LUKUS, NOPUKU AFASAO SORE, 21.
NOPUKU AFASAO SORE, 21.
1MA aia nifakatariaga, ma neicitia acre fakou niare outa sore keinagi niare mone takavari ia ta tupurerakou o mone.
2Ma aia neicitia tasi fine nofo ana tshana nonwane nimate neinagi iai erua mone sisi.
3Ma aia neitucua, Tamari avou koutucua iacoua, Tenei fine tshana outa jimra, ma tshona nonwane nimate, neinagi sore kage acre iotshi.
4Ma acre iotshi o niare outa nalupai neinage faru niare amone takavari neitufwa ia Atua, kaia aia ia tshana outa jimra neinagi iotshi tshana mone, hepe iotshi tshana akoi.
5¶ Ma hepe faru nifasao o tafare mori sore, pe aia erefisa ia afatu sore erefisa ma ia anea takavari, aia neitucua,
6Ane iotshi ra acoua koucitia, anopoge kamai, ia acre jimra tasi tafatu kanofo iluga tasi foci, pe jimra sekatouwaki iraro.
7Ma acre nifakouia aia, nokoutucua, Teriki fakairo inaia ane iotshi ra kamai? Ma taha kacitia ia taha nopoge ane otshi ra itata nokomai?
8Ma aia neitucua, Fatshigeia pe tagata sekarasia acoua; ma nalupai komai ia tshaku neigo, nokoutucua, Avon aia, ma ta nopoge ko itata seroro acoua wamuri acre.
9Ma taha nopoge acoua fakarogona o atoua ma afiatu, sekumtacu acoua, ma ane iotshira komai mokagi, kaia ta nopoge wamuri sekomai meloua.
10Wamurira aia neitucua iacre, Nofoga tagata kamasike fiatu nofoga, ma tavaka fiatu tavaka;
11Ma amahuke sore kamai, ma ia afanua nalupai akai o tagata kabune, ma amace isa sore, ma anea emna tagata kumtacu sore, ma anea sore neicitia ia taragi.
12Kaia mokagi ane iotshira, acre kapurutshia acoua, ma kasewa acoua, ma katufwa acoua ia acre o afare mori, ma afare mukei, nokotorotshia acoua mokagi fatoriki ma fakou sore i niare feimacoua o acoua acitiafakarafia avou.
13Ma anera katafuri iacoua keifakairo acre.
14Ianenei nagi mukei tenei ia arotoua, jimra keimentua mokag taha katucua iacre;
15Ma avou katufwa iacoua afasao ma arapakou, aia iotshi tagata feimacoua acoua kotaru ioria ma fiatu.
16Kaia acoua kafakareresia ia tamou ma nou, ma ia anoso, ma ia anele, ma ia niaua tagata, ma faru acona acre tshi keimate.
17Ma tagatotshi kafeimacoua acoua ia niaua acitiafakarafia o tshaku neigo.
18Ma jimra tasi foiuru o niaua nouru kakotu.
19Ia niaua merino acoua kapurutshia nokopare niaua anokano.
20Ma ia nopoge acoua kacitia tagata o tatoua nokofori Jerusalem ia ta nopogera keiro tshana takaroiai sore ko itata.
21Ia tera nopoge erefia acre nofo ia Juteia fura ia aora, ma erefia acre konofo ia aroto o aia feke watafa, ma erefia acre nofo ia fanua kofori seroro ia aia.
22Ma anopogera kai ioria acre, pe aneiotshi neisereace kamai hepra neiserea.
23Kaia kawe iacre foinai ma iacre tufwa tentama kumea tou ia anopogera! Ma sore amy komai ma nofo iafanua, ma sore fakainina ia tenei tagata.
24Ma kasawa acre koto ia nonemtakai o tomatshira palo, ma katarotshia acre i afanua iotshi papai; ma Jerusalem katakumea iraro ia fakou o iafanua pouri, ia anopoge o tagata o iafanua pouri kurava.
25Ma iai kamai anea sore kacitia ia tara, ma ia tumrama, ma ia afatú, ma ia iafanua kamy sore ia arotorea o avaka, ma kamtacu sore su, ia ta nokovaro o tatai, ma apiau.
26Fakou nokomatese ia kumtacu, ma ia fenagaro nokoucitia anea mane nokomai ia tagata o iafanua, ma atomatua o ta ataragi kavirviri,
27Ma ia taha nopoge ra acre kacitia ta Nontariki o tagata nokomai ia ta apa ia tomatua, ma kosore noneate.
28Ma ia taha nopoge ane iotshira neikamata kamai, fakatareaga, ma tshicitshia iluga niaua anouru, ianei niaua ioria kapare ko itata.
29Ma aia nifasao iacre tasi fakatagasia, Koucitia ta tsharupe ma iotshi tererakou;
30Ia taha nopoge acre kotuptupu ma nofateke, acoua koucitia acre ma keiro anopoge erefia iateia ko iata.
31Hepa ma, ia nopoge acoua kacitia anera nokomai, keiro acoua pe ta vaka o Atua ko itata.
32Tamari avou koutucua iacoua, Tagata fatupunei melounei seroro ia mate mokagi ane iotshi ra komai.
33Taragi ma iafanua wararonei karoroce; kaia tshaku fasao seroroce.
34¶ Kaia fatshigeia niaua magane, pe niaua aroto semy ia akai sore, ma avai kona, ma ia anea mane sore o fanua nei, ma ta nopoge ra komai mokagi acoua kopenpena iateia.
35Ma hepe ta tasi meloua ta nopoge ra kamai ia tagatshi pe konofo i afanua wararonei.
36Kaia fatshigeia acoua nopoge ma nopoge, ma segapu nokomori pe acoua kapare ane iotshi ra kamai, ma keikotu mokagi ta Nontariki o tagata.
37Ma ia tiau o nopoge iotshi aia nifakairo ia ta fare mori sore, ma ia tupo iotshi aia nifano watafa ma neinofo ia ta ora neitapa aia ta ora o Olivi.
38Ma iotshi tagata nimai iateia ia tapopo ana ia tafare mori sore keirogona aia.
Currently Selected:
LUKUS, NOPUKU AFASAO SORE, 21.: ANT
Highlight
Share
Copy
Want to have your highlights saved across all your devices? Sign up or sign in