LUKUS, NOPUKU AFASAO SORE, 22.
NOPUKU AFASAO SORE, 22.
1I ANOPOGE ra ta tacripoga o bret ist jimra i aia ko itata, ko tapa aia ta Paska.
2Ma fakou tapu o tafare mori ma fakou serea ma fakairo tatapuria nifatshigeia pe acre keitshi aia keimate; kaia acre nimtacu tagata.
3Ma Satana nifano ia ta roto o Jutas nitapa tatane o Kariot, aia tasi o ta twelv.
4Ma aia nifano ma nifasao ia fakou tapu sore ma fakou sore o tagata, pe aia tufwa ia kareresia aia iacre.
5Ma acre nibisa ma neitucua mukei aia keitufwa aia ioria o mone iateia.
6Ma aia neitucua iacre erefia, ma aia nifatshigeia pe aia keitufwa aia iacre ianaia tagata nifetacina iateia jimra.
7¶ Iai nimai ta nopoge o tacripoga o bret leven jimra ia aia, ia nopoge tera acre ta paska neitshi mate ia takavari.
8Ma aia nikouna Pitrus ma Joanes, nokoutucua, Roro ma penpena iacitia ta paska, pe acitia makeina.
9Ma acrawa neitucua iateia. Wehe akoi acitiafakarafia acimaua penpena aia?
10Ma aia neitucua iacraua, Koucitia wamuri akorua roro ta umrai sore, iai akorua kafapa tasi tane, aia amoga tasi taganea o tavai, ma ia ta fare aia fano roro wamuri aia.
11Ma akorua katucua ia tatane sore o ta fare ra, Ta Teriki koutucua iatakoi, Wehe arotopa o tafare, ia aia avou kakeina ta paska ia tshaku tagata avou fakairo?
12Ma aia karafia akorua ia tasi arotopa sore iluga neipenpena iateia; penpena ta paska ia aia.
13Ma acraua niroro, ma neicitia iotshi hepe aia neitucua iacraua; ma acroua neipenpena ta paska.
14Ma inaia ta our nimai, aia neinofo, ma ta twelv apostolo ia aia.
15Ma aia neitucua iacre, ia keremoa avou keremoa keina tenei paska ia acoua mokagi avou katshice;
16Ma avou koutucua iacoua, avou sekeina foci o aia ia taha nopoge aia kurava ia tavaka o Atua.
17Ma aia niamo ta kup, Ma wamuri aia nimori, aia neitucua, Amo tenei ma terouiai tenei ia acoua,
18Ma avou koutucua iacoua, Avou senumea foci o ta vai o avaini ia taha nopoge ta vaka o Atua kamai.
19¶ Ma aia niamo bret, ma wamuri aia nimori, aia eifasia aia, ma neitufwa iacre, nokoutucua, Tenei ko tshaku notshino, aia ko eifasia iacouia; tenei acoua emna keimentua avou.
20Ma foci ta kup hepra wamuri akai fiafi, nokoutucua, Tenei kup ko ta fou rakamna morea o tafasao erefia ia tshaku toto, aia komerigi ma acoua.
21Kaia koucitia, ta norima o aia pe kofakareresia avou ko ia avou ia ta fata.
22Ma ta mari ta Nontariki o tagata kofano, hepe mokagi neitucua o aia, kaia kawe ia tatane ra kofakareresia aia.
23Ma acre neikamata keifakowia acre tasi ma foci, akai o acre emna ane nei.
24¶ Ma acre nifiatu i acre, akai o acre kanofo ta sore su.
25Kaia aia neitucua iacre, Fatoriki o tagata o fanua pouri imna magane o niare fatoriki, ma acre nofo sore o acre nitapa karofa acre.
26Kaia acoua sekamagane hepra; kaia erefia aia ko sore su o acoua, erefia aia konofo hepe ta murioufi, ma aia ko teriki, hepe aia pe vere o afetshicou.
27Ma akai kosore, aia konofo ia akai mo aia pe kovere o afitshicou? ko aia konofo akai mo? kaia avou nokonofo ia acoua hepe aia kovere o ta fetshicou.
28Kaia acoua acre neinofo ia avou ia tshaku akarasia.
29Ma avou nagi iacoua tasi tavaka, hepe tshaku Tata nakatufwa iatavou.
30Pe acoua kakeina ma numea ia avou ia tshaku tafata ia tshaku tavaka; ma kanofo ia athron nokoutucua ioria o tagata o ta twelv afoga o Isreil.
31¶ Ma ta Teriki neitucua, Saimona, Saimona, Koucitia, Satana nikeiremoa keiamo akoi pe aia ruruia akoi hepe awit;
32Kaia avou nimori pe tshou fakarogrogo sefeke akoi, ma vere akoi, wamuri akoi kotafuri foci keisitu emna tshou anoso tomatua.
33Ma aia neitucua iateia, Teriki ia akoi avou kofekana meloua keifano ia tafare muke, ma ia tamate.
34Ma aia neitucua, avou koutucua iatakoi, Pitrus, tatane moa sekoko tenei nopoge, mokagi akoi fakatoru kavatea akoi puspusi avou.
35Ma aia neitucua iacre, Ia nopogera avou nikowna acoua, ma acoua seamo akato o mone, mo akai, mo ashu, niaua anea jimra mo? ma acre neitucua, jimra.
36Ma aia neitucua iacre, aia pe tshaha kata o mone nofo, erefia aia amo aia, ma foci akato o akai, ma aia pe tshana tomatshira palo jimra, erefia aia fakamata tasi ia tshna mega iluga.
37Ma avou koutucua iacoua, pe tenei koserea komai ia avou, ma acre taua aia ia tagata nimaganisa, ma pe ane iotshi neiserea o avou ko itata kurava.
38Ma acre neitucua iateia Teriki koucitia ko erua tomatshira palo, ma aia neitucua iacre, Acrawa nalupai.
39¶ Ma aia nimai watafa ma nifano, hepe tshana magane anopoge ia ta ora o Aoliv, ma tshana tagata aia nifakairo niroro wamuri aia.
40Ma wamuri aia nimai ia ta none, aia neitucua iacre, Mori acoua pe acoua seroro ia karasia.
41Ma aia nifeke iacre hepe ia none tshiria tasi fatu iai, ma aia nifakaturi unturi iai ma nimori.
42Tata pe tshou fenagaro mugaro iateia, amke tenei kup ia avou; kaia jimra taha avou acitiafakarafia, kaia hepe akoi keremoa.
43Iai aia neicitia ta agelo o taragi nokotufwa aia tomatua.
44Ma tshana roto nimy sore su, aia nimori fakamukei, ma tshana kavakava nimai hepe sore aturu o toto nikoto ia takere.
45Ma wamuri aia nimasike ia tshana mori kurava, aia nimai ia tagata aia nifakairo, ma neicitia acre nokomero ia arotorea nimy.
46Ma neitucua iacre, Tiaha acoua mero? Masike Ma Mori, pe acoua seroro ia ia karasia.
47¶ Ma hepe aia nifasao ra, neicitia, tagata nalupai, ma aia nitapa neigo Jutas, tasi o ta twelv nifano mokagi acre, ma aia nimai itata Iesu keisogi aia.
49Iai acre nifori aia neicitia taha nokomai wamurira, acre neitucua, Teriki acime kasawa acre ia tomatshira palo?
50¶ Ma tasi o acre nisawa ta fetshicou o teriki tapu sore, ma nisawace tshana terega matou.
51Kaia Iesu nifasao ma neitucua, Natshicina acoua. Ma aia nitofia tshana nontarega ma penpena aia erefia.
52Ma Iesu neitucua ia fatoriki tapu, ma fatoriki o tafare mori ma fakou sore nimai keipurutshia aia, Tiaha acoua koromai hepe keipurutshia tatane tshigo, ia atomatshira palo ma atokotoko?
53I anopoge avou neinofo iacoua ia ta sore tafare mori, acoua sepurutshia avou ia aremori, kaia tenei niaua our, ma ta tomatua o apouri.
54¶ Ma acre nipurutshia aia, ma niarafia aia ia ta fare o ta sore tatane tapu. Kaia Pitrus nimai wamuri aia papai su.
55Ma wamuri acre nitafuna tiafi ia aroto o ta retu sore o tafare, ma nifetacina neinofo iateia, Pitrus neinofo ia aroto o acre.
56Ma tasi fine sisi neicitia aia hepe aia neinofo ia ta merama o ta tiafi, ma nokoucitia ia aia mukei, neitucua tenei tane ma tasi o acre nofo ia aia.
57Kaia aia neivetea, nokoutucua, Fafine avou sekeiro aia.
58Ma wamurira sisi, tasi foci neicitia aia ma neitucua, Akoi ma tasi o acre. Kaia Pitrus neitucua, Tatane avou jimra.
59Ma wamuri tasi our nisiri tasi foci neitucua mukei, nokoutucua, Tamari tenei tane neinofo ia aia; ma aia tasi tatane o Calili.
60Kaia Pitrus neitucua Tane avou sekeiro taha akoi koutucua, ma meloua hepe aia nifasao tamoa nikoko.
61Ma ta Teriki sirasira Pitrus. Ma Pitrus nimentua ta fasao o ta Teriki, pe aia neitucua iateia, Mokagi ta moa koko tenei nopoge, akoi kavetea avou fakatoru.
62Ma aia nifano efuafo ma nitagi sore su.
63¶ Ma fakou nepurutshia Iesu nifakamana aia, ma niferpacia aia.
64Ma acre nifousia tumega kofori nipofna tshana foimata, ma nifakouia aia, nikoutucua, koutucua hepe aprofeta, akai neitshi akoi?
65Ma i anea foci nalupa acre nifasosa o aia, nifakamana isa aia.
66Ma hepe merama o ta popo nimai, nifetacina fakou sore o tagata, ma fatoriki o tafare mori, ma fakou serea ma fakairo tatapuria, ma acre niarafia aia ia niare fare o afasao, nokoutucua,
67Pe akoi ta Kristo koutucua acime? kaia aia neitucua, pe avou koutucua iacoua sefakarogrogo;
68Ma pe avou koutucua acoua, acoua sefasao.
69Kaia iotshi atou wamuri nei ta Nontariki o tagata kanofo ia norima matou o tomatoa o Atua.
70Ma acre iotshi neitucua, Akoi ta Nontariki o Atua mo jimra? Ma aia neitucua iacre, Acoua koutucua pe avou aia.
71Ma acre neitucua, Tiaha acime fatshigeia faru foci tagata nokotamou o aia? Ma acime nifakarogona tshana fasao.
Currently Selected:
LUKUS, NOPUKU AFASAO SORE, 22.: ANT
Highlight
Share
Copy
Want to have your highlights saved across all your devices? Sign up or sign in