Ra Vei Hira Yarisula 14
14
NA SOPENA 14.
1Imalua me Aikonium teraruhusahamai me na pea hina lotu hira Ju, teraaso suria ra tajua Ju me ra tajua Kris ra tari terohorohora.
2Maa ra tajua Ju tesarohoroho tevei ra lolopohitupu na lolora tehahara, me tevera teninima oso suri ra uluo hi Iesu.
3Suria Paul me Parnapas teratoho rusiae, teraaso hauhaua hi na Moli, isei motuituritua na Leo me na sena hauhaua, morahu ra matamata me ra varaotahajia surira.
4Maa na lolora vau hina vanua terua: valura temeje ra Ju, valura temeje ra Varisula.
5Hisa ra lolopohitupu me ra Ju me ra varese hira tetapusi veioso mera, me tepipira.
6Tepinisia, terovo me Listra me Terpe, ra vanua hi Laikonia me ra vonae taitalia mono.
7Natuha telalaa na Leo tahonai.
8Tajua motea hi Listra tomosihe me na rio, na ena moso, mopalea me na rani momalua majiha, mine mosalaholaho.
9Moroho Paul molalaa, moriopeturi mea, mopinisi morohoroho sura vea mohauhaua.
10Moaso pati, “Oimaraha me na em.” Molijeraha, molaholaho.
11Hisa ra tanoho terena sanu Paul movea, teaso pati me na loei Laikonium, “Ra sari tesumai meja, pala tajua.”
12Tejuri Parnapas Jupiter: me Paul tejuria Merkuri suria movaerese hina lalaa.
13Natuha na prist hi Jupiter hina Majaraha, molavi ra pullok, ra virana hau me ra riohouli, temeje na suli ra sanu tahamauri hira sari.
14Hisa ra Varisula Parnapas me Paul terarohoe, tejejeri na visivisira, terarovo taitali ra tajua,
15“Tuaja, sura sava otovei na sanu naa? Amamarua aratajua pala amiu, aralavi na Leo Tahonai sura ototahaperehe amiu ture ra sanu tahamuha me Atua mauri, isei motai na masau, na ulu, na tasi, ra sanu vunuvunu tomotohoara.
16Mine mosahorohorora lolopohitupu tevera sanu temejeira.
17Maa mosajomuture na rahu ta meja, me ra sanu tahonai movera, na sanu movaraija suria, morahu ta meja na usa hina tailahi, na heliheli, na haja mota-vere, na ejieji mono.”
18Teraaso palahi, maa taroroi tera-sa-horohorora telotu merarua.
19Ra valura Ju hi Antiok me Aikonium temaluaae, isei tau tevarai ra tajua motahonai tepipi Paul, telavi tuhea me na vanua, teninima momate.
20Maa, hisa ra uluo hi Iesu teturi taitalia, motamaraha, moruhusahamai me na vanua: na novi maa molaho valui Parnapas me Terpe.
21Tau teralalaa me na vanua natuha, ra uluo hi Iesu tetavere, terataliliu me Listra, me Aikonium, me Antiok.
22Tevera talumera uluo hi Iesu tehauhaua, tevaraira tetitoho me na rohoroho, terapisera tosiruhusahamai me na vonae Atua me ra mamahanu ra tari.
23Tau tevei valura tajua te-varese hina Lotu me na Pea hina Lotu Vunuvunu, tematapisi, tesahani, terahu hire me Atua isei terohoroho.
24Tau telaho tali Pisitia, temalua me Pamvilia.
25Tau telalaa na Leo me Perka, tesumai me Attalia:
26Natuha teoo na hapani me Antiok: natuha tematapisi mine sura pilara varao suri Atua, mosori naano.
27Hisa temalua, telavi ra uluo hi Iesu tehuhurahi, tevaraira ra sanu vunuvunu Atua moyei valuira; paleve mopalahai na tilihoro hina rohoroho me ra lolopohitupu.
28Tetitoho rusiae valui ra uluo hi Iesu.
Currently Selected:
Ra Vei Hira Yarisula 14: TLM9109
Highlight
Share
Copy

Want to have your highlights saved across all your devices? Sign up or sign in
This is a historic text maintained by the British and Foreign Bible Society.