LUKUS, NOPUKU AFASAO SORE, 24.
NOPUKU AFASAO SORE, 24.
1KAIA ia ta nopoge fakatasi o ta wik, ia ta popo ana, acre nimai ia ta tupunaga, niamomai anea neinamu acre neipenpena, ma faru foci ia acre.
2Ma acre neicitia ta fatu nifurusiace ia ta tupunaga.
3Ma acre niroro ia aia ma secitiamana ta notshino o ta Teriki Iesu,
4Ane nei nimai, arotorea nimy ma nimasaro, acre neicitia erua atane nikotu itata acre, nitaka ia noneate umega;
5Ma hepe acre nimtacu ma nimori foimatorea ia takere, acrawa neitucua iacre, Tiaha acoua fakasara aia komouri ia acre nimate?
6Aia ko jimra ecunei, aia komasike, mentua tshana fasao iacoua ia ta nopoge aia neinofo iacoua ia Calili,
7Nokoutucua pe ta Nontariki o tagata nakatufwa ia anorima o tagata isa, ma tucia ia tererakou fakaravasia, ma ia nopoge fakatoru masike foci.
8Ma acre nimentua tshanafasao.
9Ma nitafuri ia tupunaga, ma neitucua ane iotshi ra ia ta eleven tagata iai nifakairo, ma ia iotshi tagata.
10Ma acre Mery Mactalini, ma Joana, ma Mery ta nana o Jemes, ma faru foci afine ia acre neitucua ane iotshira ia ta apostolo.
11Ma acre neirogona afasao ra hepe afasao ane, ma acre sefakarogrogo acre hepe tamari.
12Kai Pitrus nimasike ma nitere ia ta tupunaga ma nimomoi ma nokosarasara watakoro, aia neicita umega lenen nofo ana, ma aia nifeke ia tshana fare, nokomasaro ia anea nimai.
13¶ Ma erua o acre niroro ia tera nopoge ia tumrai tasi neigo Emeus aia nofo etata seven meil papa ia Jerusalem.
14Ma acrawa nifasao o ane iotshi nimai.
15Ma ane nei nimai, hepe acrawa nifasao ma nifakouia ia acrawa, pe Iesu aia nimai ia acrawa, ma nifano ia acrawa.
16Kaia foimatarawa secitia erefia pe acrawa sekeiro aia.
17Ma aia neitucua iacrawa, Taha afasao ra akorua nakatucua ia akorua, hepe akorua roro? Ma hepe arotaua tagi.
18Ma tasi o acrawa neigo kleopas nokofasao ma neitucua iateia, konapecua akoi ana nofo ia Jerusalem ma sekeiro anea nimai iai ia anopoge ra?
19Ma aia neitucua iacrawa. Taha anea? Ma acrawa neitucua iateia, anea o Jesu o Nasareth, aia ta profeta tomatua sore ia avere ma afasao mokagi Atua ma tagatotshi;
20Ma ta magane o ta fatoriki tapu ma fatoriki o tagata neitufwa aia keitaia aia ia ta mate, ma keitucia aia ia terarakou fakaravasia.
21Kaia acime neinanacina pe aia nimai neipare tagata o Israel. Keini ma wamuri ane iotshi ra, iranei nopoge toru wamuri anea iotshi ra neimna.
22Ma faru afene o acime neimna acime keimasaro, ia ta popo ana acre niroro ia ta tupunaga;
23Ma wamnri acre secitiamana tshana notshino acre nimai nokoutucua pe acre neicitia faru agelo ma acre neitucua aia komouri.
24Ma faru o acre neinofo ia acime niroro ia ta tupunaga, ma neicitia iotshi hepe afine neitucua, kaia acre secitiamana aia.
25Ma aia neitucua iacrawa, Kai fakou koukali, ma taru ia arotoua keifakarogrogo ia ane iotshi aprofeta nakafasao.
26Erefia mo jimra pe ta Kristo nimy ia aneiotshi ra, ma keifano ia ta sore tshana?
27Ma aia neikamata ia Moses ma ia iotshi aprofeta wamuri, aia nifakairo acrawa nokano o ane iotshi neiserea ia tatapuria tapu o aia.
28Ma acratou niroro itata ta tumra acre niroro ia aia, ma aia hepe aia nokofano ia tasi foci.
29Ma acrawa nifakowia aia mukei, nokoutucua, konofo ia acimawa; ma aia koiteta fiafi, ma ta nopoge koitata kurava. Ma aia nifano efare keinofo ia acrawa.
30Ma ane nei nimai, aia neinofo ia acrawa ia akai, aia niamo ta bret, ma nimori iateia, ma eifasia ma neitufwa aia ia acrawa.
31Ma foimatarawa nitshiki, ma acrowa nikeiro aia, ma aia nifura foimatarawa secitiamana aia.
32Ma tasi neitucua ia ta tasi foci, konapecua tshamawa aroto nikoura ia acimawa mo, inaia aia nifasao ia acimawa ia taretu, ma hepe aia nifakairo acimawa nokano o ta fasao tapu hepe aia neiserea?
33Ma acrawa nimasike ia tera our, ma nikuafe ia Jerusalem, ma neicitia ta eleven nifetacina ia none tasi, ma iotshi o acre neinofo ia acre.
34Nokoutucua, Ta Teriki ko nimasike tamari, ma Saimona nakacitia aia.
35Ma acrawa neitucua anea nimai ia ta teretu, ma ia ta eifasia o aofa acrawa nikeiro aia.
36¶ Ma hepe acrawa nifasao ane iotshi ra, aia nikotu ia aroto o acre, ma neitucua iacre, merino konofa iacoua.
37Kaia acre nimtacu sore su, ma mentua acre neicitia tasi nokano.
38Ma aia neitucua iacre, Tiaha acoua kumtacu? Ma tiaha afasao o fenagaroua konoce ia arotoua?
39Koucitia tshaku arima ma tshaku avai, pe aia ko avou ana; purutshia avou, ma koucitia, ma tasi nokano, seamo konouri ma aneivi acoua koucitia avou nakamo.
40Ma wamuri aia neitucua ra, aia nifakariace acre tshane anorima ma anovai.
41Ma wamura acre sefakarogrogo ia nibisa, ma nimasaro, aia neitucua iacre, acoua nakamo icunei ane keina mo jimra?
42Acre neitufwa aia nopito o tasi eika neituna,
43Aia niamo aia, ma nikeina mokagi acre.
44Ma aia neitucua iacre, Acre tsha ku afasao avou neitucua ia nopoge avou neinofo ia acoua, pe ane iotshi makamai hepe neiserea ia ta fasao tapu o Moses, ma ta aprofeta, ma ia asam o avou.
45Wamurira aia nitshiki niare fenagaro, pe acre makeiro afasao tapu neiserea.
46Ma aia neitucua iacre. Tenei neiserea pe ta Kristo nitaia mate, ma masike foci ia tagata nimate ia nopoge fakatoru.
47Ma pe tagi, natshicina, ma feimacoua amaganisa ia towaki nori amaganisa keikova ia tagata o iafanua iotshi, neikamata ia Jerusalem.
48Acoua anokotamousa neicitia ma koutucua mori ane iotshira.
49¶ Ma avou kouna ia acoua ta fatshipoge o tshaku Tata, kaia tari acoua ia ta tumrai sore Jerusalem ia taha nopoge aia katufwa iacoua tomatua ia iluga.
50¶ Ma aia niarafia acre watafa niroro itata Jeriko, ma aia tshicitshia iluga tshana arima, ma nifasao erefia iacre.
51Ane nei nimai hepe aia nifasao, erefia iacre, aia nifeka acre, aia tshicitshia kace ia taragi.
52Ma acre nimori aia, ma kuafe ia Jerusalem ia nibisa sore;
53Ma acre neinofo nopoge ma nopoge ia ta fare sore o ta mori, fasao ia nokobisa ia Atua. Amen.
Currently Selected:
LUKUS, NOPUKU AFASAO SORE, 24.: ANT
Highlight
Share
Copy
Want to have your highlights saved across all your devices? Sign up or sign in