Etatelu 50

1Josefu akakhumbatela udu wa shi, akatundo la delu, akaleli wulu, akônone. 2Josefu akatela wetshi andi dia vo mumia udu wa shi la mbukita binyi. Ku wetshi wakumia udu wa Isariyele, wakûkiti binyi. 3Lamʼaketi nshi akumi anei, vo wakakumiya mbumia la mbukita binyi. Asi Edjibitu wakûleli nshi akumi esambeli.

4Lamʼakawahandjula utanda wa Jakoba, Josefu akasengasenga antu wa lu luudu la Farayo ati: Naka nyu nyambumbuka ketshi, nyonteketele le Farayo, nyati: 5Shi Josefu akatautshibisha ati: Enda, dimi laya langa lambelela ukunda. Dimi lakatatshimi diumbu diami lu kete ya Kanana, kutunkhunde leko.#50:5 Etat. 47:29 31. Kakiane Josefu ambukolomba ati: Dimi lambukosengasenga nti: Etawo dimi ntsho la ntukhunde udu wa papa, ku layukalula ntu. 6Ku Farayo akûkaluya diui ati: Tshoka, kutukhunde udu wa sho uku akandatakutshibisha. 7Ku Josefu akatshu la ntukhunde shi. Ekambi tshe wa Farayo, dihangamendi dia lu luudu landi ndu dia kete yʼEdjibitu tshe, wakatshu kame la ndi. 8Ndu waku tshe wa lu luudu la Josefu, ndu anangu ndu wa lu luudu la shi, wakatshu la ndi. Paka anʼawo wa tshitshe la dungalunga diawo mbakawatshiki lu kete ya Ngoshena. 9Vo wakatshu ndu la pusupusu ndu la ambahemi wa falasa. Josefu akatshu la ului a wuki wʼantu. 10Vo wakakumi lu dihuli diʼesuswelu ka lʼAtada keli la wedi wa Jorodana. Vo wakatundo la alelu, wakaleli wulu. Ku ndi akatshi utanda wa shi nshi esambeli. 11Asi Kanana, akanga a kete, wakenyi utanda ako lu dihuli diʼesuswelu ka lʼAtada; wakati vati: Nyendi utanda a wuki one wʼasi Edjibitu! Diako mbakawole dihuli dieli la wadi wa Jorodana vati: Abele-Mizirayima (kitshimudi ati: Utanda wʼasi Edjibitu). 12Ana apami wa Jakoba wakatshela shewo akambu tshe uku akandatawatedi. 13Vo wakembe udu andi utsha la Kanana, wakatukhunde lu wuku wa lʼekambo ka la Makipela. Abarahama akatasumbi wuku ako wa lʼekambo kelanedi la Mamare uma le Eferona, usi Hiti, dia wuku ako ndjala dihuli diʼekhundelu kʼasi khumbu kandi.#50:13 Etsh. 7:16. 14Lamʼakashili Josefu nkhunde shi, ndi la anangu la waku tshe wakatshu la ndi dia ntukhunde shi, wakakalula lʼEdjibitu.

Nyoi ka Josefu

15Lamʼakenyi anangu Josefu vati: Shesu ambuvo, vo wakatanela vati: Hateyi kana Josefu ayutuhetsha, ayutosomboya kolo tshe kakatutshela. 16Ku vo wakatumi diui le Josefu vati: Sho akatatshi diui ne la ntundu ndi atavu ati: 17Kanyuteli Josefu aui ane nyati: Udimanyia ananyo, ekambi a Unyashungu a sho, kolo kawo. Josefu akaleli lamʼakanduki aui aso. 18Ndu anangu vame wakatshu, wakatukhusamela; wakawutela vati: Ekambi aye mbesu. 19Ku Josefu akakaluya diui ati: Tanyukaki woma. Dimi kaya lu dihuli dia Unyashungu uka? 20Mete, nyu nyakalangi ntshelami kolo, keli Unyashungu akakadimula kolo ololo, dia nshidiya akambu wambutshama kakiane, dia nshimbela nyumu yʼantu efula. 21Okone tanyukaki woma, dimi layunyushaka mbu ya nde ndu nyu ndu anʼanyu. Ndi akasambi, akateketa la wo la ngandji.

22Josefu akadjase lu kete yʼEdjibitu, ndi la wa lu luudu la shi. Josefu akayala la deku lukama la dikumi. 23Ndi akenyi ana wa Efarayima edja ndu lu lolonga la satu. Ndi akatembi ndu tukanula tandi, ana wa Makira, onʼa Manase, lu dihelo diandi. 24Ku Josefu akatela anangu ati: Dimi one aya langa lambelela ukunda. Keli mete Unyashungu ayunyendaka, ayunyolombola utsha lu kete yakandatshibi dia mbisha Abarahama, Isaka la Jakoba. 25Josefu akatshibia ana wa Isariyele ati: Unyashungu ayunyendaka, ku nyu nyayemba weka ami uma lindu.#50:25 Etum. 13:19; Jas. 24:32; Heb. 11:22. 26Josefu akavu lamʼakandayala la deku lukama la dikumi. Vo wakumia udu andi, wakûkiti binyi, ku vo wakawudji lu oshete, wakulamaka lʼEdjibitu.

Currently Selected:

Etatelu 50: TLL

Highlight

Copy