Secunnu Matteu 8
8
1Essennu poi scisu di lu munti, lu seguianu multi turbi:
2Ed eccu chi vinni un libbrusu, e l’ adorau, dicennu: Signuri, si voi, mi poi sanari.
3E stinnennu GesĂą la manu, lu tuccau, dicennucci: Ti vogghiu munnari. E subitu fu munnata la so lebbra.
4E Gesù cci dissi: Guarda, nun lu dirrai a nuddu: ma va, mustrati a lu sacerdoti, ed offricci l’ offerta, chi ordinau Mosè, in ricanuscenza ad iddi.
5Ora comu trasiu a Cafarnau, cci ncugnau un Centuriuni, prigannulu,
6E dicennu: Signuri, lu me garzuni è curcatu in casa paraliticu, ed è turmintatu da li duluri.
7E Gesù cci dissi: Iu vinirrò, e lu curirrò.
8E lu Centuriuni rispunnennu, cci dissi: Signuri, nun sugnu dignu, chi trasissi ntra lu me tettu: ma sulamenti dici una palora, e lu me garzuni sarrĂ sanatu.
9Giacchì iu nun sugnu chi un omu suggettu, avennu sutta di mia surdati, e dicu a chistu: Va, ed iddu va: a chiddu, Veni, ed iddu veni: ed a lu me servu, Fa chistu, ed iddu lu fa.
10E Gesù avennulu ntisu, si maravigghiau, e dissi a chiddi, chi lu siquitavanu: Vi dicu in virità , tanta fidi nun l’ aju truvatu in Isdraeli.
11Ora vi dicu, ca multi vinirrannu d’ orienti, e d’ occidenti, e s’ assittirrannu cu Abramu, ed Isaccu, e Giacobbi ntra lu regnu di li celi:
12E li figghi di lu regnu sarrannu discacciati ntra li tenebri di fora: ddĂ cci sarrĂ chiantu, e zurrichiu di denti.
13E Gesù cci dissi a lu Centuriuni: Va, e comu lu cridisti, accussì sarrà fattu. E lu garzuni fu sanatu ntra chidda ura.
14Poi essennu trasutu GesĂą ntra la casa di Petru, vitti a so soggira curcata cu la frevi:
15E cci tuccau la manu, e la frevi la lassau, e si livau, e li serviu.
16Ora doppu vespiri, cci purtaru multi, ca eranu spirdati: e cu la palora cacciau li spiriti: e tutti chiddi, chi eranu malati li sanau:
17Acciocchì s’ adimpissi chiddu, chi fu dittu da lu profeta Isaia, dicennu: Iddu si pigghiau li nostri nfirmitati: e si misi ncoddu li nostri malatii.
18Ora Gesù vidennusi intornu multi turbi, cumannau, chi si passassi a l’ autra ripa.
19Ed avvicinannusi un scriba, cci dissi: Maistru, ti seguirrò, in qualunqui locu irrai.
20E Gesù cci dissi: Li vulpi hannu li tani, l’ oceddi di lu celu hannu li nidi: ma lu Figghiu di l’ omu nun avi, unni pusari la so testa.
21Poi un autru di li soi discipuli cci dissi: Signuri, permettimi prima di iri a sepelliri a me patri.
22Gesu però cci dissi: Veni appressu a mia, e lassa, chi li morti sepellissiru li soi morti.
23Ed essennu acchianatu ntra la varca, li soi discipuli lu siquitaru:
24Ed eccu un gran muvimentu, chi si fici ntra lu mari, in modu chi la varca era cummigghiata da l’ unni: iddu però durmia.
25E li soi discipuli si cci accustaru, e l’ arrispigghiaru, dicennucci: Signuri, salvanni, ca nn’ annigamu.
26E Gesù cci dissi: Pirchì vi scantati, genti di poca fidi? Allura susennusi, cumannau a li venti ed a lu mari, e si fici gran bunazza.
27Perciò la genti si maravigghiau, dicennu: Cu’ è chistu, ca lu mari e li venti l’ obbediscinu?
28E comu arrivau a l’ autra ripa ntra lu paisi di li Geraseni, cci vinniru ncontru dui spirdati, chi niscianu di li monumenti, feroci assai, di modu ca nuddu puteva passari pri dda via.
29Ed eccu ca gridaru, dicennu: Chi cc’ è ntra nui, e tia, Gesù figghiu di Diu? Vinisti ccà pri turmintarinni avanti lu tempu?
30Ora cc’ era nun luntanu da iddi una mandra di tanti porci, chi pascevanu.
31E li dimonj lu prigavanu, dicennucci: Si nni cacci di ccĂ , mannanni ntra dda mandra di porci.
32E cci dissi: Vaiti. Ed iddi niscennu traseru ntra li porci, ed eccu ca tutta dda mandra di porci cu impetu si pricipitau ntra lu mari: e mureru ntra l’ acqui.
33E li mandrari fujeru: e jennu a la citati, raccuntaru tutti sti cosi, e di chiddi chi, avevanu li dimonj.
34Ed eccu ca tutta la citati nisciu a ncuntrari a GesĂą: ed avennulu vistu lu prigaru di irisinni da li soi confini.
Currently Selected:
Secunnu Matteu 8: SCN
Highlight
Share
Copy
Want to have your highlights saved across all your devices? Sign up or sign in
First published in 1860 and 1861.
