Etatelu 23
23
Abarahama Ambusumba Dihuli dia Nkhunde Sara
1Sara akalumbi deku lukama akumi ahendi la esambeli. Osoku mbaki deku diakalumbi Sara. 2Sara akavu lu Kiriyate-Areba (ketawo vati: Heberona) lu kete ya Kanana. Abarahama akatshi utanda dia ndela Sara. 3Ndi akemala la ntundu ka udu a wadendi; akatela asi Hiti okone ati: 4Ongendangenda mbudjashimi lʼatei anyu,#23:4 Heb. 11:9-13. nyumbisha hyuli ya dimi nkhunde udu a wademi.#23:4 Etsh. 7:16. 5Asi Hiti wakûkaluya diui vati: 6Khumesu, utusha lutui! Ulangimi a Unyashungu mbeye lʼatei asu. Osonole dihuli dia nkhunde wadeye lene atutukhundeka antu. Nduku untu lʼatei asu ayukushimba. 7Abarahama akunela, akakhusamela asi Hiti, akanga a wudja oso. 8Ku ndi akawatela ati: Nyumbukeli. Naka nyu mbetawoka dimi nkhunde wademi, nyoteketele le Eferona, onʼa Zohara, 9dia ndi mbishami wuku wa la Makipela weli la kuma kʼekambo kandi; ndi kansundjawo lʼushinga tshe wayundudja la ntundu kanyu. Dio kadiuyali dihuli diami hita diʼekhundelu lʼatei anyu. 10Etena kako Eferona akadjashi lʼatei wʼasi Hiti. Ku ndi akakaluya Abarahama diui la ntundu kʼasi Hiti ndu ka waku tshe wakotoka la suku dia usumba ati: 11Khumemi, aha osoku. Uhukami, dimi lambukusha ekambo wushasha ndu wuku weli lʼatei ato. Lambukushawo la ntundu kʼasikami tshe. Ukhunde wadeye. 12Abarahama akakhusamela asi wudja wa lu kete yako. 13Ndi akatela Eferona la ntundu kʼasi wudja ako ati: Keli naka we nangaka, umbukeli; etawo dimi nkusha ushinga wʼekambo, keli nkhunde wademi. 14Eferona akakaluya Abarahama diui ati: 15Khumemi, ulungi, ekambo ka shekele kama nyei ya fesa, eli na lʼasami la ye? Ukhunde wadeye. 16Abarahama akuki diui dia Eferona. Ku ndi akedika la ndi shekele kama nyei ya fesa, uku akadji Eferona ushinga la ntundu kʼasi Hiti, akawusha.
17Okone ekambo ka Eferona ka la Makipela kaki lu welelo wa Mamare, ndu wuku la etamba tshe waki lu ekambo, ndu ene waki lʼelelu wa lʼutshimba ato, 18wakayala wa Abarahama lu ashu wʼasi Hiti, ndu wa wane tshe wakotoka lu suku dia usumba. 19Lʼokongo diku, Abarahama akakhunde wadendi Sara lu wuku wa lu ekambo ka la Makipela kelanedi la Mamare (ketawo vati: Heberona) lu kete ya Kanana. 20Ekambo la wuku weli loko wakayala wʼAbarahama pundju. Ndi akayala kanga dihuli diako diakandasumbi uma le asi Hiti dia nkhundeka edu wa khumbu kandi.
Currently Selected:
Etatelu 23: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
