Luka BƆ OLI MOA
BƆ OLI MOA
Luka nzɛmba ne maa yɛnwu kyɛ Yesu ole Ngoadefoɛ bɔ Nyameɛ fa bɔle Yisraelfoɛ anohoba ne. Okyire koso kyɛ ye ala yeɛ ɔte adasammaa mukoraa bɛ Ngoadefoɛ ɔ. Luka ka ye pefee kyɛ Awurade Sunzum ne yeɛ ɔhyɛle Yesu ma kyɛ ɔfa nzɛmba ne ɔbrɛ ehiafoɛ ɔ (4.18). Nzɛmba bɔ okyire kyɛ mmenia mukoraa nwo hia Nyameɛ, na ye nye wɔ sona biala ne ye ahiasɛm so. Luka nzɛmba n’ahyɛaseɛ ne ka edwirɛ fɛɛ bɔ ɔfa Yesu wiase walɛ ne nwo; na nwomaa n’ayieleɛ ka edwirɛ fɛɛ bɔ ɔfa Yesu nyameɛsohɔlɛ ne anwo. Luka ka kyɛbɔ Yesu nyameɛsohɔlɛ ne asi ne Kristosom osi hɔle so na ɔtrɛle ɔ, wɔ Asomafoɛ Nnwumaa nwomaa ne anu.
Edwirɛ biemɔ wɔ Luka nzɛmba ne anu (ye titire Ti 1-2 ɔne Ti 9-19) bɔ bɛnne nzɛmba nwomaa ngaa nemɔ (Mateo, Marko ne Yohane) nu ɔ. Ebiemɔ ole Nyameɛ abɔfo mɔ ayɛyelɛ dwein, ɔne mmoaenneafoɛ nemɔ hɔlɛ bɔ bɛhɔ bɛɛneane adɔma Yesu wɔ mmerɛ bɔ bɛwole ye ne, abɛɛmaa Yesu hɔlɛ bɔ ɔhɔle Nyameɛ asɔneyɛɛ sua nu ne nwo dwirɛ. Ebieku koso ole Samarianiɛ atianu fufue ne, ɔne baa bienzua sɛkyefoɛ ne nwo anyandera. Luka nzɛmba ye ka mbaeɛbɔlɛ, Sunzum Krongron, mmrasua mɔ mmɔdenbɔlɛ wɔ Yesu adwumayɔlɛ ne anu, ɔne Nyameɛ bɔnefakyɛ nwo dwirɛ serɛserɛ paa.
Nu Dwirɛ
1. Bɔ oli moa 1.1-4
2. Asubɔlɛniɛ Yohane ne Yesu aworɛ, ɔne bɛ ngwadaa nu dwirɛ 1.5—2.52
3. Asubɔlɛniɛ Yohane adwumayɔlɛ 3.1-20
4. Yesu asubɔlɛ ne ye nzɔhwɛ 3.21—4.13
5. Yesu badwa nu adwumayɔlɛ wɔ Galilea 4.14—9.50
6. Yesu fa adwuma ne fi Galilea kɔ Yerusalem 9.51—19.27
7. Yesu dapɛn bɔ ɔpɛ ye bo wɔ Yerusalem ne ye mbɔtam 19.28—23.56
8. Yesu wutingyelɛ, ye nwo aliyelɛ ne ye nyameɛsohɔlɛ 24.1-53
Currently Selected:
Luka BƆ OLI MOA: EBP
Highlight
Share
Copy
Want to have your highlights saved across all your devices? Sign up or sign in
Esahie Bible © Bible Society of Ghana, 2018.