Ra Vei Hira Yarisula 16
16
NASOPENA 16.
1Natuha momalua me Terpe me Listra; na uluo hi Iesu natuha, na hisena Timote, matuna hajae na Ju; morohoroho me Iesu; tamana na tajua Kris.
2Ra uluo hi Iesu me Listra me Aikonium teaso tahonai suria.
3Paul momeje molaho valuia: molavia motavetalia suria ra Ju me na vonae natuha, suria hire vunuvunu tepinisi na tamana na tajua Kris.
4Hisa telaho me ra vanua, terahu ta mera na pepe hira Varisula me ra Varie me na pea hina Lotu me Jerusalem.
5Palea ra uluo hi Iesu tehauhaua me na rohoroho, na rani vunuvunu tetemaraha.
6Hisa tesori me laho tali me Vrijia me Kaletia, na Talume Tapu mohorohorora telalaa na leo me Esia.
7Tau temalua me Maisia, temeje vano me Pitinia, maa na Talume Tapu mohorohorora.
8Tejivi Maisia, tesumai me Troas.
9Na navuriorio momalua me Paul me na pohi; na tajua hi Masitonia moturi, motuhae, “Oisumai me Masitonia, oituiturituaja.”
10Tau moreni na navuriorio, tetapusi vano me Masitonia, teninima hauhaua Atua moorera sura lalaa na leo tahonai ta mera.
11Suria tehapani me Troas, temalua me na rio taha-holo me Samotresia, valarani me Neapolis;
12Me na vanua natuha me Vilipai, na majihana vanua hina motina natuha hi Masitonia, na vanua hira tajua Romu, totoho me na vanua natuha valarani.
13Me na sapat toruhusivo me na vanua taroroi me na pei, veae tuitui tematapisi; tosihe, toaso mera hajae tesumaiae. Suria teaso palea, mohajirira me na lolona peas, oolaho, majiha rak otoitnritoae ne Sisia, moveraiilm
14Na hajae, na hisena Littia, movoli na ruru heja, hi na vanua Taiataira, molotu me Atua, morohoja. Atua movei na lolona motahonai, moroho ra sanu vunuvunu Paul moaso.
15Hisa mopaptais, ra tajua hina peana mono, momeje totoho valuia. Moaso, “Vai oininima arohoroho taharahu me na Moli, oisumai me na peau, oratohoae.” Moveja tovea.
16Momalua hisa tovano sura matapisi, topasu na hajae uluo, na talumena moaso ra sanu temalua pa, ra varese hina telavi na sule ra tari sura aso hina.
17Molaho tahu Paul, tahuja mono, moaso pati, Ra tajua naa te-tahavarao hi Atua tahajia, isei mopiseja na rio hina jolo ahia: molavia lii rooae natuba, suna kliananatajoas oia, terabo ta mera na: ane me na pea hina
18Movei na sanu naa vahatari. Maa Paul mojomia, motahaperehea, moaso me na talumena, “Avaraiho me na hisei Iesu Kristo oiruhusivo mea.” Mo-varihi-ruhusivo.
19Hisa ra varese hina tepinisi tesori na lavi na sule suria, telavi Paul me Sailus me na vonae hina volivoli me ra varese,
20Telavira me ra moli, teaso, “Ra tajua naa, ra Ju, tevei na vanuaja moso.
21Tepiseja ra sanu moso torohora, moso tovera, suria hije ra tajua Romu.”
22Na vau tepuripuri hire; ra moli tejejeri ra visivisira, tevaraira temarasira.
23Tau temarasira tavere, tehajirira me na pea hina hajihajirira, tevarai na tajua tahamata momata susuhira.
24Suria teaso palea, mohajirira me na lolona pea, mohajirira era me na hau.
25Na livuhana pohi Paul me Sailus teramatapisi, teraaviavi me Atua; ra valura tajua me na pea terohorarua.
26Vileahi na mui tahajia momalua, na pea hina hajihajirira mojiejie: vileahi ra tilihoro vunuvunu temapelaha, ra asi hira vunuvunu temanure.
27Na tajua tahamata moriorio, morena tilihoro temapelaha, molavi na pilana jimi tahaparavu sura tapuna veimeteia, suria moninima ra tajua terovo.
28Maa Paul moaso pati: Oitena tapum jimiho; hije vunuvunu totoho naano.
29Moore sura pula, molijeraha, momaherehere, mojovi tasivo me na pahoi Paul me Sailus.
30Molavi tuhera, moaso, “Aivei na sava sura ajolo?”
31Teraaso, “Oirohoroho me Iesu Kristo, Oijolo pa, ra tajua hina peam mono.”
32Teravaraia na leo hina Moli, me ra tajua vunuvunu me na peana mono.
33Na klok mopalea molavira, morasi ra vonana maja: mo-varihi-paptais, inie, ra uluo hina mono.
34Natuha molavirarua me na peana, morahu hararua, moejieji, morohoroho me Atua, ra uluo hina mono.
35Me na malaha ra moli tesulara tahamata, teaso, “Otojuri ra tajua natuha telaho.”
36Na tahamata movarai Paul, Ra moli teaso “Oralaho: suria oralaho, oralaho tamautu.”
37Maa Paul moaso mera, “Telosija, tesarohoja, hije tajua hi Romu; tehajirija me na pea: sura sava temeje na sulaja tolaho punu? Aue. Ra moli tesi-sumai, tesijurija.”
38Ra tahamata tevarai ra ieo naa me ra moli; teine hisa teroho tera-tajua hi Romu.
39Tesumai, tetuhara vahatari, telavituherarua, tetu-hararua teralaho me na vanua.
40Teraruhusivo me na pea hina hajihajirira, teraruhusahamai me na peai Littia: tau terareni ra Tuahara, teraumara, teralaho.
Currently Selected:
Ra Vei Hira Yarisula 16: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
