Etumbelu 1
1
Aui wʼAsi Isariyele lʼEdjibitu
1Kumbu yʼana apami wa Isanyelewakayi la Jakoba lʼEdjibitu, untu la khumbu kandi untu la khumbu kandi nye: 2Rubena, Simeyona, Lewi, Juda, 3Isakara, Zebuluna, Bendjamina, 4Dane, Nafetali, Ngada, la Ashere.#1:4 Etat. 46:8-27. 5Wane tshe wakatumbi uma le Jakoba waki antu akumi esambeli. Laso ku Josefu ambukumaka lʼEdjibitu. 6Josefu akavu leko, ndu anangu tshe, ndu wane tshe wa lu lolonga lawo. 7Keli asi Isariyele waki la diwutshi, wakafulanela efula, wakakukanela lu kete.#1:7 Etsh. 7:17. Ndu wakatatekoyaka ndjala la wulu. Vo wakaluli lu kete yako.
8Lʼokongo diku khumʼekanga kʼuyuyu, laki kumbeya Josefu, akulela lʼEdjibitu.#1:8 Etsh. 7:18. 9Ku ndi akatela asikandi ati: Nyendi asi Isariyele ane! Vo wambuyala wudja wutuleki wuki ndu wulu. 10Nyeso, tatsheli akambu amotshi la ewu,#1:10 Etsh. 7:19. watukufulanela, ndu naka ta dimotshi diayututumbela shashimuya, vo wayosohana la atunyi asu, ku vo ntolosha. Lʼokongo diku, ku vo ntumba uma lu kete yasu. 11Okone vo wakakitsha ewandji ladiku diawo, dia mbasuya la tumu ya wulu. Vo wakahikela Farayo esumba wʼeumbelu: Pitome la Ramese. 12Keli uku akawasuya efula, mbakawafulanela efula, mbakawadiangana efula. Okone asi Edjibitu waki la lunyangu efula lʼetema awo dikambu diʼasi Isariyele. 13Osoku asi Edjibitu wakaleki mbakambia ulimu la ngala. 14Wakete nyumu yawo wetshu la elimu wa wulu: ulimu wa nsoha kete la mbula atafadi, la tumu tshe ya lu dikambo. Vo wakakambiaka tumu tshe yakawawashaka la ngala.
15Khumʼekanga kʼEdjibitu akatela ambutshutshi wʼasi Heberu, waki lukumbu la omotshi Shifira la lukumbu la ukina Pua, ati: 16Lamʼayunyutshakaamantu wʼasi Heberu, naka nyambena ona pami, kanyudiaki; keli naka ona umuntu, ku nyu mbutshika la lumu. 17Keli ambutshutshi wakukaka Unyashungu woma, diako mbakiwo kuntsha uku akawatela khumʼekanga kʼEdjibitu. Okone vo wakatshiki ndu ana apami tshe la lumu. 18Ku khumʼekanga kʼEdjibitu aketi ambutshutshi; akawambula ati: Okoko wana wakanyatshi okone, wakanyatshikaka ana apami la lumu? 19Ambutshutshi wakakaluya Farayo diui vati: Amantu wʼasi Heberu kema uku amantu wʼasi Edjibitu. Vo weli amantu wa wulu, watuyautshaka la ntundu ka umbutshutshi atakumi. 20Unyashungu akatshela ambutshutshi ololo. Osoku asi Heberu wakafulanela, wakayala la wulu efula. 21Ne dia ambutshutshi wakukaka Unyashungu woma, diako mbakandangonyaka khumbu yawo. 22Farayo akadjangela wudja andi tshe ati: Kanyutambiyaki ona pami tshe layutoka lʼatei wʼasi Heberu lu Nile.#1:22 Etsh. 7:19. Keli kanyutshikaki ana amantu tshe la lumu.
Currently Selected:
Etumbelu 1: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
