu, abbi fidi, li toi piccati ti sunnu pirdunati.
3Ed eccu alcuni di li Scribi dissiru ntra d’ iddi: Chistu bestemia.
4Ma Gesù avennu vistu li soi pinseri, dissi: Ora pirchì pinsati a lu mali ntra li vostri cori?
5Chi è cchiù facili di diri: Li toi piccati ti sunnu pirdunati: o puru: Susiti, e camina?
6Ora acciocchì sapissivu, ca lu Figghiu di l’ omu avi ’n terra la potestà di pirdunari li piccati, dissi a lu paraliticu: Susiti, pigghiati lu to lettu, e vattinni a la to casa.
7E si susiu, e si nni jiu a la so casa.
8Li turbi poi vidennu chistu appiru timuri, e glorificaru a Diu, ca avia datu sta potestà a l’ omini.
9E comu passau cchiĂą ddĂ GesĂą, vitti un omu assittatu ntra un vancu, chiamatu Matteu. E cci dissi: Seguimi. E chiddu susennusi lu seguiu.
10E successi, ca essennu iddu assittatu a tavula ntra la casa, eccu ca multi pubblicani e piccaturi vinniru, e s’ assittaru a tavula cu Gesù, e cu li soi discipuli.
11E vidennu chistu li Farisei, dicevanu a li soi discipuli: Pirchì lu vostru Maistru mancia cu li pubblicani e cu li piccaturi?
12E GesĂą sintennulu, dissi: Lu medicu nun servi pri chiddi, chi sĂą boni, ma pri chiddi, chi sĂą malati.
13Jennuvinni perciò sappiati chiddu chi è: Vogghiu misiricordia, e no sagrifiziu. Pirchì nun sugnu vinutu pri chiamari li giusti, ma li piccaturi.
14Allura si cci accustaru li discipuli di Giuvanni, dicennu: Pirchì nui, e li Farisei, dijunamu spissu: e li toi discipuli nun dijunanu?
15E Gesù cci dissi: Ponnu forsi chiddi di lu zitaggiu chianciri, quannu lu spusu è cu iddi? Veni poi lu jornu, ca lu spusu cci sarrà livatu: ed allura dijunirrannu.
16Ora nuddu arripezza un vistitu usatu cu pannu novu: giacchì cci leva la so forza, e lu sfarduni si fa cchiù granni.
17Nè si metti lu vinu novu ntra l’ utri vecchi: vasinnò si rumpinu l’ utri, e lu vinu si jetta, e l’ utri si perdinu. Ma lu vinu novu si metti ntra l’ utri novi, e tutti dui si cunservanu.
18E mentri cci diceva sti cosi, eccu unu di li capi s’ avvicinau, e l’ adorau, dicennu: Signuri, me figghia muriu ora ora: ma veni, metti la to manu supra d’ idda, e campirrà .
19E GesĂą susennusi, lu siquitau cu li soi discipuli.
20Ed eccu na fimmina, chi patia di flussu di sangu da dudici anni, si cci avvicinau di darreri, e cci tuccau la fauda di la vesta.
21Giacchì dicia ntra se stissa: Si cci arrivu a tuccari sulamenti la vesti, sarrò sanata.
22E GesĂą vutannusi, e vidennula, dissi: Abbi fidi, o figghia, la to fidi ti salvau. E da ddu momentu la fimmina fu liberata.
23E quannu GesĂą arrivau ntra la casa di lu capu, e vitti li sunaturi di flautu, e la turba, chi faceva baraunna, diceva.
24Ritirativi: giacchì la picciotta nun è morta, ma dormi. E chiddi lu trizziavanu.
25E comu la turba fu cacciata, trasiu, la pigghiau pri la manu; e la picciotta si susiu.
26E la fama di chistu si spargiu pri tuttu ddu paisi.
27E di poi passannu GesĂą, lu siquitaru dui orvi, gridannu, e dicennu: Abbi pietĂ di nui, o figghiu di Davidi.
28Essennu arrivatu a la casa, l’ orvi s’ avvicinaru ad iddu. E Gesù cci dissi: Criditi, ca chistu vi lu pozzu fari? E cci rispusiru: Certu, Signuri.
29Allura cci tuccau l’ occhi, dicennu: Sia fattu a vuautri secunnu la vostra fidi.
30E l’ occhi di chiddi si graperu: e Gesù l’ amminazzau, dicennu: Nun fazza, ca alcunu lu sapissi.
31Iddi però niscennu, nni spargeru la fama pri tuttu ddu paisi.
32E comu chisti nisceru, eccu cci fu presentatu un mutu, ca era spirdatu.
33E scacciatu lu diavulu, lu mutu parrau, e li turbi si maravigghiaru, dicennu: Mai si vitti na cosa simili in Isdraeli.
34Però li Farisei dicevanu: Caccia li diavuli pri mezzu di lu principi di li dimonj.
35E firriava GesĂą tutti li citati, e li casteddi, nsignannu ntra li soi sinagoghi, e pridicannu lu vancelu di lu regnu, e curannu ogni infirmitĂ , ed ogni malatia.
36Vidennu però li turbi, appi pietati d’ iddi: giacchì eranu stanchi, e jettati comu li pecuri, chi nun hannu pasturi.
37Allura dissi a li soi discipuli: La messi è granni, l’ operarj però sunnu picca.
38Prigati perciò a lu patruni di la raccolta, acciocchì mannassi l’ operarj pri la so messi.
Currently Selected:
Secunnu Matteu 9: SCN
Highlight
Share
Copy
Want to have your highlights saved across all your devices? Sign up or sign in
First published in 1860 and 1861.
