Sakalia 2
2
Tio o le tagata e too ia le va fua
1Na tagaki loa oku mata, o tio, ti ko leinei, na i ai se tagata leia na too ia i lona lima se va fua. 2Na kau pati loa : Pe ke ano kifea ? Ti na pati mai loa a ia : E kau ano o fua Selusalemi, ke tioi pe fia le loa mo le lau lasi ala e tonu ke maua e ia. 3Ti ko leinei, na fakafeofi mai loa kiate au le aselo leia na masau mo au, ti na au loa se tasi ake aselo o fakafelavei mai kiate ia. 4Ti na pati loa a ia ki le aselo leia na au : Makape o masau ki le tama lena, o pati : E liliu loa Selusalemi ko se kolo mavaa, o tupu ko le api o tagata mo manu ala e nonofo loa i ai ; 5Ti na pati loa le Eteleno : E kau liliu loa kiate ia ko se kaua afi i lona takatakai katoa, ti e kau liliu loa ko lona kololia i loto malie o ona.
Kololia o Selusalemi i le temi ka au
6Kotou sosola, kotou sosola i le fenua o le noleto !
E pati le Eteleno :
Talie na kau fakamavetevete koutou ki potupotu e fa o le lagi,
E pati le Eteleno.
7Ke ke sola, Sione,
A koe leia e nofo i le fale o le taine o Papilone !
8Talie e folafola le Eteleno o kau tau, o pati :
I le sili o le nea lena, e au loa le kololia !
Na kakau e ia a au ki puleaga ala na fakamativa ia koutou ;
Talie ko leia e fafa kia koutou e fafa ki le tiloga o le mata o le Eteleno.
9Ko leinei, e kau siki loku lima ki atu puleaga,
Ti e lotou liliu loa ko le nea kai a latou ala na popula kia latou.
Ti e kotou iloa loa ko le Eteleno o kau tau leia na kakau ia au.
10Taine o Sione,
Ke ke fai ni kalaga fakafiafia ti ke ke nekenekea !
Talie ko leinei, e kau au, ti e kau nofo loa i loto malie o ou,
E pati le Eteleno.
11I le aso lena e api loa a puleaga ala e pipiki loa ki le Eteleno,
Ti e liliu loa ko loku kakai.
E kau nofo loa i loto malie o ou,
Ti e ke iloa loa na kakau mai au kiate koe e le Eteleno o kau tau.
12E maua loa e le Eteleno a Suta ko lona vaega
I le kele maokioki,
Ti e toe filifili loa e ia Selusalemi.
13Ke fakalologo kakai fuli i mua o le Eteleno !
Talie kua ala a ia o au mei lona nofoaga maokioki.
Currently Selected:
Sakalia 2: FB2000
Highlight
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020
