LUKUS, NOPUKU AFASAO SORE, 23.
NOPUKU AFASAO SORE, 23.
1MA acre iotshi nifetacina nimasike, ma niarafia aia ia Pailet.
2Ma acre neikamata keifasosa iateia, nokoutucua, acime neicitia tatane nei nikarasia tagata o niome fanua, ma neitucuasana tagata keitufwa amone ia Sisar, nokoutucua pe aia Ko Kristo tasi Teriki.
3Ma Pailet nifakouia aia, nokoutucua, Akoi ta Teriki o tagata o Juteia mo jimra? Ma aia nifasao ia aia ma neitucua, Akoi koutucua aia.
4Ma Pailet neitucua ia ta sore fatoriki tapu ma tagata fetacina iai, avou secitiamana mogane safii ia tenei tane.
5Kaia acre nifasao sore su, nokoutucua, aia karasia tagata, nokofakairo tagata ia iotshi fanua o Juteia, ma neikamata ia Calili ma komai ia tenei none.
6Kaia wamuri Pailet neirogono afasao ra, aia nifakowia acre pe aia, tatane o Calili mo?
7Ma wamuri aia neirogona pe aia tatane o tafanua o Herot, aia nikouna aia ia Herot, ma aia neinofo ia Jerusalem i anopoge ra.
8¶ Ma Herot nibisa keicitia Iesu, ianenei aia keremoa keicitia aia anopoge ituai, ianenei aia neirogona anea nalupai o aia, ma aia keremoa keicitia ane tasi sore neimna ia aia.
9Ma aia nifakowia aia ia afasao o ane nalupai, kaia Iesu sefasao iateia.
10Ma ta sore fatoriki tapu ma fakou serea tatapuria kotu ma fasosa mukei o aia.
11Herot ma niana tagata o tatowa nifakamana aia, ma nitaka aia ia tumega erefisa, ma nikouna aia foci ia Pailet.
12Ma Herot ma Pailet alofa hepe aneli ia tera nopoge, ma mokagi ra acrawa feimacua tasi ma tasi foci o acrawa.
13¶ Ma pailet nifetacina fatoriki tapu o tafare sore mori ma fakou sore o tagata,
14Ma neitucua iacre, acoua niarafia iatovou tenei tane, hepe tasi karasia tagata; ma koucitia, avou nakofakouia aia o anera, mokagi acoua, ma secitiamana ane isa ia tane nei o acreiotshi ane acoua neitucua o aia;
15Foci Herot secitiamana ane isa ia aia, ma aia nikouna aia foci iacime, ma koucitia aia seneima ane tasi kiioria ia ta mate.
16Ianenei avou katshi aia, ma eivetea aia.
17Ma aia neivetea iacre ia tacripoga tera tasi tane nifousia ia tafare mukei.
18Kaia acre iotshi nitapa palo, nokoutucua, Touwaki tenei tane, ma eivetea iacime Barabas;
19Aia tasi ia fiatu ia ta umrai, ma nitaia mate, acre nitouwaki aia ia tafere mukei,
20Ma Pailet nifasao iacre foci, nokerimoa keivetea Iesu.
21Kaia acre nikavaro nokoutucua, Tucia, tucia aia, ia tererakou fakaravasia.
22Ma aia neitucua acre fakatoru, Tiaha, taha magane isa aia neimna? Avou secitiamana ane tasi ia aia keitaia aia mate iateia; ianenei avou katshi aia ia toura ma eivetea aia.
23Kaia meloua acre nitapa ia anoreo palo, nikofakowia pe katucia aia ia tererakou fakaravasia. Ma niare anoreo ma anoreo o fatoriki tapu nitomatua iateia.
24Ma Pailet neitucua pe taha acre nifakowia nakamna.
25Ma aia neivetea aia neiteuwaki ia tafare mukei ioria niana fiatu ma nitaia mate, aia acre nifakowia; kaia Iesu aia neitufwa iacre hepe acre nifakowia.
26Ma hepe acre niarafia aia watafa acre nipurutshia tasi Saimone o Sairini aia nokomai ia tagarakou. ma acre neinagi ia aia ta fakaravasia keiamoga aia wamuri Iesu.
27¶ Ma niroro wamuri aia tagata nalupai su, ma o fafine acre nitagi ma nimakuru aia.
28Kaia Iesu nitafuri iacre ma neitucua, anofine o Jerusalem setagi ia avou, koia tagi ia acoua ma niaua erecriki.
29Ma kacitia anopoge nokomai, ia acre tagata katucua erefisa kagi afine kopo, ma acre afine sefarere, ma anou sekumea tou.
30I anopogera acre neikamata keituoua ia aora, Koto ia acime, ma ia aora sisi, Tumea acime.
31Ma pe acre imna aneara ia terarakou wiwi, taha acre kamna ia ta meru?
32Ma iai erua faci fakou nimaganisa acre niarafia ia aia keimna komati.
33Ma wamuri acre nimai ia ta none nitapa aia Kalvery, iai acre neitucia aia ia tererakau fakaravasia, ma ta erua tagata nimganisa, tasi ia tshana norima matou, ma tasi ia ta norima masui.
34¶ Ma Iesu neitucua, Tata touwaki nori niare maganisa, ma acre sekero taha acre emna.
35Ma nitorou iai niana amega iacre, acre neimna aloti iateia, Ma tagata nikotu nokoucitia, ma fatoriki nifakamana ia aia, nokoutucua, Aia nipare afaruke, erefia aia kopare aia, pe tenei ta Kristo o Atua, tshana acitiafakarafia.
36Ma fakou o tatoua foci nifakamana aia, nokomai iateia ma nikavatu aia venecer, ma nokoutucua,
37Pe akoi ta Tereki o tagata o Juteia kapare akoi.
38Ma iai tatapuria neinage iluga tshana nouru, TENEI TA TERIKI O TAGATA O JUTEIA.
39¶ Ma tasi o acrawa tatane isa neitucua ia tererakou fakaravasia nifasosa ia aia, nokoutucua, Akoi ta Kristo mo? kapare akoi ma acimaua.
40Kaia ta foci neisaciria aia nokoutucua, Tiaha akoi sekumtacu Atua, nokoucitia akoi nofo ia ta ioria hepera?
41Ma ioria tshamaua totonu o magane tshamaua, kaia tenei tane semaganisa.
42Ma aia neitucua Iesu, mentua avou ia taha nopoge akoi komai ia tshou vaka.
43Ma aia neitucua iateia, Tamari avou koutucua iatakoi, Iranei akoi kanofo ia avou ia Paradis.
44Ma itata ta our seks nimai, ta pouri tasi nimai iai nofo iafanua iotshi ma neinofo ia ta our nein.
45Te merama o tara jemra, ma ta mega touria pofna ia tafare mori sore neifasia ia aroto.
46¶ Ma wamuri Iesu nitapa ia noreo palo, aia neitucua, Tata ia tshou arima avou tufwa tshaku nokano, ma wamuri aia neitucua afasao ra, aia neitufwa iluga ta nokano.
47Ma wamuri ta Senturio neicitia taha neimna, aia nibisa ia Atua, nokoutucua, Tamari tane nei nimagane totonu.
48Ma iotshi tagata nifetacina keicitia tenei, wamuri acre neicitia anea mane neimna, nitafuri nokotucia niare afatfata.
49Ma iotshi tagata nikeiro aia, ma afine niroro wamuri nifeke fanua Calili, nikotu papai, nokoucitia ane iotshi ra.
50¶ Ma tasi tane neigo nitapa Josef, aia tasi o fatoriki, tatane erefia ma magane totonu;
51Aia sekoutucua erefia magane o acre sore ia tshi komate Iesu, Aia tatane o Arimathia, tasi tumrai sore o tagata o Juteia, ma aia nikosara ta nokomai o ta vaka o Atua.
52Tenei tane nifano ia Pailet ma neinogeia keitufwa aia ta noaga o Iesu.
53Ma aia niamweifo aia, ma nitakaia aia ia ta tumega o lenen, ma neinage aia ia tasi tupunaga nisawa ia tase fatu sore, ia aia setanumea tasi tatane mokagi ra.
54Ma aia ta nopoge o penpena ane iotshi, ma ta nopoge tapu koitata.
55Ma afine nimai wamuri aia ia fanua Calili, niroro wamuri, ma neicitia ta tupunaga, ma neicitia acre neinagi tshana notshino iai.
56Ma acre nitafuri, ma neipenpena ane namu erefisa ma avai iamosia, ma ia ta nopoge tapu acre nigapu hepe afakairo tatapuria tapu.
Currently Selected:
LUKUS, NOPUKU AFASAO SORE, 23.: ANT
Highlight
Share
Copy
Want to have your highlights saved across all your devices? Sign up or sign in