Marko 10
10
(10,1-12. Mat 19,1-9.)
1Ni ete ši ke̱-dše̱ dše̱i ni *eyiṅ ete Iudea niiaṅ, ke̱ Iordan se̱gbe̱. Ni mei pī babua ame̱he nā ekoṅ ye̱ ehewo̱, ni etšõame nii ekoṅ, take̱ boni efo̱ö femo̱ le̱. *9,33.
2Ni Farisifoi le̱ ba eṅõ ame̱babile̱ ake̱: Ani nū ye̱ hegbe̱ ake̱ eſieo̱ eṅã? ame̱ke̱-mītšṍ enā.
3Ši ehere no̱ ekē̱ame̱ ake̱: Mẽ kitã Mose wonye?
4Ni ame̱kē̱: Mose hã hegbe̱ ake̱ aṅmã ſiemo̱wolo ni aſiele̱. 5 Mose 24,1. Mat. 5,31. 32.
5Ni Iesu here no̱ ni ekē̱ame̱ ake̱: Nyetsuiwale̱ hewo̱ eṅmã ne̱ke̱ kitã ehãnye;
6ši ke̱-dše̱ dšeṅbō̱ šišidšē le̱ṅ le̱, nū ke̱ yō Nyoṅmo̱ bo̱ame̱. 1 Mose 1,27.
7Ene̱hewo̱ le̱ nū aašĩ etše̱ ke̱ enye, ni eekpe̱te̱ eṅã he; 1 Mose 2,24.
8ni ame̱yi enyo̱ le̱ fẽ ame̱atšṍ helo kome; bĕle̱ agbe̱ne̱ ame̱dšee mei enyo̱ doṅṅ, ši moṅ helo komeṅ;
9nohewo le̱ noni Nyoṅmo̱ eṅõ-tšá le̱, gbomo akagbla mli.
10Ni beni ame̱yo̱ šīa le̱, ekaselo̱i le̱ bile̱ ekoṅ ye̱ nakai sane le̱ noṅṅ hewo̱.
11Ni ekē̱ame̱ ake̱: Mofẽmo ni ſieo̱ eṅã ni eyaw̌e̱o̱ mokroko le̱, edše ese̱ efite gblã. Luk 16,18.
12Ni ke̱dši yō ſie ewù ni eyagbã mokroko le̱, efite gblã.
(13-16. Mat 19,13-15. Luk. 18,15-17.)
13Ni ame̱ke̱ gbekẽbii bibii ba eṅõ, koni etra ame̱he; ši ekaselo̱i le̱ nyãfĩ mei ní holeame̱ ke̱-ba le̱.
14Ši beni Iesu na le̱, edo̱le̱, ni ekē̱-ame̱ ake̱: Nyehãa gbekẽbii le̱ abaä miṅõ, ni nyekatšĩaame̱ gbe̱; edšake̱ mene̱mei anõ dši Nyoṅmo̱ maṅtše̱yeli le̱.
15Le̱le̱ṅ, mīkē̱nye ake̱: Mofẽmo ni hee Nyoṅmo̱ maṅtše̱yeli le̱ tamo̱ gbekẽ bibiō le̱, eboteṅ mli kwrā. Mat 18,3.
16Ni elōame̱ atū, ni eṅõ enidši eſie ame̱no̱, ni edsō̱ame̱. 9,36.
(17-31. Mat 19.16-30. Luk. 18,18-30.)
17Ni beni edše kpo eyaä gbe̱ le̱ no̱ le̱, moko hīe foi ke̱-baninale̱ ni ebakũla ehĩe, ni ebile̱ ake̱: Tšõlo̱ kpakpa, meni mafe ni maná nāno̱ wala?
18Ni Iesu kē̱le̱ ake̱: Mẽba otšé̱o̱mi mokpakpa? Mokpakpa ko be̱ ake̱ dša Nyoṅmo̱ kome ke̱ke̱.
19Nto ole kitãi le̱: *Kāfite gblã, kāgbe gbomo, kadšu, kāye amale odase, kāšĩšiu mo; wo otše̱ ke̱ onye! *2 Mose 20,12-17.
20Ši ehere no̱ ekē̱le̱ ake̱: Tšõle̱, miye ene̱mei fẽ no̱ ke̱-dše̱ miblahĩaṅ.
21Ni Iesu kwe̱le̱ ni esumo̱le̱, ni ekē̱le̱ ake̱: Eſe̱o nõkome: ya ní oyahõ nü fẽ ni oyo̱, ni oṅõ-hã ohĩafoi, ni ooná dſetri ye̱ ṅwei; ni *owó se̱ṅmo̱tšo le̱ ni oba obanyie mise̱. *8.34. Mat. 10,38.
22Ši efe yō̱ ye̱ nakai wiemo̱ le̱ he-wo̱, ni eyiṅ ete ke̱ do̱le̱, edšake̱ eye̱ nii babaō.
23Ni Iesu kwe̱ ehewe̱ ke̱-kpe ni ekē̱ ekasele̱i le̱ ake̱: Nto nyena bo̱ni ewa hã niiatše̱mei ake̱ ame̱abote Nyoṅmo̱ maṅtše̱yeli le̱ mli!
24Ni kaselo̱i le̱ ahe dšõ ame̱he ye̱ ewiemo̱i le̱ ahewo̱. Ši Iesu here no̱ ekoṅ ni ekē̱ame̱ ake̱: Bii, nto nyena boni ewa ha *mei ni ṅõo̱ ame̱hĩe ame̱fõo̱ nii ano̱ le̱ ake̱ ame̱abote Nyoṅmo̱ maṅtše̱yeli le̱ mli! *Lal. 62,11. 1 Tim. 6,17.
25Edšraa hãã yoma ake̱ eetšṍ abui hĩṅme̱i mli, tamo̱ bo̱ni dšraä ha niiatše̱ ake̱ eebote Nyoṅmo̱ maṅtše̱yeli le̱ mli le̱.
26Ni ame̱nā kpe̱ ame̱he naakpa ni ame̱kē̱le̱ ake: Bĕle̱ namo yiwala aanyẽ ahere mo̱?
27Ni Iesu kwe̱ ame̱hĩe ni ekē̱: Gbomei agbe̱fãṅ le̱ anyẽṅ ene̱ afe, ši Nyoṅmo̱ gbe̱fãṅ le̱ aanyẽ; edšake̱ aanyẽ nii fiā afe ye̱ Nyoṅmo̱ gbefãṅ.
28Ni Petro bõile̱ kē̱mo̱ ake̱: Na, wo̱ le̱ wo̱šĩ nii fiā ni wo̱banyie ose̱.
29Iesu kē̱: Le̱le̱ṅ, mīkē̱nye ake̱: Moko be̱ ní ešĩ šĩa lo nyemimeihĩĩ lo nyemimeiyei lo tše̱ lo nye lo ṅã lo bii lo abō̱i ye̱ mi ke̱ sanekpakpa le̱ hewo̱,
30ni enaṅ šĩai ke̱ nyemimeihĩi ke̱ nyemimeiyei ke̱ nyemei ke̱ bii ke̱ abō̱i toi oha ye̱ bene̱-be ne̱ mli bēbe, ke̱ yiwale̱ hũ, ni dšeṅ ní baba le̱ṅ hũ eená nāno̱ wala.
31Ši kleṅkleṅbii pī aatšṍmo̱ se̱kpelo̱i, ni se̱kpelo̱i aatšṍmo̱ kleṅkleṅbii.
(32-34. Mat. 20,17-19 Luk. 18,31-34.)
32Ni ame̱nyie gbe̱ ke̱-mīya Ierusalem; ni Iesu nyie ame̱hĩe, ni ame̱he edšõ ame̱he, ni ame̱nyie ese̱ ní ame̱mīše gbeyei. Nĩ eṅõ mei nyoṅma ke̱ enyo̱ le̱ ekoṅ ke̱-te afã, ni ebõiame̱ *noni baba eno̱ le̱ kē̱-mo̱ ake: *9,31.
33Na, wo̱mīya Ierusalem, ni aaṅõ gbomobi le̱ awo oso̱fonukpai le̱ ke̱ woloṅmãlo̱i le̱ adeṅ, ni ame̱abule̱ gbĕle fo̱, ni ame̱aṅõle̱ ame̱hã wo̱ṅdšálo̱i le̱;
34ni ame̱aye ehe fe̱o, ní ame̱ke̱ kplebii aayile̱, ni ame̱afẽ ladšõ ame̱aſie ehe, ni ame̱agbele̱; ni eno̱ gbĩ etẽ le̱ eete ši ekoṅ.
(35-45. Mat. 20,20-28.)
35Ni Iakobo ke̱ Iohane, Zebedeo bii le̱, ba eṅõ ame̱bakē̱: Tšõlo̱, wo̱mīsumo̱ ake̱, noni wo̱babāo ne̱, ofe ohãwo̱.
36Ni ekē̱ame̱ ake̱: Meni nyesumoo̱ ake̱ mife mihãnye?
37Ni ame̱kē̱le̱ ake̱: Hãwo̱ hegbe̱ koni wo̱teṅ mokome atá oninedšŭrõ no̱ ni mokome hũ atá obe̱ku no̱ ye̱ onumnyam le̱ mli.
38Ši Iesu kē̱ame̱ ake̱: Nyelee noni nyebio̱ le̱; ani nyeanyẽ *kpulu ní mibanu le̱ nyenu, alo nyeanyẽ ni ake̱ †mi-baptisimo̱ le̱ abaptisinye? *14,36. †Luk. 12.50.
39Ni ame̱kē̱le̱ ake̱: Wo̱o̱nyẽ. Ši Iesu kē̱ame̱ ake̱: *Kpulu ní mibana le̱, nyeanu, ni baptisimo ní ake̱-abaptisimi le̱, ake̱-abaptisinye moṅ; *Bo̱f. 12,2. Kpods. 1,9.
40ši mininedšŭrõ ke̱ mibe̱ku no̱ trámo̱ le̱ dšee minõṅ ní miṅõ-hãa, ši moṅ mei ni asā ato le̱ anōṅ.
41Ni beni mei nyoṅma le̱ nu le̱, ame̱mli bōi Iakobo ke̱ Iohane lawō.
42Ši Iesu tšé̱ame̱ ke̱-ba eṅõ, ni ekē̱ame̱ ake̱: Nyele ake̱ mei ní abuo̱ame̱ mãdši le̱ ano̱yelo̱i le̱ yeo̱ ame̱no̱ nuṅtšo̱, ni ame̱teṅ agboi le̱ ye̱ ame̱no̱ hewale̱. Luk. 22,25-27.
43Ši nye le̱, ebe̱ nye nakai; ši moṅ mofẽmo ní taoo̱ agbo atšṍ ye̱ nyeteṅ le̱, eetšṍ moni aasúmo̱nye; 9,35.
44ni moni taoo̱ nyeteṅ onukpa atšṍ le̱, eetšṍ mei le̱ fẽ tšũlo̱,
45Edšake̱ gbomobi le̱ hũ baa koni asúmo̱le̱; ši súomo̱ moṅ eba, koni eṅõ esusuma ehã ye̱ mei pī akpõmo̱ hewo̱.
(46-52. Mat. 20,29-34. Luk. 18,35-45.)
46Ni ame̱še̱ Ieriko. Ni beni eke̱ ekaselo̱i le̱ ke̱ asafo yū dše̱ Ieriko ame̱yaä le̱, Bartimeo, ſilafo le̱, ní dši Timeo bi le̱, tá gbe̱dšegbe̱ le̱ toi ēsisẽ.
47Ni beni enu ake̱ Iesu Nazarenyo le̱ṅ le̱, ebõi blo̱mo̱ ni ekē̱: Iesu, David bi, nami mo̱bo̱!
48Ni mei pī fã́mo̱le̱ ake̱ ebu enā. Ši eblo̱ babaō moṅ fè tšutšu le̱ ake̱: David bi, nami mo̱bo̱!
49Ni Iesu wa-damo̱ ši, ni ekē̱: Nye-tšé̱ale̱ ke̱-baä! Ni ame̱tšé̱ ſilafo le̱ ni ame̱kē̱le̱ ake̱: Ná tšui, te ši, ētšé̱o!
50Nĩ ešé̱ etade le̱ efõ, ni ete ši ni eba Iesu ṅõ.
51Nĩ Iesu kē̱le̱ ake̱: Meni otaoo̱ ake̱ mife mihão? Ni ſilafo le̱ kē̱le̱ ake̱: Rabuni, ake̱ mana nii.
52Ni Iesu kē̱le̱ ake̱: Ya, ohemo̱-ke̱-yeli le̱ etšáo. Ni amrõ le̱ noṅṅ le̱ ena nii, ni enyie ese̱ ye̱ gbe̱ le̱ no̱.
Currently Selected:
Marko 10: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
