Marko 9

1Ni ekē̱ame̱ ake̱: Le̱le̱ṅ, mīkē̱nye ake̱: Meikomei ye̱ mei ní damo bie̱ ne̱ ateṅ, ní ame̱saṅ ame̱nä gbĕle ke̱-yaši beyino ni ame̱ana Nyoṅmo̱ maṅtše̱yeli le̱ ake̱ ēba ye̱ hewale̱ mli.

(9,2-13. Mat. 17,1-13. Luk. 9,28-36.)

2Ni no se̱ gbĩĩ ekpa le̱ Iesu ṅõ Petro ke̱ Iakobo ke̱ Iohane, ni eke̱ame̱ ke̱ke̱ te goṅ ni kwo̱ ko no̱ ye̱ afã bãnē; ni esu tšake ye̱ ame̱hĩe.

3Ni etadei le̱ kpé̱, ni eyé̱ futafuta boni niiahefo̱lo̱ ko be̱ šikpoṅ ne̱ no̱ ni aanyẽ aha eyé̱ nakai.

4Ni Elia ke̱ Mose dšĩe ame̱he kpo ame̱tšõame̱, ni ame̱ke̱ Iesu bawie.

5Ni Petro here no̱ ni ekē̱ Iesu ake̱: Rabi, ehĩ hawo̱ ake̱ wo̱o̱hĩ bie̱; ni hã wo̱fe bui etẽ, onõ ekome, ke̱ Mose nõ ekome, ke̱ Elia nõ ekome.

6Ši elee noni ekē̱o̱; edšake̱ ame̱dšidšā.

7Ni atatu bakete ame̱no̱, ni gbē ko dše̱ atatu le̱ mli kē̱: *Mone̱ dši misuomo̱bi le̱, nyeboale̱ toi! *1,11. 2 Pet. 1,17.

8Ni amrõ le̱, beni ame̱kwe̱o̱ ame̱he le̱, ame̱naa mokomoko doṅṅ, ake̱ dša Iesu ke̱ ame̱ ke̱ke̱.

9Ši beni ame̱kplekeo̱ goṅ le̱, etſa ame̱nā mã ake̱ ame̱kagba moko nii ni ame̱na le̱, dša gbomobi le̱ ete ši ke̱-dše̱ gbohĩĩ ateṅ dã. 8,30.

10Ni ame̱ṅõ wiemo̱ ne̱ ame̱to ame̱yiṅ, ni ame̱bibī ame̱he ake̱: Té šitē ke̱ gbohĩĩ ateṅ dšē̱ ne̱ šišiṅ?

11Ni ame̱bile̱ ake̱: Té tēṅ ní woloṅmalo̱i le̱ kē̱o̱ ake̱ dša Elia eba dã le̱?

12Ni eto he ekē̱ame̱ ake̱: *Elia mība dã le̱le̱ṅ, ni ebato nii fẽ gbe̱dšĩano̱ ekoṅ. Ši té tēṅ ní †aṅmã ye̱ gbomobi le̱ he ake̱ eena amanehũlũ pī, ni aagbe ehe guo̱ le̱? *Mal. 3,23. †Ies 53,8.

13Ši *mīkē̱nye ake̱: Elia éba momo, ni asaṅ ame̱fele̱ nofẽno ní ame̱sumoo̱, take̱ boni †aṅmã ye̱ ehewo̱ le̱. *Mat. 11,14. †1 Maṅ. 19,2. 10.

(11-29. Mat. 17,14-21. Luk. 9,37-42.)

14Ni beni ame̱baše̱ ekaselo̱i le̱ aṅõ le̱, ame̱na mei pī ye̱ ame̱he, ke̱ woloṅmãlo̱i le̱ ni ame̱mībibī ame̱he nii.

15Ni amrõ ní asafo le̱ fẽ nale̱ le̱, efeame̱ nākpe̱, ni ame̱ša foi ke̱-ba eṅõ ame̱baflale̱.

16Ni ebi woloṅmãlo̱i le̱ ake̱: Meni nyebibīo̱ame̱?

17Ni mei le̱ ateṅ mokome herele̱ ne̱ ni ekē̱: Tšõlo̱, mike̱ mibinū ni mumo̱ mumui yo̱ emli ba oṅõ.

18Ni hefẽhe ní emõo̱le̱ ye̱ le̱, etšie̱le̱ etſaä ši, ni enā kwẽo̱ afũi, ni ekpeo̱ enyãnyõdši ašiši, ni etãa lō; ni mikē̱ okaselo̱i le̱ ni ame̱fãle̱ le̱; ame̱nyẽẽ.

19Ši eto he ekē̱ame̱ ake̱: Ō yino̱bii ní hee yee! mẽ beyino̱ mĩke̱nye aahĩ ši ke̱-yaši? mẽ beyino̱ mahĩenye ke̱-yaši? Nyeke̱le̱ abaã miṅō!

20Ni ame̱ke̱le̱ ba eṅõ. Ni beni enale̱ le̱, amrō le̱ mumo̱ le̱ hã ešõ kwekwēkwe, ni egbē šikpoṅ, ni ekoklo ši, ni enā kwẽ afũi.

21Ni ebi etše̱ le̱ ake̱: Mẽ beyino ene̱ bõile̱ femo̱? Ni ekē̱le̱ ake̱: Ke̱-dše̱ egbekẽbiiaši;

22ni kpitiokpitio eše̱o̱le̱ efõo la mli ke̱ nui amli, koni ekpãtã ehĩe; ši kẽle̱ ke̱dši oonyẽ noko ofe le̱, omũsũṅ atšõo ye̱ wo̱he ni ofe he eko ohãwo̱!

23Ši Iesu kē̱le̱ ake̱: No dši ké̱ oonyẽ ohé oye ke̱ke̱ le̱; *aanyẽ afe nii fiā ahã moni heo̱ yeo̱ le̱! *11,23.

24Ni amrõ le̱ gbekẽ le̱ tše̱ le̱ bo ke̱ ehĩe yāfónui ekē̱: Mīhe miye, Nuṅtšo̱, ye obua *mihemo̱-ke̱-yeli ní mibe̱ le̱! *Luk. 17,5.

25Ši beni Iesu na ake̱ asafo le̱ hĩe foi ke̱-mība eṅõ le̱, efã́ mumo̱ fõṅ le̱ yi ni ekē̱le̱ ake̱: Bo mumo̱ mumui ke̱ toimũlo̱, mīfã́o ake̱ odše emli ní okabote emli doṅṅ!

26Ni eblo̱ ni ešõ kwekwẽkwe, ni edše emli; ni no tšṍ tamo̱ gbonyo, ni mei pī kē̱ hũ ake̱ égbo. 1,26.

27Ši Iesu mõ enine ši, ni ewó eno̱, ni ete ši.

28Ni beni eba šĩa le̱, ekaselo̱i le̱ bile̱ ye̱ afã ake̱: Mẽba wo̱ le̱ wo̱nyẽẽle̱ wo̱-fã le̱?

29Ni ekē̱ame̱ ake̱: Ne̱ke̱ heno̱ sro̱to ne̱ anyẽẽle̱ afã ye̱ nokonoko nā, ake̱ dša ye̱ so̱lemo̱ ke̱ ṅmā̃hīle̱ nā ke̱ke̱.

(30-32. Mat. 17,22. 23. Luk. 9,43-45.)

30Ni ame̱dše dše̱i ni ame̱yatšo Galilea; ni esumo̱o̱ ake̱ moko ale.

31Ši etšõ ekaselo̱i le̱ ni ekē̱ame̱ ake̱: Ake̱ gbomobi le̱ aawo gbomei adeṅ, ni ame̱agbele̱, ni beni agbele̱ se̱ le̱ eete ši ye gbĩ ní dši gbĩ etẽ le̱ no. 8,31; 10,32-34.

32*Ši ame̱naa nakai wiemo̱ le̱ nā, ni ame̱mīše gbeyei hũ ake̱ ame̱abile̱. *Luk. 18,34.

(33-50. Mat 18,1-9. Luk. 9,46-50.)

33Ni *eba Kapernaum. Ni beni eyo̱ šĩa le̱, ebiame̱ ake̱: Meni sane nyeye ye̱ nyeteṅ ye̱ gbe̱ le̱ no̱ le̱? *Mat. 17,24.

34Ši ame̱tſaa ame̱dāṅ; edšake̱ gbe̱ le̱ no̱ le̱ ame̱ye sane ye̱ ame̱teṅ ake̱, namo dši agbo fè fẽ.

35Ni eho etá ši, ni etšé̱ mei nyoṅma ke̱ enyo le̱, ni ekē̱ame̱ ake̱: Ké̱ moko mitao kleṅkleṅmo atšõ le̱, eetsṍ mei fẽ se̱kpelo̱ ke̱ mei fẽ tšũlo̱. 10,44.

36Ni eṅõ gbekẽ bibiō ko ni eke̱le̱ damo ame̱teṅ, ni *elōle̱ atū, ni ekē̱ame̱ ake̱: *10,16.

37Mofẽmo ní ṅõo̱ ne̱ke̱ gbekẽbii bibii ne̱ ateṅ mokome ye̱ migbei ano̱ le̱, eṅõo̱mi; ni moni ṅõo̱mi le̱, dšee mi eṅõo̱, ši moṅ moni tšũmi le̱ṅ. Mat. 10,40.

38Ši Iohane herele̱ no̱ ekē̱: Tšõlo̱, wo̱na moko ní ke̱ ogbe̱i fãa daimonioi, ni wo̱tsĩle̱ gbe̱, edšake̱ enyiee wo̱se̱. 4 Mose 11,27. 28.

39Ši Iesu kē̱: Nyekatšĩale̱ gbe̱; edšake̱ *moko be̱ ni eke̱ migbe̱i aatšu hewale̱ nitšumo̱ ko ni eenyẽ mihe efõṅ ewie oyá. *1 Kor. 12,3.

40Edšake̱ moni etee ši ewoowo̱ le̱, efata wo̱he. Mat. 12,30.

41Edšake̱ mofẽmo ní aahãnye nu kpulu kome nyenu ye̱ migbe̱i ano̱, ake̱ ni Kristo nii dšinye hewo̱ le̱, le̱le̱ṅ, mīkē̱nye ake̱, enyõmo̱wo eṅmē̃ṅle̱. Mat 10,42.

42Ni moni aatõtõ mei bibii ne̱ ní heo̱ mino̱ yeo̱ le̱ ateṅ mokome nane le̱, fãṅ noni aṅõ w̌ie̱ aṅmõ ekue̱, ní ayašé̱le̱ afõ ṅšo̱ṅ.

43Ni ké̱ onine mītõtõ onane le̱, fṍ; fãṅ noni oke nine kome bote wala mli fè noni oke̱ nidsi enyo̱ ate gehena mli, ye̱ la ni gboo le̱ mli le̱ Mat. 5,30.

44[heni ame̱gõgõmi le̱ gboo, ni ame̱la le̱ hũ ahãã egbo le̱]. Ies. 66,24.

45Ni ké̱ onane mītõtõ onane le̱, fṍ; fãṅ noni oke̱ nane kome bote wala mli fè noni ohĩe nãdši enyo̱ ní aašé̱o afõ gehena mli, ye̱ la ni gboo le̱ mli le̱

46[heni ame̱gõgõmi le̱ gboo, ni ame̱la le̱ hũ ahãã egbo le̱]. K. 44.

47Ni ké̱ ohĩṅme̱i mītõtõ onane le̱, fã ošé̱ ofõ; fãṅ noni oke̱ hĩṅme̱i kome bote Nyoṅmo̱ maṅtše̱yeli le̱ mli fè noni ohĩe hĩṅme̱ii enyo̱ ní aašé̱o afõ la-gehena le̱ mli le̱, Mat 5,23.

48heni ame̱gõgõmi le̱ gboo, ni ni ame̱la le̱ hũ ahãã egbo le̱. K. 44. 46.

49Edšake̱ mofẽmo le̱, ake̱ la aawole̱ ṅō, ni *afo̱le-fẽ afo̱le hũ, ṅō aawole̱. *3 Mose 2,18.

50Noko kpakpa dši ṅō; ši ke̱dši ṅō nānu gbo le̱, meni nyeke̱-awole̱ ṅō doṅṅ? Nyehãa ṅō ahĩa nyemli, ni nyehĩa ši ye̱ hedšole mli ye̱ nyeteṅ! Mat. 5,13. Luk. 14,34. Kol. 4,6.

Currently Selected:

Marko 9: GBV96

Highlight

Copy