Etatelu 22

Latuyalaka Ambutela Abarahama dia Nambula Isaka

1Lʼokongo wʼakambu aso, Unyashungu akahimbi Abarahama, akaweti ati: Abarahama! Ku ndi aketawo ati: Dimʼone. 2Unyashungu akawutela ati: Ose etoi kaye kʼona, Isaka, lalekaye mbuka ngandji. Uneli, utshu la ndi lu kete ya Moriya. Kutulambuli ulambu wa lutshumba lʼukungu omotshi wayumutukenya. 3Ku Abarahama aketo kʼolomo la pindju, akakeleka edie ladiku dia punda kandi. Ndi akatshu, ndi la ekambi andi ehendi kame la Isaka. Ndi akati kunyi ya ntushumba ulambu. Ku ndi akatshu utsha lu dihuli diakawutela Unyashungu. 4Lushi la satu la Iokendo, Abarahama akedia ashu, akenyi dihuli diako uma lʼetali. 5Ku Abarahama akatela ekambi andi ati: Nyutshikali la punda lane. Dimi la ona tayutsho pulu leku dia ntotemola Unyashungu, ku tayukalula le nyu. 6Ku Abarahama akose kunyi ya ntshumba ulambu, akayembia onʼandi Isaka. Ndi akose ndu efuki ka dja la lukuwa. Ku vo ahendi wakunela, wakatatshokaka kame. 7Isaka aketi Abarahama ati: Papa! Ku shi aketawo ati: Dimʼone, onʼami. Isaka akawumbula ati: Enda, efuki ka dja la kunyi nye, ku lendʼeli osongo wʼokoko wa ntshumba? 8Abarahama akûkaluya diui ati: Tutshiki dikambu so lu anya a Unyashungu. Ndame ayukutsha okoko wukuki ntshumbama lu ediakelu. Ku vo ahendi wakatatshokaka kame.

9Lamʼakakumi Abarahama la onʼandi Isaka lu dihuli diakawutela Unyashungu, ndi akatshi ediakelu laawo. Ndi akahatanya kunyi, ku ndi akakeleka onʼandi Isaka, akawetamia ladiku dia kunyi ya lʼediakelu.#22:9 Jak. 2:21. 10Abarahama akasimbula lunya, akose lukuwa dia ndjaka onʼandi. 11Ku ondjelo wa latuyalaka akaweti uma lʼulungu ati: Abarahama! Abarahama! Ku ndi aketawo ati: Dimʼone. 12Ondjelo akawutela ati Tukumiaki lunya laye le ona. Ndu tutshelaki nduku dikambu. Dimi lambeya kakiane nti: We mbukaka Unyashungu woma, ne dia we konseka dia mbishami etoi kaye kʼona. 13Abarahama akedia ashu, enyi ku okoko wʼumi one wudingami ekodi lu seki lu hyuka. Abarahama akatuwosa, akulambula ulambu a lutshumba lu dihuli dia on andi.#22:13 Heb. 11:17-19. 14Abarahama akole dinuli so ati: Jehowa-Jire (kitshimudi ati: Latuyalaka ayukutsha). Uma lu dikambu diako mbatuwutaka edja ndu elo vati: Dikambu tshe mbeyaka nkutshama lʼukungu wa Latuyalaka. 15Ku ondjelo a Latuyalaka aketi Abarahama uma lʼuiunnu etena ka hendi; 16akawutela iti: Latuyalaka ambuyatshiba ati: Ne dia we ambutsha dikambu ne, ndu we kuntuna nkimo etoi kaye kʼona, dimi layukotshokola. 17Mete, dimi layukotshokola, ndu layufudia tukanula taye#22:17 Heb. 6:13-14. uku toto ta lʼulungu ndu uku efula ka seke ya lokongo, yatuyalaka lʼumamu wʼashi.#22:17 Heb. 11:12. Tukanula taye wayukita asuku wʼatunyi awo. 18Wedja tshe wa la kete wayotshokwama uma lu dikambu dia tukanula taye,#22:18 Etsh. 3:25. ne dia we akakitanyia diui diami. 19Ku Abarahama akakalula le ekambi andi. Vo wakunela, wakatshu kame utsha la Bere-Sheba. Abarahama akadjase la Bere-Sheba.

20Lʼokongo wʼakambu aso, wakayutela Abarahama vati: Ndu Milika akutela onanyo Nahora ana ane: 21lʼenundu Uze, ndi la Buza onangu, la Kemuele, shi Arama, 22Kesede, Hazo, Pelidashe, Jidilafe, ndu Betuele. 23Betuele, akuti Rebeka Ana apami enanei ane mbakuti Milika la Nahora, onangu Abarahama. 24Ndu Reuma, useka wa Nahora, akuti la ndi Teba, Ngahama, Tahasha la Maka.

Currently Selected:

Etatelu 22: TLL

Highlight

Copy