Yohani 14

Injila iyi yikulabila kwa Tata

1Mungalalamukaga indumbula syinu; amumwitikege

2itolo Kyala, nanine munyitikege. Nnyumba ya Tata bwingi ubuyo; linga bukalimo angali mbabulile, buno

3nsumwike kukubatendekekesya ubuyo umwe. Lelo napa nikubuka kukubatendekekesya ubuyo, ngwisa kangi, nisakubambililaga kumyangu, ukuti kuno ndiko une ko nanumwe

4mukayege. Kangi kuno nikubuka muyimenye injila.

5Popapo Tomasi alinkumbula alinkuti: Malafyale, tukakumanya nakuno kubuka, lelo po tukuyimanyaga bulebule

6injila? Umwene Yesu alinkumbula alinkuti: Yo une ne njila, ne bwanaloli kangi ne bumi; nayumo atikwisako kwa

7Tata, pene papo linga ikwendela mmyangu. Linga mwalimenye une, po angali mummenye yope na yu Tata; ukwanda lilino mummenye kangi mumbwene.

8Popapo Filipu alinkumbula alinkuti: Utunangisyege

9uGuso, bo situfwene. Umwene Yesu alinkumbula alinkuti: Ngonile nanumwe akabalilo akatali, na ulu ukali ukamanya une gwe Filipu? Uyu linga ambwene une, bo ambwene

10na Tata; po fiki apa kuti utunangisyege uGuso? Syo utikwitika ugwe ukuti une ndi mwa Tata, yope Tata ali mmyangu? Amasyu aga nikubabula, ndikwagula nimwene; loli Tata uyu ali mmyangu, yo ikubomba imbombo syake.

11Amunyitikege ukuti une ndi mwa Tata, yope na Tata ali mmyangu; linga mutikunyitika panongwa iyi, po munyiti-

12kilege panongwa ya mbombo syene. Naloliloli nikubabula une nikuti, uyu linga ikunyitika une, imbombo isi nikusibomba une yope isakusibombaga; kangi isakubombaga

13ningulumba ukusikinda isi, papo nikubuka kwa Tata. Fyosa ifi linga mukusumila mungamu yangu, fyo nikubombaga,

14ukuti Tata akabilege ubukulumba mu mMwana. Fyosa ifi linga mukusumila mungamu yangu, fyo nisakubabombelaga.

Ukulagila isya Mbepo

15Linga munganile, po mwisakusikongaga indagilo syangu.

16Une nisakunsumaga Tata, yo isakubapaga Un jili uyungi,

17ukuti ayege nanumwe bwila; yu Mbepo gwa naloli, uyu ikisu kikamanya ukumwambilila, namanga kitikumbona, kangi kitikummanya; loli umwe mummenye, buno ikwitugasya

18nanumwe, kangi isakuyaga mmyinu. Ndisakubaleka bapina

19umwe, nikwisa kumyinu. Pasyele panandi po ikisu kitikumbonaga kangi, loli umwe mwe mukumbonaga, papo une ndi

20mumi, nanumwe po mukuyaga bumi. Pisiku lilyo, mwisakumanyaga ukuti une ndi mwa Tata, kangi umwe muli mmyangu,

21nanine ndi mmyinu. Uyu linga ali nasyo indagilo syangu, kangi ikusikonga, yo uyu anganile une; lelo uyu anganile une, yo isakuganigwaga na Tata, nanine nisakunganaga, kangi

22nisakwibonesyaga kumyake. Popapo Yuda (yomma ugwa mu-Karioti) alinkundalusya alinkuti: Malafyale, sili bo bulebule apa kuti kwibonesyaga ku kumyitu, loli kukisu

23komma? Popapo Yesu alinkumwamula alinkuti: Linga yumo anganile une, yo ikulikongaga ilisyu lyangu, yope na Tata ikunganaga, yo tukwisaga kumyake, kangi tukupapelaga

24ukuya po pabuyo bwitu pamyake. Uyu linga akangana une, yo atikugakonga amasyu gangu; ilisyu ili mukulipilika likaya lyangu, loli lya Tata uyu alindumile.

25-26Sisisi syo mbabulile umwe bo ngali ndi nanumwe. Loli umwene Un jili, Mbepo Mwikemo, uyu Tata isakuntumaga mungamu yangu, yo isakubamanyisyaga syosa, nukubaku-

27mbusya syosa isi mbabulile. Nikubalekela ulutengano, nikubapa ulutengano lwangu; ndikubapa bo mumo ikisu kikubapela. Mungalalamukaga indumbula syinu, kangi mu-

28nganyololokaga. Mupilike apa nababulaga ukuti, nikubukaga, kangi nikwisaga kumyinu. Linga mwalinganile, po angali musekile apa nikubuka kwa Tata, namanga Tata angindile

29ubukulumba une. Lilino mbabulile nganila bo sikali, ukuti

30bo sikuboneka mwisemwitikege. Ndisakongelapo ukuyoba nyingi nanumwe, buno ikwisa unkulumba gwa kisu. Umwene

31akaya namaka kumyangu; loli isi syo sikwisa, ko kuti ikisu kimanyege ukuti une nunganile Tata, nukuti nikubomba bo mumo andagilile Tata. Amusumukege, tusokengepo apa.

Currently Selected:

Yohani 14: NYY

Highlight

Copy