Luk Mukenye
Mukenye
Luku Edwɛkpa ne kile kɛ Gyisɛse a le Yizilayɛma nee aleɛabo amra amuala Dievolɛ ne mɔɔ bɛvale bɛbɔle ɛwɔkɛ la. Luku kile kɛ Awulae Sunsum ne yɛɛ vɛlɛle Gyisɛse kɛ “ɔraha Edwɛkpa ne ɔhile menli mɔɔ ɛhyia la a.” Edwɛkpa ɛhye anu yɛɛ menli kɔsɔɔti nee bɛ ɛhyianlɛdeɛ ngakyile muala anwo nzuzulɛ wɔ a. Anyelielɛ wɔ Luku Edwɛkpa ne anu kpalɛ, bɔbɔ wɔ ye mgbakyelɛ ne mɔ mɔɔ lumua la anu, ɛleka mɔɔ ka Gyisɛse ɛralɛ nwo edwɛkɛ, nee adwulaleɛ ne, mɔɔ Gyisɛse kɔ anwuma la. Ahenle mɔɔ hɛlɛle buluku ɛhye la, ɔdaye a eza ɔhɛlɛle Kelaese ɛdoavolɛma diedi ne ɛnyinlɛ nee ye ɛdɛlɛlɛ nwo edwɛkɛ ne wɔ Ɛzoanvolɛma Gyima buluku ne anu a.
Ye mgbakyelɛ nwiɔ (2) nee nsia (6) ne foa ko bie (nea ngyehyɛlɛ ne mɔɔ doa zolɛ la) le debie mɔɔ Edwɛkpa ɛhye anu ala a bɛnwu bɛ a. Bie mɔ a le Nyamenle soanvolɛma edwɛne ne nee mboaneneavolɛma mɔɔ rakpɔlale Gyisɛse wɔ mekɛ mɔɔ bɛwole ye la, Gyisɛse ɛhɔlɛ mɔɔ ɔhɔle Ɛzonlenlɛ Sua ne anu wɔ mekɛ mɔɔ ɔle kpavolɛ egyegyebaa la, Samɛleanli Kpalɛ ne nee Ralɛ Nrenya ne mɔɔ minlinle la mrɛlɛbulɛ ne mɔ. Wɔ Edwɛkpa ne anu, asɔne ɛyɛlɛ, Sunsum Nwuanzanwuanza ne, mraalɛ gyinlabelɛ wɔ Gyisɛse gyima ne ɛyɛlɛ nu, yɛɛ ɛtane mɔɔ Nyamenle fa kyɛ la le edwɛkɛ mɔɔ ɔka ɔsi zolɛ kpalɛ a.
Mɔɔ wɔ nu la
Ngilenu 1.1-4
Dwɔn Sɔnevolɛ ne nee Gyisɛse bɛ awolɛ nee bɛ ngakula nu 1.5—2.52
Dwɔn Sɔnevolɛ ne gyimayɛlɛ 3.1-20
Gyisɛse ɛzɔnenlɛ nee ye sɔnea 3.21—4.13
Gyisɛse bagua nu gyimayɛlɛ wɔ Galeli 4.14—9.50
Gyisɛse vi Galeli kɔ Gyɛlusalɛm 9.51—19.27
Dapɛne ne mɔɔ li amozi wɔ Gyɛlusalɛm nee ye ngameɛ ngameɛ 19.28—23.56
Awulae Ewudwazo ne, ɔ nwo mɔɔ ɔyele ɔhilele nee ye anwumahɔlɛ 24.1-53
Currently Selected:
Luk Mukenye: NB
Highlight
Share
Copy
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.