Ra Vei Hira Yarisula 15
15
NA SOPENA 15.
1Valura tajua tesumai me Jutia, tepise ra uluo, teaso, Vai otosatavetali pala Moses moaso, otosajolo.
2Tau Paul me Parnapas teralalaa vahatari valuira, teaso Paul me Parnapas me valura hira, tesisahe me Jerusalem me ra Varisula me ra Varie suria na sanu naa.
3Ra uluo telaho valuira taiti, telaho tali Venisi me Sameria, tevarai suri na perehe hira lolopohitupu: telavi na ejieji tahajia me ra uluo.
4Hisa temalua me Jerusalem, ra uluo hi Iesu, ra Varisula, ra varie tepasuara, tevaraira ra sanu vunuvunu Atua movera valuira.
5Maa valura tajua ra Varisi terohoroho, temalua, teaso, Tesiroho na leo hauhaua hi Moses.
6Ra Varisula me ra Varie tehuhurahi sura asoaso suri na sanu naa.
7Tau teaso tavere, Piter momaraha, moaso mera, Tajua me Tuahau, otooinisi susuhi me na esa Atua molavi tuheau sura ra lolopohitupu teroho na Leo tahonai hina vavau, me terohoroho.
8Atua, mopinisi na lolora vunuvunu, moaso tahonai surira, morahu na Talumena Tapu mera pala ta meja.
9Movera palaija, movera lolora tevoe hina rohoroho.
10Sura sava otovei Atua mo-lolohahara, suria otojuri na sanu pupuheti me na jalora uluo, na sanu ra tamaja, hije mono tosapinisa palae.
11Motaharahu suria na tahonai hi Iesu, pilaja Varese, hije palaira tojolo.
12Natuha na vau motoho tamautu. Teroroho Parnapas me Paul isei teralalaa ra sanu uloulo me ra matamata Atua movera suri rarua me ra lolopohitupu.
13Tau teralalaa vunu, Jemes molalaa, moaso, “Tajua me Tuahau, otorohoau.
14Simeon movaraija paleve Atua momalua majiha me ra lolopohitupu sura lavituhe hire na tanoho mosipilana.
15Ra leo hira provet teaso palahi, veae teaso.
16Tau naa ataliliu, asari pa tatea na pea hina Lotu hi Tevit, mojovi; asari pa tatea ra sanu majajal aiaurahae.
17Sura ra valura tajua tetiro na Moli, ra lolopohitupu mono, isei teore me na hiseu, moaso na Moli.
18Isei movera sanu naa vunuvunu, mopinisira me na esa.
19Suria aninima tosatoni ra sanu hauhaua me ra lolopohitupu isei tetaha-perehera me Atua.
20Maa touli mera, tesatieli ra sanu hira popora, tesaveiveileo, tesahani ra sanu tahamauri telihoe, na jae mono.
21Suria Moses, tuitui me na esa, ra tajua me ra vanua vunuvunu telalaa suria, tievi suria me na sapat vunuvunu.”
22Natuha ra Varisula, ra Varie, ra uluo hi Iesu temeje na sula ra tajua hire me Antiok valui Paul me Parnapas; telavi Jutas (na valuna hisena Parsapas) me Sailus, varese hira Tuahara:
23Telavi na pepe naa— “Ra Varisula me ra Tuahara, ra varese hma Lotu tesulara aso tahonai me ra Tuahara hira lolopohitupu me Antiok, me Siria, me Silisia.
24Suria teroho valura tajua hije tevei amiu otomamahanu suri ra leo, tetahaperehera talumemiu, teaso, Otositavetali, otosivei na Leo hauhaua; Tosaaso paleeno.
25Toninima motahonai, —tohuhurahi na loloja motea, —tosulara tajua, isei tolavira, ta me amiu valui Parnapas me Paul isei tomejeira.
26Vahatari terahu ra sera mauri suri na hisei Moli lesu Kristo.
27Suria tosula Jutas me Sailus isei tevarai amiu pa ra sanu naa hina jihora.
28Suria motahonai me na Talume Tapu, meja mono, tosavei amiu otovuetira.
29Ototena tieli na visihona terahu ta na popora, na jae, ra sanu tahamauri tilihora, na veiveileo mono. Vai otosavera sanu naa, otovei tahonai. Oro.”
30Tesulara tajua, telavi na pepe naa me na rio, tesumai me Antiok: hisa ra uluo vunuvunu tehuhurahi, terahu na pepe ta mera.
31Hisa teevia, teejieji suria.
32Jutas me Sailus, teraprovet mono, teralalaa me ra Tuahara me na leo ra tari, teravera tehauhaua.
33Tau tetohoae taiti, tesulara tetaliliu me na tamautu, valui ra leo tahonai hira Tuahara, me ra tajua tesulara.
35Paul me Parnapas teratoho me Antiok, terapise, teralalaa na Leo Tahonai hina Moli, ra tajua ra tari tetuiturituararua.
36Tau valarani Paul moaso me Parnapas, Motahonai aralaho, arareni ra tuahaja me ra vanua vunuvunu veae aralalaa na Leo hi Atua, arareni paleve temauri.
37Parnapas momeje lavi valuia Jon mono, na valuna hisena Mark,
38Maa Paul moninima moso na lavia suria morovo turera me Pamvilia, mosalaho valuirarua me na varao.
39Na lolorarua terahahara, motea molaho nonoho, motea molaho nonoho; suria Parnapas molavi Mark, mohapani me Saiprus.
40Paul molavi Sailus, molaho, majiha ra Tuahara tematapise me Atua motuiturituae.
41Morovo tali Siria me Silisia, movera uluo tehau-haua me na rohoroho.
Currently Selected:
Ra Vei Hira Yarisula 15: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
