Mɔl 20
20
Ebileham nee Abemɛlɛke
1Ebileham vi ɛleka mɔɔ ɔde la ɔhɔle Keena nyiakɛ na ɔhɔdɛnlanle Keedɛhye nee Hyulu avinli, eza ɔhɔdɛnlanle Gilaa. 2#Mɔl 12.13; 26.7 Na Ebileham zele kɛ, “Sɛla le me diema raalɛ.” Yemɔti Gilaa Belemgbunli Abemɛlɛke zoanle manle bɛhɔvale Sɛla bɛrale ye sua nu. 3Na Nyamenle rahanle Abemɛlɛke ɛlalɛ kɛ, “Nea, raalɛ ne mɔɔ wɔhɔva ye la ati, wɔwu wɔwie; ɔluakɛ ɔle awie aye.”
4Ɛnee Abemɛlɛke ɛtɛfale ɔ sa ɛtɛkanle ye, yemɔti ɔzɛlɛle kɛ, “Awulae, menze nwolɛ bie na mmaku yɛ. 5Ɔdaye nrenya ne yɛɛ ɔhanle ɔhilele me kɛ ɔ diema raalɛ a, yɛɛ ɔdaye raalɛ ne ɔdole zolɛ kɛ ɔ diema nrenya ɔ. Me ti anu wienyi, yɛɛ metɛfale me sa metɛkanle ye.”
6Na Nyamenle buale ye kɛ, “Meze kɛ ɛ ti anu wienyi, yɛɛ medame yɛɛ menzɔle wɔ mɔɔ wɔannyia adenle wɔanyɛ ɛtane wɔantia me a, yemɔti a meammaa wɔanva ɛ sa wɔanga ye a. 7Yemɔti fa nrenya ne aye ne kɔmaa ye. Ɔle Nyamenle kpɔmanvolɛ, ɔbazɛlɛ yeamaa wɔ, na wɔanyia ngoane. Na saa wɔanva raalɛ ne wɔangɔ a, ɛnee nwu ye kɛ ɛdawɔ nee wɔ menli ne kɔsɔɔti bawu.”
8Yemɔti Abemɛlɛke dwazole nwonlomɔ mangyee ne ala na ɔvɛlɛle ye sonvolɛma ne amuala na ɔhanle edwɛkɛ ne amuala ɔhilele bɛ. Na ɛzulolɛ hanle menli ne mɔ. 9Akee Abemɛlɛke vɛlɛle Ebileham na ɔbizale ye kɛ, “Duzu debie a wɔva wɔyɛ yɛ la? Duzu ɛtane yɛɛ meyɛ metia wɔ, mɔɔ wɔva munzule kpole ɛhye wɔra me nee me maanlema anwo zo a? Wɔyɛ mɔɔ bɛnyɛ la wɔmaa me. 10Duzu a ɛnee ɛlɛdwenle nwolɛ mɔɔ yemɔti ɛyɛle deɛ ɛhye a?”
11Ebileham buale kɛ, “Menyɛle ye zɔhane, ɔboalekɛ ɛnee medwenle kɛ ɛke amra ɛnzulo Nyamenle fee, na me ye ati bɛkɛhu me. 12Yeanga ye zɔhane, nɔhalɛ, eza ɔle me diema. Ɔle me ze ara raalɛ, na me nee ye ɛnvi ɛkolɛ ko anu, yɛɛ ɔrayɛle me ye a. 13Mekɛ mɔɔ Nyamenle maanle mendule egya sua nu kɛ menlɔ nu la, menganle mengilele ye kɛ, ‘Ɔwɔ kɛ ɛyɛ nyɛleɛ ɛhye ɛmaa me; ɛleka biala mɔɔ yɛkɛhɔ la, ka kɛ ɛ diema nrenya a le me.’ ”
14Akee Abemɛlɛke vale mboane, nlankɛ, yɛɛ ahanra mrenya nee mraalɛ manle Ebileham, na ɔvale ɔ ye Sɛla ɔmanle ye. 15Abemɛlɛke zele Ebileham kɛ, “Nea, me azɛlɛ ne a ɛ nye dua ye la; tɛnla ɛleka biala mɔɔ ɛkulo la.” 16Akee ɔzele Sɛla kɛ, “Nea, meva dwɛtɛ fufule ngoko apenle memaa ɛ diema nrenya ne. Ɔle wɔ ɛbialɛ ezukoa kɛ ɛnli fɔlɛ, na ɛdi benle wɔ awie biala anyunlu.”
17-18Ɔlua mɔɔ Abemɛlɛke yɛle la ati, Ɛdɛnkɛma manle Abemɛlɛke aye nee ye sonvolɛ mraalɛ mɔɔ wɔ sua nu ɛkɛ ne la amuala pɛle awolɛ. Na Ebileham zɛlɛle Nyamenle manle Abemɛlɛke. Na Nyamenle yɛle Abemɛlɛke nee ɔ ye ayile na eza ɔyɛle sonvolɛ mraalɛ mɔɔ wɔ sua nu ɛkɛ ne la ayile, ɔmanle bɛ awolɛ dukuele.
Currently Selected:
Mɔl 20: NB
Highlight
Share
Copy
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.
