Marko 8
8
(8,1-10. Mat. 15,32-39.)
1No gbĩĩ le̱ amli, beni mei pī yo̱ dše̱i ni ame̱naa noko ame̱ye le̱, Iesu tšé̱ ekaselo̱i le̱ ke̱-ba eṅõ ni ekē̱ame̱ ake̱:
2Mimũsũṅ mītšõmi ye̱ asafo le̱ hewo̱, edšake̱ ame̱ke̱mi éhĩ ši gbĩĩ ete so̱ṅṅ, ni ame̱naa noko ame̱ye. 6,34-44.
3Ni ke̱dši mihã ame̱ke̱ ame̱mũsũṅ hõmo̱ yiṅ ke̱-mīya ame̱we le̱, ame̱yato̱ biti ye̱ gbe̱teṅ; edšake̱ ame̱teṅ meikomei adše̱-he dšeke̱.
4Ni ekaselo̱i le̱ herele̱ no̱ ake̱: Nẽgbe̱ aaná abolo ye̱, ye̱ ṅã ne̱ no̱, ní aaše̱ mene̱mei anā?
5Ni ebiame̱ ake̱: Aboloi enyie nyeyo̱? Ni ame̱kē̱: Kpawo.
6Ni efã́ asafo le̱ ake̱ ame̱trá šikpoṅ. Ni eṅõ aboloi kpawo le̱, ni eda ši, ni ekũmo̱ ehã ekaselo̱i le̱ koni ame̱ṅõ-hãame̱; ni ame̱ṅõ-hã asafo le̱.
7Ni ame̱ye̱ lōi bibii fiō, ni edšō̱ no̱, ni efã́ ake̱ aṅõ no hũ ahãame̱.
8Ni ame̱ye ni ame̱tŏ̱ro̱, ni ame̱kŏ̱lo̱ fufudši ní ſe̱ le̱, flo̱to̱i kpawo obõbõ.
9Ši mei ni ye le̱ aafe mei akpei-edſe̱; ni edšieame̱ gbe̱.
10Ni amrõ le̱ eke̱ ekaselo̱i le̱ bote le̱le̱ le̱ mli, ni eba Dalmanuta niiaṅ.
(11-21. Mat. 13,1-12.)
11Ni Farisifoi le̱ ba ni ame̱ke̱le̱ babõi ṅwanedšē ame̱mītao ṅwei okadi ye̱ eṅõ, ni ame̱ke̱-mītšõ̀ enā.
12Ni edõmo̱ ntšo̱i ye̱ emumo̱ mli ni ekē̱: Meni hewo̱ ne̱ke̱ yino̱bii ne̱ taoo̱ okadi lolo? Le̱le̱ṅ, mīkē̱nye ake̱: Ké̱ aaṅõ okadi ko aha ne̱ke̱ yino̱bii ne̱, fĩ!
13Ni ešĩame̱, ni eyabote le̱le̱ mli ekoṅ ni ete se̱ le̱.
14Ni ame̱hĩe ékpa no̱ ake̱ ame̱ahĩe abolo, ni ame̱hĩee eko ye̱ le̱le̱ le̱ mli, ake̱ dša abolo kome ke̱ke̱.
15Ni efã́ame ekē̱: Nyekwe̱a dšogbāṅ, *ni nyehĩe ahĩa nyehe no̱ ye̱ Farisifoi le̱ amõša ke̱ †Herode mãša le̱ hewo̱! *Luk. 12,1. †3,6.
16Ni ame̱tao nā ye̱ ame̱teṅ ame̱kē̱: Bene̱ abolo ni wo̱hĩee le̱ hewo̱ṅ?
17Ni beni Iesu ná le le̱, ekē̱ame̱ ake̱: Mẽba nyesusuo̱ ake̱ abolo ní nyehĩee le̱ hewo̱ṅ? Ani *nyeyoko se̱ ni asaṅ nyenako nii anā lolo? Ani ne̱ke̱ nyetšui wa lolo? *6,52.
18Nyeye hĩṅme̱ii ši nyenaa nii, ni nyeye toii hũ ši nyenuu nii, ni nyekaii nokonoko lo?
19Beni mikũmo̱ aboloi enumo̱ le̱ mli mi-hã mei akpei-enumo̱ le̱, fufudši kafũi enyie nyehole? Ame̱ke̱le̱ ake̱: Nyoṅma ke̱ enyo̱. 6,41-44.
20Ni beni mikũmo̱ kpawo le̱ mli mihã mei akpei-edſe̱ le̱ hũ le̱, fufudši flo̱to̱i enyie nyehole? Ni ame̱ke̱le̱ ake̱: Kpawo. K. 6-9.
21Ni ekē̱ame̱ ake̱: Té tēṅ ní nyenaa nii anā lolo ne̱?
22Ni eba Betsaida. Ni ame̱ke̱ ſilafo ko ba eṅõ, ni ame̱kpale fai ní *eta ehe. *6,56.
23Ni emõ ſilafo le̱ nine ši, ni eke̱le̱ dše mã le̱ṅ, ni etšẽ ladšõ eſie ehĩṅme̱ii le̱ ano̱, ni eṅõ enidši eſie eno̱, ni ebile̱ ake̱ ēna nii lo? 7,32. 33. Ioh. 9.6.
24Ni egble ehĩṅme̱ii le̱ ni ekē̱: Minaä gbomei tamo̱ tšei ní nyieo̱.
25No se̱ le̱ esa eṅõ enidši eſie ehĩṅme̱ii le̱ ano̱ ekoṅ, ni ehã egble ehĩṅme̱ii le̱, ni atšále̱, ni ena nii fẽ pe̱pē̱pe̱.
26Ni edšiele̱ gbe̱ ke̱-te ewe, ni ekē̱: Kāya mã le̱ṅ ni osā *okakē̱ moko sane ko ye̱ mã le̱ṅ! *7,36.
(27-9,1. Mat. 16,13-28. Luk. 9.18-27.)
27Ni Iesu ke̱ ekaselo̱i le̱ yiṅ ame̱te Kaisaria Filipi mãdši le̱ amli. Ni gbe̱ le̱ no̱ le̱ ebi ekaselo̱i le̱ ake̱: Namo mei kē̱o̱ ake̱ midši?
28Ni ame̱to he ake̱: Iohane, baptisilo̱ le̱; ni meikomei kē̱o̱ ake̱: Elia; ni meikrokomei hũ kē̱o̱ ake̱: Gbaloi le̱ ateṅ mokome dsio.
29Ni ebiame̱ ake̱: Ši nye le̱, namo nyekē̱o̱ ake̱ midši? Ni Petro here no̱ ekē̱le̱ ake̱: Bo dši Kristo le̱.
30Ni etſa ame̱nā mã ake̱ ame̱kakē̱ mokomoko ehe sane. 9,9.
31Ni ebõiame̱ tšõmo̱ ake̱, dša gbomobi le̱ na amanehũlũ pī, ni onukpai le̱ ke̱ oso̱fonukpai le̱ ke̱ woloṅmãlo̱i le̱ kwale̱; ní agbele̱, ni gbĩĩ etẽ se̱ ní ete ši ekoṅ.
32Ni ewie ne̱ke̱ wiemo̱ ne̱ faṅṅ. Ni Petro tšé̱le̱ ke̱-te afã ni ebõile̱ ko̱ko̱bō̱.
33Ši etšṍ ehe ni noni ena ekaselo̱i le̱, ekũ ewo Petro nā ni ekē̱: Ho mise̱, satan! edšake̱ odſẽṅṅ Nyoṅmo̱ nibii ano̱, ši gbomei anibii ano̱ moṅ odſẽṅo̱.
34Ni etšé̱ asafo le̱ ke̱ ekaselo̱i le̱ hũ ke̱-ba eṅõ, ni ekē̱ame̱ ake̱: Ke̱dši moko mīsumo̱ ake̱ enyie mise̱ le̱, hã ní étšo ehe nā, ni éwó ese̱ṅmo̱tšo le̱ efõ eno̱ ni enyie mise̱.
35Edšake̱ mofẽmo ní sumoo̱ ake̱ ebā esusuma yi le̱, eelādšele̱; ši moni lādšeo̱ esusuma ye̱ mi ke̱ sanekpakpa le̱ hewo le̱, enine aaše̱ no̱. Mat. 10,39.
36Edšake̱ mẽ se̱ gbomo náa, ke̱dši enine še̱ dseṅ mū ne̱ fẽ no̱ ni elādše le̱dientše̱ esusuma le̱?
37Alo meni gbomo aaha ni eke̱-kpõ esusuma?
38Edšake̱ mofẽmo ní mi ke̱ miwiemo̱i le̱ ahe feo̱le̱ hĩegbĕle ye̱ yino̱bii gblafitelo̱i ke̱ ešafelo̱i ne̱ ateṅ le̱, le̱ hũ ehe aafe gbomobi le̱ hĩegbĕle, beni eeba ye̱ etše̱ anumnyam le̱ mli ke̱ bo̱foi kroṅkroṅi le̱. Mat. 10,33.
Currently Selected:
Marko 8: GBV96
Highlight
Share
Copy

Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.