Marko 11

(11,1-10. Mat. 21,1-9. Luk. 19.29-38. Ioh. 12,12-16.)

1Ni beni ame̱kē̱ ame̱be̱ṅke̱o̱ Ierusalem ni ame̱še̱ Betfage ke̱ Betania ye̱ Mũgoṅ le̱ he le̱, etšũ ekaselo̱i le̱ ateṅ mei enyo̱

2ni ekē̱ame̱ ake̱: Nyeyaä akrowa ní tua nyehĩe le̱ mli, ni dše̱i ní nyeaše̱ pe̱ le̱ nyeana tedšibi ni aṅmõle̱ ši, ní mokomoko táko eno̱ dã; nyefẽneale̱ ke̱-baä.

3Ni ke̱dši moko kē̱nye ake̱: Meni nyefeo̱ ne̱? le̱, nyekē̱a ake̱: Ehe mīhĩa Nuṅtšo̱ le̱; ši etše̱ṅ ni ake̱le̱ aaba ekoṅ. 14,14.

4Ši ame̱te ni ame̱yana tedšibi le ní aṅmõle̱ ši ye̱ agbó nā ye̱ blohũ le̱ṅ, ni ame̱fẽnele̱.

5Ni mei ní damo̱ dše̱i le̱ ateṅ meikomeĩ kē̱ame̱ ake̱: Meni nyefẽneo̱ tedšibi le̱ nyeyafe?

6Ni ame̱kē̱ame̱ boni Iesu kē̱ame̱ le̱, ni ame̱ṅmẽame̱ gbe̱.

7Ni ame̱ke̱ tedšibi le̱ ba Iesu ṅõ, ni ame̱ṅõ ametadei aine̱ſie eno̱, ni eho etá eno̱.

8Ni mei pī ṅõ ametadei ame̱hahā gbe̱ le̱ no̱; ni meikomei hũ flo̱ tšeianidši ni ame̱ṅõ-ſie gbe̱ le̱ no̱.

9Ni mei ni nyie hĩe ke̱ mei ni nyie se̱ le̱ blo̱ ame̱ke̱: Hosiana! “adšō̱ moni baă ye̱ Nuṅtšo̱ le̱ gbe̱i ano̱ le̱!” Lal. 118,25. 26.

10Adšō̱ wo̱tše̱ David maṅtše̱yeli ni baã ye̱ Nuṅtšo̱ le̱ gbe̱i ano̱ le̱! Hosiana ye̱ ṅwei flōflo!

(11-24. Mat. 21,12-22. Luk 19,45-48.)

11Ni ebote Ierusalem ni ete so̱lemo̱we le̱; ni beni ekwe̱ dše̱i nibii fẽ ke̱-kpe ni še̱ gbe̱ke̱ le̱, edše dše̱i, ni eke̱ mei nyoṅma ke̱ enyo̱ le̱ te Betania.

12Ni dšetše̱reno̱, beni ame̱dše̱ Betania ame̱baä le̱, hõmo̱ yele̱.

13Ni ena agbãmitšo ko ye̱ šoṅṅ ni bāi yo̱ yi, ni ete eyakwe̱ ake aleenõ eena noko ye̱ no̱ lo. Ni beni eše̱ he le̱, enaa noko ake̱ dša bāi so̱ṅṅ, edšake̱ agbãmi-wō-be še̱ko.

14Ni yadše Iesu nā le̱ ekē̱: Agbene moko yeṅ ono̱ yibii doṅṅ ke̱-ate nāno̱! Ni ekaselo̱i le̱ nu. K. 20.

15Ni ame̱še̱ Ierusalem, Ni Iesu te so̱lemo̱we le̱, ni ebõi mei ní hõo̱ nii ke̱ mei ni heo̱ le̱ ſiemo̱ ye̱ so̱lemo̱we le̱, ni ebutu šikatšakelo̱i le̱ akplõi le̱ ke̱ mei ni hõo̱ okpoi le̱ asẽii le̱;

16ni eṅmẽẽ gbe̱ ake̱ moko atĕre noko ke̱-tšṍ so̱lemo̱we le̱.

17Ni etšõame̱ ake̱: Ani aṅmãko ake̱: *“Aatšé̱ miwe le̱ dšeṅmãdši fẽ aso̱lemo̱we”? ši nye le̱ †nyeke̱-fe “odšotſalo̱i abu”! *Ies. 56,7. †Ier 7,11.

18Ni oso̱fonukpai le̱ ke̱ woloṅmãlo̱i le̱ nu, ní ame̱tao bo̱ni ame̱afe ní ame̱kpãtã ehĩe; ši ame̱mīšele̱ gbeyei, edšake̱ asafo le̱ fẽ nā kpe̱o̱ ame̱he ye̱ enitšõmo̱ le̱ hewo̱.

19Ši ké̱ še̱ gbe̱ke̱ le̱, edšeo̱ mã le̱ṅ.

20Ni lebi mā̃ṅkpa, beni ame̱hoo̱ le̱, ame̱na ake̱ agbãmitšo le̱ eṅălã ke̱ esiši-fã fẽ. K. 14.

21Ni Petro kai, ni ekē̱le̱ ake̱: Rabi, na, agbãmitšo le̱ ní olomo̱ le̱ eṅălāl

22Ni Iesu here no̱ ni ekē̱amo̱ ake̱: Nyehea Nyoṅmo̱ nyeyea!

23Edšake̱ le̱le̱ṅ, mīkē̱nye ake̱: *Moni aakē̱ goṅ ne̱ ake̱: Fã ní oyagbē ṅšo̱ṅ! ní edšee ṅwane yo̱ etšui mli, ši moṅ eheo̱ eyeo̱ ake̱ noni ekē̱ le̱ aafe le̱, aafe noni ekē̱ le̱ fẽ ahãle̱. *Mat. 17,20.

24Nohewo le̱ mīkē̱nye ake̱: *Nii abo̱ fẽ ní nyekpaä he fai ye̱ nyeso̱lemo̱ mli le̱, nyehea nyeyea ake̱ nyeaná, ni aaṅõ-hãnye. *Mat. 7,7. Ioh. 14,13.

25Ni befẽbe ní nyedamo̱ ši nyeso̱leo̱ le̱, ké̱ nyeke̱ moko ye̱ sane ko le̱ nyeṅõ-faäle̱, koni nyeṅweitše̱ le̱ hũ aṅõ nye-tõmo̱i le̱ afanye. Mat. 5,28.

26[Ši ké̱ *nye le̱ nyeṅõ-faa le̱, nyetše̱ ni yo̱ ṅwei le̱ hũ eṅõṅ myetõmo̱i le̱ efaṅ.] *Mat. 6,14. 15.

(27-33. Mat. 21,23-27. Luk. 20.1-8.)

27Ni ame̱ba Ierusalem ekoṅ. Ni beni enyie so̱lemo̱we le̱, oso̱fonukpai le̱ ke̱ woloṅmãlo̱i le̱ ke̱ onukpai le̱ ba eṅõ

28ni ame̱bakē̱le̱ ake̱: Mẽ hegbe̱ oyo̱ hewo̱ ofeo̱ ne̱ke̱ nibii ne̱? ni namo hao ne̱ke̱ hegbe̱ ne̱ ní oke̱-feo̱ ne̱ke̱ nibii ne̱?

29Ši Iesu here no̱ ni ekē̱ame̱ ake̱: Mi hũ mabinye sane kome ni nyehãmi hetō, koni mi hũ matšõnye nõ hegbe̱ ní mike̱-feo̱ nii ne̱.

30Iohane baptisimo le̱, ṅwei edše̱, lo gbomei adeṅ edše̱? Nyehãami hetō!

31Ni ame̱so̱ṅṅ ame̱ke̱ ame̱he yiyi ake̱: Ke̱dši wo̱kē̱ ake̱ edše̱ ṅwei le̱, eekē̱we̱ ake̱: Mẽhewo̱ ni nyeheele̱ nyeyee mo̱?

32Ni ke̱dši we̱kē̱ ake̱ edše̱ gbomei adeṅ le̱, — ame̱mīše maṅ le̱ gbeyei: edšake̱ mei fẽ buo̱ Iohane gbalo̱ le̱le̱ṅ.

33Ni ame̱here no̱ ame̱ke̱ Iesu ake̱: Wolee. Ni Iesu here no̱ ni ekē̱ame̱ ake̱: Bĕle̱ mi hũ mitšõõnye nõ hegbe̱ ní miyo̱ hewo̱ ni mifeo̱ ne̱ke̱ nibii ne̱ mo̱.

Currently Selected:

Marko 11: GBV96

Highlight

Copy