LUKUS, NOPUKU AFASAO SORE, 20.
NOPUKU AFASAO SORE, 20.
1ANE nei nimai, ia nopoge tasi hepe aia nifakairo tagata ia ta fare mori sore, ma nokova tafasao erefia iacre, nimate iateia fatoriki o fakou tapu, ma fakou serea ma fakairo tatapuria, ma fakou sore;
2Acre nifasao neitucua iateia, Koutucua iacime, Akai nikouna akoi keimna ane iotshi ra? Ma akai tufwa akoi tenei tomatua?
3Aia nifasao ma neitucage iacre, Avou foci fakowia acoua tasi ane; ma koutucua iatavou;
4Ta baptiso o Joanes, nimai ia taragi, mo nimai o tagata?
5Ma acre nifasao ia acre, nokoutucua, Pe acime katucua, Ia taragi, aia katucua, Tiaha acoua sefakarogrogo aia?
6Kaia pe acime katucua, Ia tagata; iotshi tagata katuctucia acime ia afatu, ma acre nikeiro tamari pe Joanes tasi profeta.
7Ma acre nifasao pe acre sekeiro wehe aia nimai.
8Ma Iesu neitucua iacre, Ma avou sekoutucua iacoua akai neitufwa avou tomatua keimna ane iotshi ra.
9Ma aia neikamata keifasao ia tagata tenei fakatagasia; Tasi tatane nipopra tasi vere o avaini, ma neinage aia ia fakou keifatshigeia aia ma tufwa aia ioria o aia, ma nifano ia fanua papai nopoge nalupai.
10Ma ia tumrama avaini nikoleu, aia nikouna ia fakou ra o avere tasi o niana fetshicou, pe acre tufwa aia o ta nohua o ta vere o avaini, kaia fakou vere ia tavere neitshi aia, ma nikowna aia setufwa anohua ia teriki.
11Ma aia nikouna tasi foci fetshicou, ma acre neitshi ma nitakaroiai aia, ma nikowna aia setufwa nohua ia teriki.
12Ma aia foci nikowna fakatoru fetshicou, ma aia acre nisawa ma nitouwaki watafa.
13Wamurira ta teriki o tavere o avaini neitucua, Taha avou kamna? Avou kawna tshaku acitiafakarafia nontariki, pe acre makalofa aia.
14Kaia inaia fakou vere ia avaini neicitia aia, acre nifasao tasi ia tasi foci, nokoutucua, Tenei ta nontariki, ita acitia kotaia aia mate pe ta vere acime kapurutshia tshome.
15Ma acre nitouwaki aia watafa ta vere o avaini, ma neitshi aia mate, Taha ianenei teriki o avere o avaini kamna iacre.
16Aia kamai ma keitakaroiai acre fakou o tavere, ma katufwa ta vere o avaini ia faru foci fakou. Ma wamuri acre neirogona afasao ra, acre neitucua Atua neitucuasana ra.
17Kaia aia neicitia acre ma neitucua, Konapecua taha tenei pe ko serea, Ta fatu acre nifakatapuria tafare nitouwaki aia ko nage ia ta nunturi fare iluga iotshi?
18Iotshi tagata pe kotu iluga tenei fatu eifasia aia ia nopitopito, kaia ia acre iotshi tafatu kakotu, aia kamanonona aia ia tefu.
19Ma fakou serea ma fakairo tatapuria, ma fatoriki o fakou tapu nifatshigeia keipurutshia aia our ra, kaia acre nimtacu tagata, ma acre nimentua aia nifasao tenei fakatagasia o niare Magane.
20Ma acre nifatshigeia aia, ma nikouna tagata keifatshigeia aia, acre nifakamana pe acre maganerefia, pe acre nipurutshia aia ia tshanafasao, pe ia aia acre tufwa aia ia ta tomatua o ta teriki.
21Ma acre nifakouia aia nokoutucua, Teriki acime keiro pe akoi koutucua ma fakairo totonu, ma sekumtacu tagata, kaia tamari fakairo ta fasao o Atua:
22Ko erefia acitia keitufwa ta mone ia Sisar mo jimra?
23Kaia aia nikeiro niare roto erua, ma naitucua iacre.
24Amai iatavou tasi pene, avou kacitia aia. Tsha akai noata ma tatapuria nofo ia aia? Ma acre neitucua tsha Sisar.
25Ma aia neitucua iacre, tufwa Sisar anea mane o Sisar, ma ia Atua anea mane tsha Atua.
26Ma acre taru kepurutshia aia ia tshanafasao mokagi tagata, ma acre nimasaro sore ia tshanafasao, ma sefasao foci.
27Ma nimai iateia faru o Asatusi, acre neitucua tagata mate semasike foci, ma acre nifakouia aia,
28Nokoutucua, Teriki Moses neiserea iacime, Pe ta noso tsha tane tase komate, ma tshana nanahune nofo ana ma tshana erecriki jimra, erefia tshana noso arafia ta nanahune nofo ana, ma amo erecriki ia tshana noso.
29Ma fitu anoso neinofo; ma aia fakatasi niavaga tasi nananune, ma aia nimate tshana erecriki jimra.
30Ma ta fakarua, ma fakatoru niavaga aia, ma nimate niarawa erecriki jimra.
31Ma hepera foci acreiotshi ta fitu niavaga aia, ma niare erecriki nijimra, ma acre nimate.
32Wamurira ta fine ma nimate.
33Ia ta nopoge tagata kamasike ia ta mate ianenei aia nanahune o akai o acre? ma ta fitu niarafia aia niare nanahune.
34Ma Iesu neitucua iacre, anontariki o tenei fanua wararonei kovaga ma keitufwa ia fakavageina;
35Kaia acre neipenpena erefia keitufwa iacre ta fanua ra, ma ia ta masike foci o tagata nimate seniavaga ma setufwa ia fakavageina;
36Ma acre semate foci; ma acre ko hepe ta agelo, ma acre anontariki o Atua, nokonofo iai anontariki o ta masike ia tamate.
37Kaia keiro pe tagata mate komasike, Moses nifakairo ia tererakou, ia ta nopoge aia nitapa ta Teriki ta Atua o Ebraham, Ma ta Atua o Aisak, Ma ta Atua o Jekob.
38Ma aia kojimra ta Atua o acre nimate, kaia o acre mouri, ma acitiotshi mouri ia aia.
39¶ Ma faru fakou serea ma fakairo tatapuria nokofasao neitucua iateia, Teriki akoi neitucua erefia.
40Ma wamurira acre nimtacu fakouia aia ane foci.
41Ma aia neitucua iacre, Tiaha acre neitucua ta Kristo ko ta nontariki o Tevit?
42Ma Tevit neitucua ia tatapuria tapu o asalm, Ta teriki neitucua ia tshaku Teriki, nofo akou ia tshaku norima matou.
43Ia taha nopoge avou emna iotshi feimacoua akoi nofo iraro tshou novai.
44Tevit ia afasao nei nitapa aia Teriki, pecua tiaha aia tshana Nontariki
45Ma ia fakarogona o iotshi tagata aia neitucua ia niana fakou aia nifakairo.
46Fatshigeia fakou serea ma fakairo tatapuria, acre keremoa keiroro ia umega palo, ma acitiafakarafia tagata alofa acre ia emerai, ma afata iluga sore ia afare mori, ma anone erefisa ia acripoga.
47Acre takaroiai afare o afine nofo ana niare nonwane nimate, ma ia karasia mori palo; acre kamo sore ioria niare maganisa.
Currently Selected:
LUKUS, NOPUKU AFASAO SORE, 20.: ANT
Highlight
Share
Copy
Want to have your highlights saved across all your devices? Sign up or sign in